1 Samwil 22:10 - Hanunuu

¹⁰ Pinaingana ni Ahimilik ti Panginuun nu unu ti dapat buwatun ni Dabid, bag-u pinakan-an waya duy niya karan-unun ag ipinakaun diman duy ti baladaw ni Gulyat taga Pilistiya.”

1 Samwil 22:10 Iomraidhean Croise

Bilang 27:21

Sa kan Iliyasar pag maalaman niya kang kagustuhan sa panab-anan paggamit ni Iliyasar Urim sa kang atubangan. Sa katida pag paraan, mapatigayunan ni Iliyasar si Huswi hanggan ti manga Israilita sa kanda buruwatun.”

1 Samwil 10:22

Nakan ngani kanda maan ipinaingana sa Panginuun magkun, “Atay yi aw nguna ti napili pag tawu?” Sinmagut ti Panginuun magkun, “Atay yi ngani siya dapat ay napatagu siya napabusul sa mabutang.”

1 Samwil 21:10

Nakan nalagiw si Dabid sa kan Saul, nag-ati siya sa kan Hari Akis taga Gat.

1 Samwil 22:11

Ipinatawag ni Saul ti manughandug si Ahimilik, kay anak ni Ahitub, hanggan kay buu magtal-anakan manga manughandug sa Nub.

1 Samwil 22:13

Magkun si Saul sa kanya, “Hayga kawu nanpakampi sa kan Dabid laban sa kangku? Hayga pinakan-an waya nimu siya karan-unun ag baladaw? Hayga nagpaingana waya kawu sa Diyus para sa kanya? Unman aw lugud nimu alam maglaban siya sa kangku ag paggayakun niya aku matyun?”

1 Samwil 22:15

Hu, nagpaingana ngani aku sa Diyus para sa kanya, dapat ginan di waya kaybi pagbuwatun yi niku inda sa kanya. Magpakihampang duy aku, danga duy kawu magkagalit sa kangku hanggan sa kang magtal-anakan tungkul sa inda pag bagay, dahil unman aku may alam sa kay manga gayak laban sa kanmu.”

1 Samwil 23:12

Nagpaingana maan si Dabid, “Aku hanggan kang manga tawuhan ipahintulut aw manga nasakupan Kila sa kamang ni Saul?” Sinmagut ti Panginuun, “Hu, ipahintulut nida kamu.”

1 Samwil 23:2

Nagpaingana si Dabid sa Panginuun, “Girahun aw duy niku ti manga Pilistiyu?” Sinmagut ti Panginuun, “Hu, giraha nimu sida ag ribrihan nimu ti Kiyla.”

1 Samwil 23:4

Nagpaingana maan si Dabid sa Panginuun, ag magkun ti Panginuun, “Pag-atag kawu sa Kila dahil papanaluhun kawu niku laban sa manga Pilistiyu.”

1 Samwil 30:8

Nagpaingana si Dabid sa Panginuun, “Lagsun aw niku ti manga nansalakay sa kanmi? Matalu aw niku sida?” Sinmagut ti Panginuun, “Hu, lagsa nimu sida. Pihu matalu nimu sida ag mairibri di nimu ti manga bihag.”