1 Samwil 2:2 - Hanunuu

² Unman gid may iba banal nu unman ti Panginuun. Unman gid may pumarihu sa kanya. Unman gid may palalan-iban pag batu ti pumarihu sa kanta Diyus.

1 Samwil 2:2 Iomraidhean Croise

2 Samwil 22:32

Kawu lang, Panginuun, ti Diyus, ag unman yi may iba. Kawu lang kanmi palalan-iban pag batu.

2 Samwil 7:22

“Panginuun Diyus, kadayaw-dayaw kawu. Unman duy kawu may kaparihu. Unman may iba Diyus purya sa kanmu ag unman diman kami may nasaydan may iba pag diyus parihu sa kanmu.

1 Hari 8:23

bag-u nandarangin, “Panginuun, Diyus Israil, unman may Diyus parihu ga kanmu sa langit ngatay sa daga. Pagtupadun nimu kanmu kasunduan, ag pag-ipakakit nimu kanmu pagmahal sa kanmu manga suruguun magsunud sa kanmu sa buu nida tagipusuun.

Kanta 111:9

Linukat niya kay nasakupan, ag nagbuwat siya kasunduan sa kanda sa unman may katapusan. Banal siya ag makadululaw kay ngaran.

Kanta 18:2

Panginuun, kawu kang palalan-iban pag batu, kang matibay pag paratag-an ag manugribri. Bilang palalan-iban pag batu, makapatagu aku sa kanmu. Kawu kang panangga, makamaskihan pag manugribri, ag darangpan.

Kanta 18:31

Kawu lang, Panginuun, ti Diyus; kawu lang kanmi palalan-iban pag batu.

Kanta 71:19

Kanmu pagkamatadlung, Diyus, balaw masalman. Makadululaw kanmu manga binwat; unman gid may pumarihu sa kanmu.

Kanta 71:3

Kawu kang palalan-iban pag batu; sa kanmu aku pirmi magdangup. Isinugu nimu kuntay ribrihan aku, dahil kawu kang palalan-iban pag batu ag matibay pag panangga.

Kanta 73:25

Unman yi may iba waya sa langit kang pagkailanganun nu unman kawu lang. Dahil kawu atay sa kangku, udyi aku may iba waya paghangadun sa kalibutan.

Kanta 86:8

Panginuun, unman may diyus pumarihu sa kanmu; unman may una si unu ti makabwat kanmu manga binwat.

Kanta 89:6

Panginuun, unman may una di usa sa langit ti parihu sa kanmu. Unman may taga langit pag linalang ti pumarihu sa kanmu.

Kanta 89:8

Panginuun Diyus Makamaskihan, unman kawu may kaparihu; makamaskihan kawu ag magtupad sa tanan nimu pagbuwatun.

Kanta 99:3

Dumayaw ti manga tawu sa kanya dahil makamaskihan ag garalangun siya. Banal siya!

Kanta 99:5

Dayawa ti Panginuun kanta Diyus. Sambaha siya sa kay Balay. Banal siya!

Kanta 99:9

Dayawa ti Panginuun kanta Diyus. Sambaha siya sa kay banal pag Bantud, dahil banal ti Panginuun kanta Diyus.

Pag-ighit 15:11

Panginuun, si unu waya pag diyus ti parihu sa kanmu? Unman kawu may kaparihu sa kabanalan ag kamaskihan. Kawu lang ti Diyus ti magbuwat makadululaw pag bagay!

Isayas 40:18

Nakan sa kantapu niyu pag ipaparihu ti Diyus? Ngatay naan niyu siya pag ipatulad?

Isayas 44:6

Inda ti pagsabihun Panginuun, ti Hari ag Manugribri Israil, ti Panginuun Makamaskihan, “Aku ti umpisa ag ti katapusan tanan. Purya sa kangku udyi may iba waya Diyus.

Isayas 44:8

Danga kamu magkadala ngatay kulbaan. Unman aw ipinaalam niku sa kanyu kaybi waya kang turunu? Kamu kang manga kastigus. May imaw waya aw iba Diyus purya sa kangku? Unman gid! Unman yi aku may alam kuntay may iba waya batu palalan-iban purya lang sa kangku.”

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Isayas 6:3

Magsarabihan sida sa usa kag sa usa: “Banal, Banal, Banal ti Panginuun Makamaskihan! Kay kadayawan magsakup sa buu kalibutan.”

Hirimyas 10:6

Panginuun, unman duy kawu may kaparihu. Makamaskihan kawu ag may kadayawan kanmu ngaran.

Libitiku 11:45

Aku ti Panginuun imaw ti nagpalwas sa kanyu sa Ihiptu agud aku kanyu Diyus. Nakan ngani kailangan pagpangabuhi kamu may kabanalan dahil banal aku.

Libitiku 19:2

kuntay sabiha inda sa buu nasakupan Israil: Pagpangabuhi kamu may kabanalan dahil aku, ti Panginuun kanyu Diyus, banal.

Ruma 15:4

Una hintay ti isinurat sa manga Kasuratan kaybi waya sa ikadunung nita. Nu pagbasahun nita ti manga katutuuhanan sa Banal Kasuratan, amat-amat lalu matiniisun kita ag rumig-un kanta naisipan bag-u siyun maan ginan ti pag-asa nita.

Ruma 4:8

Mapalad ti tawu nu kay manga kasalanan udyi pag-alalahanun Diyus.”

Diyuturunumiyu 3:24

‘Panginuun Diyus, inumpisahan yi nimu ipinakakit sa kanmu manugsirbi kanmu kamaskihan, dahil unman may diyus sa langit ngatay sa daga ti makabuwat manga makadululaw pag binwat nimu.

Diyuturunumiyu 32:20

Nagbagaw siya, “Patlikudan niku sida, ag bantayan niku nu hintay gid abi kanda patabgan, dahil daut sida pag sinulput-lahi, manga anak balaw matinupadun.

Diyuturunumiyu 32:39

Bantayi niyu kainda; aku lang gid ti Diyus! Unman yi may iba diyus purya sa kangku. Aku ti magmatay ag aku diman ti mag-ayaw buhi; aku ti magbiyag ag aku diman ti magbulung, ag unman may makapalagiw sa kang manga kamang.

Diyuturunumiyu 32:4

Siya kang palalan-iban pag batu; kang-ud gid kay manga binuwat, ag matadlung ti tanan niya manga palakaw. Matinupadun siya pag Diyus ag balaw magsalan; matadlung siya ag hustu kay manga pagbuwatun.

Diyuturunumiyu 4:35

Ipinakakit sa kanyu tunda pag manga bagay hampay masalman niyu ti Panginuun imaw ti Diyus, ag udyi may iba waya.

Diyuturunumiyu 4:39

“Nakan tandai niyu inda pag sirang ag tanuman sa kanyu tagipusuun ti Panginuun imaw ti Diyus sa langit ag sa babaw daga, udyi may tuhay waya diyus.

1 Pidru 1:16

Angay sa isinurat sa Banal Kasuratan, magkun ti Diyus, “Ilubus ipasakup niyu kanyu sadili sa kangku, dahil aku banal.”