1 Samwil 2:25 - Hanunuu

²⁵ Magkun waya gid si Ili, “Nu ti usa ka tawu magkasala laban sa kay kaparihu, mahimu ti Diyus di ti manab-anan sa kanda. Dapat nu ti usa ka tawu magbuwat kasalanan laban sa Panginuun, si unu waya ti manab-anan sa kanda?” Dapat madi katida kay tamyaw nida ama, unman diman naniwala sa kanya kay manga anak, dahil paggayakun yi Panginuun matyun sida.

1 Samwil 2:25 Iomraidhean Croise

Gimpuunan 38:10

Daut kay binwat ni Unan sa magbantay Panginuun, nakan minatay diman siya Panginuun.

Gimpuunan 38:7

Dapat si Ir daut gid sa magbantay Panginuun, nakan minatay siya Panginuun.

1 Hari 8:31

“Nu ti usa ka tawu binangdanan nagsalan sa kay kaparihu, ag ipinaatag siya sa kanmu harandugan sa inda pag Balay Diyus sa pagtaratu balaw siya nagsalan,

1 Hari 8:32

patingihi nimu inda asan sa langit ag sintinsiyahi kanmu suruguun — ti magbangdan ag ti pagbangdanan. Parusahi ti nagkasala angay sa kay binwat, ag palpasi ti unman may kasalanan hampay miburayhaw unman siya nagsalan.

2 Krunika 10:15

Nakan ngani unman namatingi ti hari sa paghagadun manga tawu, dahil inda kagustuhan Diyus hampay matupad kay sinabi sa kan Hirubuam, kay anak ni Nabat, sa panab-anan ni Ahiyas taga Silu.

2 Krunika 25:16

Habang magbagaw ti purupita, sinmagut ti hari, “Hayga pagpaanyuan nimu aku? Binwat aw kawu niku tagapaanyu? Paghim-ung kawu, dahil nu unman, ipamatay niku kawu.” Nakan naghim-ung ti purupita makalawuy niya sabihun: “Pihu rurisun kawu Diyus dahil sinamba nimu ti manga diyus-diyusan ag unman kawu namatingi sa kangku.”

Hub 9:33

Mana may manab-anan sa kanmi duwa hampay may manhusay,

Kanta 51:16

Unman kawu magkaibug sa manga handug. Una manhandug aku sa kanmu handug pagsunugun, unman kawu makabaya.

Kanta 51:4

Sa kanmu lang gid aku nagsalan. Binwat niku ti manga bagay daut sa kanmu magbantay. Nakan tama kawu sa kanmu manga pagbagawun laban sa kangku. Balaw kawu nagsalan sa kanmu pagsintinsiya sa kangku.

Kabagawan 13:1

Ti madunung pag anak magpatingi nu pag-itadlung niya ama kay ugali, dapat ti magpuya pag anak unman magpatingi nu pagsungyawun.

Kabagawan 15:10

Ti pagtadlung sa ugali pag-ikadaut tawu balaw magkaibug sa tama pag dalan. Ti magbugya sa paalaala mamatay.

Kabagawan 29:1

Ti tawu magpaganit waya gid kay tagipusuun una pira yi ginan siya tamyawun midamhak lang rargu ag unman yi makabangun waya.

Manugtudlu 3:3

may udas sa pagmatay ag may udas diman sa pagbulung, may udas sa pagguba ag may udas diman sa pagbungsud,

Bilang 15:30

“Dapat una si unu ti nagkasala tinikis, tinubu Israilita man ngatay day-uhan, maglapastangan sa kangku, danga yi pagkilalan-a nasakupan niyu,

Diyuturunumiyu 1:17

Kailangan unman kamu may baliwahan sa kanyu magsintinsiya; parihu niyu patingihan ti manga makuri hanggan ti mayaman. Danga kamu magkadala una sa kantapu, dahil ginan di sa Diyus ti manga pasya niyu pagbuwatun. Nu makuri sa kanyu ti kasu, daran-a niyu sa kangku bag-u aku yi ti bahala sumintinsiya.’

Diyuturunumiyu 2:30

Dapat ay unman nagpasnu si Hari Sihun taga Hisbun kuntay palawuyun kita dahil pinaganit Panginuun niyu Diyus kay tagipusuun hampay iayaw niya siya sa kanta manga kamang, parihu sa kay binuwat niya kainda.

1 Timutiyu 2:5

Dahil usa-usa lang ti Diyus. Ag usa lang tigpamahala tag sa Diyus tag sa manga tawu, si Kiristu Hisus yi ngani pag tawu.

Hibriyu 10:26

Nu abi kita tikis yi lang magpadayun sa kasalanan madi nakilala yi nita ti katutuuhanan, udyi may iba waya pag ihandug sa Diyus sa ikapatawad nita kasalanan.

Hibriyu 10:27

Udyi may iba paraan nu unman mag-alagad lang kita sa madala gid pag patabgan pag sintinsiya aban, bag-u kay pangagalit Diyus tigpapas ga apuy sa manga kalaban niya.

Hibriyu 7:25

Nakan ngani siya ti lubus makaparibri sa manga tawu magpakarani sa Diyus sa panab-anan niya, dahil pirmi di buhi siya hampay manab-anan sa kanda sa atubangan Diyus.

Huswi 11:20

Dahil pinaganit Panginuun kanda tagipusuun hampay lumaban sida sa manga Israilita, hampay mapapas sida lubus ag matyun unman may awa, angay sa isinugu Panginuun sa kan Muysis.

1 Samwil 3:14

Nakan pag-isumpa niku balaw yi gid mapatawad sa panab-anan una hintay pag manga handug kay kasalanan magtal-anakan ni Ili tugka aban.”