1 Samwil 21:11 - Hanunuu

¹¹ Magkun ti manga manugpamahala ni Akis sa kanya, “Balaw aw si Dabid yi ngani tunda hari sa kanda rugar? Kabay si Dabid yi ngani ti pagbayaun manga kababayihan mintaras magsayaw sida ag magkanta, ‘Pira lang ka libu ti minatay ni Saul, dapat kan Dabid bay tig sampu-sampu ka libu’?”

1 Samwil 21:11 Iomraidhean Croise

Kanta 34:1

Dayawun niku pirmi ti Panginuun; balaw umapas kang pagdayaw sa kanya.

1 Samwil 16:1

Ati katpung, magkun ti Panginuun sa kan Samwil, “Tugka kapira kawu pag manrukuan para sa kan Saul? Binugyahan yi niku siya bilang hari Israil. Taynguna, pun-a lana ulibu kanmu sungay pag sukadan, bag-u pag ati kawu sa kan Isai sa Bitlihim. Pinili niku ti usa sa kay manga anak hampay humari.”

1 Samwil 19:18

Pagka nakalayas si Dabid, inmati siya sa kan Samwil sa Rama ag itinultul niya ti tanan binwat ni Saul sa kanya. Siyun ginan, nag-atag sida ni Samwil sa Nayut ag ati pag nangulian.

1 Samwil 27:1

Magkun si Dabid sa kay sadili, “Rumas-ug ti sirang matyun aku ni Saul. Mayad waya lumayas yi lang aku atabug sa rugar manga Pilistiyu hampay umapas yi siya sa kay maghanap sa kangku sa Israil, ag makaribri yi aku sa kanya.”

1 Samwil 27:2

Nakan inmati ngani si Dabid kaibahan kay 600 ka tawuhan ati sa kan Hari Akis taga Gat, kay anak ni Mauk.

1 Samwil 29:5

Bilang kabay siya yi ngani ti pag-ipadayaw manga babayi Israil habang magsayaw sida ag magkanta magkun, ‘Pira lang ka libu ti minatay ni Saul, dapat kan Dabid bay tig sampu-sampu ka libu’?”