1 Samwil 20:10 - Hanunuu

¹⁰ Nagpaingana si Dabid, “Kabitay niku pag maalaman nu magkagalit ngatay unman kanmu ama?”

1 Samwil 20:10 Iomraidhean Croise

Gimpuunan 42:30

Magkun sida sa kan Hakub, “Binagawan duy kami marasakit gubirnadur Ihiptu ag binangdanan kami kunu manga manugtiid.

Gimpuunan 42:7

Pagka nakitan ni Husi sida, nakilala rargu niya sida, dapat siya unman nida nakilala. Balaw lang siya napahalata kuntay siya si Husi. Nagpaingana siya sa kanda nu taga naan sida. Nagsagut sida, “Taga Kanaan duy kami, nag-ataytag kami hampay manbili karan-unun.” Naalaala rargu ni Husi kay tagin-up tungkul sa kanda imaw kay dahilan nu hayga sida nagalit sa kanya. Nakan nagbagaw siya marasakit sa kanda, “Manga manugtiid kamu! Nag-atay kamu hampay bantayan kanmi nasyun nu naan baliwa ti may mahina pag palalan-iban.”

1 Hari 12:13

Dapat balaw tinupad ni Rihubuam ti patigayun manga manugpamahala. Bagkus ngap, binagawan niya mabuyat ti manga tawu

Kabagawan 18:23

Magpaawa-awa ti pugri, dapat marasakit ti sagut mayaman.

1 Samwil 20:11

Magkun si Hunatan, “Pagkuyug kawu sa kangku ati sa tanman.” Nakan nag-ati ngani sida.

1 Samwil 20:9

Sinmagut si Hunatan, “Unman mangyari tunda! Nu maalaman niku may gayak kang ama manmatay sa kanmu, ipaalam gid niku inda sa kanmu.”

1 Samwil 25:10

Dapat unman pinansin ni Nabal kay bilin ni Dabid. “Si unu lugud inda pag Dabid kay anak ni Isai? Taynguna pag panahun, mayamu panawuhun maglayas ginan sa kanda amu.

1 Samwil 25:14

Usa sa manga suruguun ni Nabal ti magsabi sa kan Abigil, imaw kay asawa ni Nabal, magkun siya, “Si Dabid duy namadara manugbarita ag maayad nanpakihampang sa kanmu asawa, dapat inisugan sida nimu asawa.

1 Samwil 25:17

Isipa duy nimu kaayad ti marinu nimu buwatun dahil midamhak kanmu asawa hanggan kay buu magtal-anakan. Daut gid subra siya pag tawu nakan unman may nu hintay ti magkaibug manhampang sa kanya.”