1 Samwil 22:2 - Hanunuu

² Kinmuyug yi waydi sa kan Dabid ti manga tawu magkakuri, ti may manga utang, hanggan ti balaw magkasulung sa kanda buhi. Manga 400 kanda bilang tanan ag si Dabid kanda takinan.

1 Samwil 22:2 Iomraidhean Croise

2 Samwil 17:8

Kilala nimu kanmu ama hanggan kay manga tawuhan; marabaskug sida pag manuggira ag maraisug parihu sa usu inagawan manga anak. Bukud waya siyun, anad kanmu ama sa pagdugma, unman siya magkaturug kaibahan niya manga tawuhan.

2 Samwil 5:2

Ginan di waya sa kabag-u, una si Saul waya kanmi hari, kawu yi ti magpanguna sa manga Israilita sa girahan. Nagkumun diman ti Panginuun, ‘Giyahan nimu kang manga nasakupan Israilita parihu sa paggiya usa ka manug-alaga sa kay manga karanidu. Kawu ti takinan nida.’ ”

2 Hari 20:5

“Pagbalik kawu sa kan Isikyas, ti takinan niku nasakupan, ag sabihan inda: ‘Inda ti pagsabihun Panginuun, ti Diyus nimu ginurang si Dabid: Nadnugan niku kanmu darangin ag nakitan niku kanmu manga luwa. Paayadun niku kawu. Sa ikatlu pag sirang taynguna ginan makabangun yi kawu, ag makaatag kawu sa Balay Diyus Panginuun.

2 Hari 4:1

May usa ka buranday babayi kaybi, kay asawa kaibahan sa gurupu manga purupita. Pagka sa usa ka sirang, naghagad siya awat sa kan Ilisyu. Magkun siya, “Namatay yi duy kang asawa, kanmu manugsirbi, ag alam nimu nu kabitay kay maggalang sa Panginuun. Taynguna, ti inutangan niya pag tawu rinmas-ug hampay bul-un kanmi duwa ka anak lalaki hampay buwatun suruguun bilang kabaydanan sa utang.”

Kabagawan 31:6

Pabay-ani mag-inum ti manga tawu naduraan pag-asa ag magkakurian kay tagipusuun, hampay malimtan nida kanda kakurian ag manga kaarimputuhan.

Matiyu 11:12

Ginan waya sa kay nagtudlu ni Huwan Manugtulbaw hanggan taynguna tugka, ti kaharian langit pag-unuunuhun, pag-agawun manga mag-unuunu.

Matiyu 11:28

“Pagsitay tag kamu sa kangku, kamu tanan manga purus sa kanyu tarabahu hanggan sa kanyu dara mabuyat, kamu kang paalwanun.

Hibriyu 2:10

Linalang Diyus ti tanan bagay angay sa kay gayak niya kagustuhan. Nakan ngani ipinalakaw niya si Hisus sa kakurian kay inagwanta hampay lubus tupadun niya ti kagustuhan Diyus, ag hampay mayamu tawu kay mataban sa kadayawan.

Talaghusay 11:3

Nakan inmighit si Hipti ginan sa kanda ag nangulian sa Tub, nu naan nagkuyug sa kanya ti usa ka gurupu manga tawu unman may pulus kanda manga pagbuwatun.

Talaghusay 18:25

Magkun sida, “Mayad waya danga yi lang kawu mag-ingay, dahil barang mangisug waya kanmi manga kaibahan ag matyun kawu nida hanggan kanmu magtal-anakan.”

1 Samwil 22:3

Siyun ginan, inmatag si Dabid sa Mispa sakup Muab ag magkun sa hari Muab, “Pahintulutan aw duy nimu kang manga gurang sitaay dap pag mangulian tugka sa unman waya niku siguradu nu unu ti kagustuhan Diyus sa kangku?”

1 Samwil 23:13

Nakan nighit si Dabid ginan sa Kila kaibahan kay 600 ka tawuhan ag napahalin-halin sida rugar. Pagka nabaritaan ni Saul kuntay nalagiw yi si Dabid ginan sa Kila, balaw yi siya dinmiritsu atag.

1 Samwil 25:13

Pagka nasaydan niya inda tanan, magkun siya sa kay manga tawuhan, “Sukbitan niyu kanyu manga baladaw!” Nakan isinukbit manga tawuhan niya kanda manga baladaw, katunda diman kay binwat ni Dabid. Manga 400 tawu ti kinmuyug sa kan Dabid ag 200 ti napatayak hampay mantanud sa kanda kagamitan.

1 Samwil 30:6

Nag-amat di gid ti kakurian ni Dabid dahil magkadaut sa kanya kay manga tawuhan dahil sa pagkabihag nida manga anak, ag naggayak sida bumintuk sa kanya. Dapat pinabaskug siya Panginuun niya Diyus.

1 Samwil 9:16

“Aldaw sa kainda diman pag udas, paasantagun niku sa kanmu ti usa ka tawu ginan sa rugar Binhamin. Payidi nimu siya lana ulibu sa kay ulu bilang palatandaan siya yi ngani kang pinili pag takinan niku nasakupan Israilita. Iribri niya kang manga nasakupan ginan sa kamang manga Pilistiyu dahil nakitan niku kanda kakurian, nadnugan niku kanda magdangup sa kangku.”