1 Samwil 2:34 - Hanunuu

³⁴ Ag bilang palatandaan para sa kanmu mangyari inda pag manga bagay, sabay mamatay kanmu anak duwa ka bilug sida ni Hupni ni Piniis, sa usa lang ka sirang.

1 Samwil 2:34 Iomraidhean Croise

1 Hari 13:3

Sa inda mismu pag sirang, namakaun palatandaan ti suruguun Diyus kuntay mangyari kay sinabi. Magkun siya, “Inda ti sinabi Panginuun pag palatandaan: Magkaratumpag inda pag harandugan ag kay galbuk inda mawayak.”

1 Hari 14:12

Bag-u magkun si Ahiyas sa asawa ni Hirubuam, “Pag-uli yi kawu sa kanyu. Pagras-ug nimu sa kanmu banwa, mamatay kanmu anak.

Lukas 2:12

Inda yi ngani ti puruyba hampay makilala niyu siya: sab makitan yi niyu ti usa ka lapsag mapulhutan sa kumut, ibinugtang sa labangan hayup.”

1 Samwil 10:7

Nu matupad yi inda pag manga bagay, buwata nimu nu unu ti mayad dahil kaibahan nimu ti Diyus.

1 Samwil 2:33

Balaw niku paighitun ti iba sa kanyu sa kanda magsirbi sa kangku bilang manughandug, dapat makalakaw sida masyadu pag kakurian, ag unman sida mabuhi dugay.

1 Samwil 3:12

Sa tunda pag sirang, buwatun niku kang tanan sinabi laban sa magtal-anakan ni Ili.

1 Samwil 4:11

Naagaw manga Pilistiyu ti Kaban Diyus ag namatay ti duwa ka anak ni Ili sida ni Hupni ni Piniis.

1 Samwil 4:17

Sinmagut ti tawu, “Ti manga Israilita nalagiw sa manga Pilistiyu, mayamu gid pag manga Israilita ti namatay hanggan kanmu duwa ka anak sida ni Hupni ni Piniis minatay yi waydi. Naagaw paman manga Pilistiyu ti Kaban Diyus.”

1 Samwil 4:21

Bag-u siya namatay, Ikabud kay ipinaingaran sa kay anak, dahil magkun siya, “Nighit yi ti kadayawan Diyus ginan sa Israil.” Sinabi niya inda dahil ti Kaban Diyus naagaw manga Pilistiyu ag namatay yi waydi kay asawa hanggan kay manugang lalaki.