1 Samwil 2:5 - Hanunuu

⁵ Ti manga abunda kaybi magtarabahu yi taynguna hampay lang may makaun. Dapat ti manga magkalun-us kaybi abunda yi ngap taynguna. Ti manga unman mag-anak kaybi, mayamu yi kay anak taynguna. Dapat ti manga mayamu kay anak kaybi maruku taynguna dahil udyi may anak.

1 Samwil 2:5 Iomraidhean Croise

Kanta 113:9

Pagpasulungun niya ti baug pag babayi sa kay ulian sa panab-anan pagpakaun sa kanya manga anak. Dayawa ti Panginuun!

Kanta 34:10

Ti liyun mahimu kurangun sa karan-unun ag lun-usun, dapat ti manga magdangup sa Panginuun balaw gid kurangun mayad pag manga bagay.

Isayas 33:9

Kaawaawa ti daga Israil. Magkarubay ti manga kayu sa Libanun, ag magkay-a. Nagbaliw pangawakawaan ti karatagan Sarun. Magkararagdag ti manga labung manga puun kayu sa Basan hanggan sa Karmilu.

Isayas 54:1

Magkun ti Panginuun, “Pagkanta kawu Hirusalim, kawu ga babayi baug. Pagkanta kawu ag pagringgit sa kabayaan, kawu unman nakalakaw kakurian sa magpanganak. Dahil una yi tinayakan kawu nimu asawa, mas yumamu kanmu manga anak kaysa babayi kaibahan kay asawa.

Hirimyas 15:9

May ina maduraan pitu ka anak lalaki. Matigbakan siya ag makurian sa mag-arup. Kay manga anak ga init madali mag-isangday. Mangay-a siya dahil udyi siya may anak. Ag ti manga magkasawad buhi ipamatay diman niku sa kanda manga kalaban. Aku, ti Panginuun, ti magsabi inda.”

Lukas 1:53

Binsug niya ti manga magkalun-us sa manga mayad pag kabagayan. Tinulak niya ti manga mayaman, unman pinakan-an una lang hintay.

Lukas 16:25

“Dapat magkun si Abraham, ‘Anak, isipa dapu nimu. Kawu nu sa babaw waya daga, kanmu nakitan kanmu hinanap pag manga kaayadan. Si Lasaru nu sa babaw waya daga nalakawan yi niya ti kakurian. Dapat taynguna pinakan-an siya kaayadan sitay, kawu maan ti sa makuri.

Galasya 4:27

Angay sa Kasuratan magkun, “Pagbaya kawu pag babayi una unman nagkaanak. Paghuyaw gid kawu sa kanmu kabayaan, kawu pag babayi balaw nakalakaw sakit sa mag-anak. Dahil ngani lalu gid aduk ti manga anak tunda pag babayi ti tinayakan niya asawa, balaw lang ga sa babayi may asawa.”

Rut 4:15

Pabisugun ag alagaan niya kawu nu gurangun yi, dahil anak siya nimu umagad magmahal sa kanmu balaw di ga sa pagmahal pitu ka anak lalaki.”

1 Samwil 1:20

Rinmas-ug ti panahun namuduy si Hana, nanganak usa ka lalaki. Iningarnan niya inda Samwil, dahil magkun siya, “Hinagad niku siya sa Panginuun.”

1 Samwil 1:6

Dahil sa unman ngani siya mag-anak, pirmi siya pagsungyawun ag pagpakay-ahun ni Pinina, kay karibal.