1 Samwil 2:18 - Hanunuu

¹⁸ Taynguna, si Samwil pag anak parargu magsirbi sa Panginuun. May sulung siya ipud human sa linu.

1 Samwil 2:18 Iomraidhean Croise

2 Samwil 6:14

Buu kabisugan sinmayaw si Dabid sa atubangan Panginuun may sulung ipud human sa linu.

1 Krunika 15:27

Si Dabid nagsulung sadsad pag rutay linu hanggan ti tanan Libita magdara sa Kaban Kasunduan, ti manga manugkanta, ag si Kinanya imaw ti piniyaran sa magpanguna sa pagkanta. Nakasulung diman si Dabid ipud human sa linu.

Pag-ighit 28:4

Inda ti tahiun nida pag manga rutay: ti bursa sa may dubdub, ti ipud, ti kulimpay, ti pansulud pag rutay binurdahan, ti pantaung hanggan ti panhawud. Tahiun nida ti banal pag manga rutay para sa kanmu patar-ari sa kan Aarun ag sa kay manga anak, hampay makasirbi sida sa kangku bilang manughandug.

Libitiku 8:7

Bag-u ipinasulung niya sa kan Aarun ti rutay bilang pangulu manughandug: ti pansulud pag rutay, ti panhuragkus, ti panluwas pag rutay, ag ti ipud linapgung marinu pag panhuragkus hinabul.

1 Samwil 14:3

Ati diman hanggan ti manughandug si Ahiyas may sulung ipud manughandug. Si Ahiyas kay anak ni Ahitub kay patar-ari ni Ikabud. Si Ahitub kay anak ni Piniis anak ni Ili manughandug magsirbi kaybi sa Silu. Unman may nakaalam sa kay ginminan ni Hunatan.

1 Samwil 2:11

Siyun ginan, nuli si Ilkana hanggan kay magtal-anakan atabug sa Rama. Dapat si Samwil kay di tinayakan hampay mansirbi sa Panginuun sa karampatan ni Ili, imaw ti manughandug Balay Diyus.

1 Samwil 2:28

Sa tanan linahi Israil pinili niku kanmu ginurang hampay siya hanggan kay linahi yi ti manughandug sa kang balay, hampay sida tig asikasu sa surunugan pag-ihandug sa kangku, sa magtuub kamangyan, sa pagsulung ipud manughandug sa kang atubangan. Pinakan-an diman niku sida kabahagi ginan sa manga handug Israilita sa panab-anan apuy.

1 Samwil 22:18

Nakan si Duig yi lang ti sinugu hari imaw ti manmatay sa manga manughandug, ag minatay waydi ngani sida ni Duig. Sa tunda pag sirang 85 ka lalaki nakasulung ipud manughandug ti minatay ni Duig.

1 Samwil 3:1

Ati katpung magsirbi si Samwil sa Panginuun sa karampatan ni Ili, balaw yi pirmi maghampang ti Panginuun ag pira wadi ti manga pangakakitun.