1 Samwil 20:2 - Hanunuu

² Sinmagut si Hunatan, “Balaw kawu mamatay! Pihu aku unman siya may paggayakun katunda. Diit man ngatay daka pag bagay, pag-ipaalam di niku ama sa kangku ti tanan niya pag buwatun. Nakan balaw tutuu tunda.”

1 Samwil 20:2 Iomraidhean Croise

Gimpuunan 44:7

Magkun sida sa manugpamahala pag suruguun, “Kabitay nimu nasabi tunda? Balaw nimi mabuwat tunda pag bagay.

Kanta 40:6

Balaw nimu pagkaibgan ti tuhay-tuhay pag kalasi manga handug. Balaw kawu maghagad manga handug pagsunugun hanggan handug sa paglumpiyu. Bagkus ngap, binwat nimu aku matinupadun sa kanmu.

Kabagawan 29:24

Ti tawu kasabwat sa magtakaw pag-ipadamhak niya kay sadili. Una ipinasumpa siya pagtultul kay tutuu, unman gid siya magtultul.

Isayas 50:5

Nagbagaw sa kangku ti Panginuun Diyus ag namatingi aku. Balaw aku naglabag ngatay naglayas sa kanya.

Lukas 20:16

Atihan niya hampay matyun tunda pag manga manugtarabahu bag-u iintirga maan sa manga iba kay ubasan.” Pagka nakadnug ti manga manugpatingi sa kan Hisus tultulanun sinabi nida magkun, “Danga maniring mana sa ati pag tultulanun.”

Huwan 15:15

Balaw yi pag-ingarnan niku kamu manga panawuhun, dahil unman alam panawuhun ti buruwatun niya amu. Kamu ngani kang pagmayadun pag manga tawu dahil ti tanan itinultul Ama sa kangku, kang itinultul maan sa kanyu.

Huwan 17:8

Ti bagaw kanmu iinintirga sa kangku, kang diman waydi ipinadakit sa kanda, kanda diman waydi tinanggap. Magpatutuu diman sida aku nagsitay ginan sa kanmu. Naniwala diman sida kuntay kawu ti nagsugu sa kangku.

Huswi 22:29

“Unman nimi mabwat manlaban ngatay pumatlikud sa Panginuun sa panab-anan pagpatindug nimi sadili harandugan para sa manga handug pagsunugun, manga handug pasalamat, ag sa iba waya pag manga handug. Balaw nimi ibalyu ti harandugan Panginuun nita Diyus asan sa atubangan niya Turda.”

Huswi 24:16

Sinmagut ti manga tawu, “Unman gid sa kanmi naisipan ti pumatlikud sa Panginuun ag manirbi sa iba pag manga diyus.

1 Samwil 14:45

Dapat magkun ti manga tawu sa kan Saul, “Si Hunatan duy ti nagpanalu sa kanta, dapat taynguna, matyun nita siya? Balaw duy mahimu! Magsumpa kami sa Panginuun buhi, unman gid una di usa kay buhuk niya ti maragdag sa daga, dahil Diyus duy ti nag-awat sa kanya sa kay binwat taynguna pag sirang.” Nakan balaw ngani minatay si Hunatan dahil irinibri siya manga Israilita.

1 Samwil 20:1

Nalagiw si Dabid ginan sa Nayut sa Rama, inmati sa kan Hunatan bag-u nagpaingana, “Hintay lugud pag kasalanan kang nabwat sa kanmu ama nakan pagkaibgan niya aku matyun?”

1 Samwil 20:12

Sinabi ni Hunatan sa kan Dabid, “Magtaratu aku sa Panginuun, ti Diyus Israil, aldaw sa kainda diman pag udas, ngatay sa sunud pag sirang, manhampang aku sa kang ama, ag nu mayad kay buut niya sa kanmu paalaman di niku kawu.

1 Samwil 20:3

Dapat magkun si Dabid, “Alam gid nimu ama mayad kanmu magtaratu sa kangku, nakan balaw yi niya pag-ipaalam sa kanmu kay gayak niya pagmatay sa kangku, dahil barang rumuku lang kawu. Dapat pag pihuun niku sa kanmu, hanggan sa atubangan Panginuun buhi, dilikadu kang buhi taynguna.”

1 Samwil 9:15

Sa usa di waya ka sirang bag-u di rumas-ug si Saul, sinabi yi Panginuun sa kan Samwil magkun,