1 Samwil 21:5 - Hanunuu

⁵ Sinmagut si Dabid, “Unman kami mag-ulid sa babayi nu may lakaw kami. Una pankaraniwan lang kanmi lakaw kailangan pag malumpiyu di kami. Lalu waya gid ti mahalaga pag lakaw.”

1 Samwil 21:5 Iomraidhean Croise

Pag-ighit 19:14

Naglus-ug si Muysis sa bantud ag sinugu niya ti manga tawu lumpiyuha kanda sadili. Bag-u pinipian manga tawu kanda manga rutay.

Pag-ighit 19:15

Magkun si Muysis sa kanda, “Ialistu niyu kanyu manga sadili sa ikatlu pag sirang; danga dapu kamu mag-ulid sa kanyu asawa.”

Pag-ighit 25:30

Kailangan pirmi paulian tinapay handug sa kang atubangan ti lamisa.

Libitiku 24:9

Inda pag manga tinapay para sa kan Aarun hanggan sa kay manga magtal-anakan. Kan-un nida inda sa banal pag rugar ati sa Turda, dahil banal gid inda pag bahagi handug para sa Panginuun sa panab-anan apuy. Ag para gid inda sa kanda hanggan aban.

Libitiku 8:26

Bag-u nagbuul si Muysis tigus-a ka tinapay ginan sa kada kalasi manga tinapay unman may pamadaka ginan sa basad alat, kay ihinandug sa Panginuun. Nagbuul siya madamul pag tinapay, tinapay may lakay lana, hanggan tinapay manipis. Ipinahiyaput niya tunda tanan sa kan Aarun hanggan sa kay manga anak kaibahan yi ti tanan pag taba ag ti sikun pag lulud karanidu, bag-u ipinaabwat nida tunda para sa Panginuun bilang handug pag-ipaabwat.

Binwat 9:15

Magkun maan ti Panginuun sa kan Ananiyas, “Pag-ati duy kawu, dahil pinili ngap niku si Saulu hampay siya sumirbi sa kangku hampay ipakilala niya kang makamaskihan pag ngaran sa manga balaw Hudiyu, sa manga hari hanggan sa nasyun Israil.

1 Kurintu 7:5

Danga mag-irirangan ti mag-asawa, purya lang sa kanyu taratuhan nu pira ka sirang agud makapadugay kamu sa darangin, bag-u magmirinsanan maan kamu, barang kamu matuksu ni Satanas nu udyi kamu makabata.

1 Pidru 3:17

Lalu waya mayad nu kamu may pag-agwantahun kakurian dahil sa kanyu magbuwat mayad, nu abi tida kay kagustuhan Diyus. Minus lang gid nu kamu mag-agwanta kakurian dahil sa kanyu magbuwat daut.