1 Samwil 2:17 - Hanunuu

¹⁷ Tunda pag kasalanan manga anak ni Ili tutuu gid ungud daka sa kay magbantay Panginuun, dahil unman nida paggalangun ti handug para sa Panginuun.

1 Samwil 2:17 Iomraidhean Croise

Gimpuunan 10:9

Mahusay gid siya pag manug-idu sa atubangan Panginuun, nakan may kabagawan magkun, “Parihu kawu sa kan Nimrud mahusay gid pag manug-idu sa atubangan Panginuun.”

Gimpuunan 13:13

Ti manga tawu sa Suduma daut gid ag makasalanan. Subra gid kanda kadautan laban sa Panginuun.

Gimpuunan 6:11

Sa magbantay Diyus, daut gid ti manga tawu ag kanda kadautan talaptap sa kalibutan.

2 Hari 21:6

Isinagda niya kay sadili pag anak sa apuy. Binwat diman niya ti manga pagbuwatun manga panhirian hanggan manga manugpintu, ag nagpaingana siya sa manga pandaniwan maghampang sa karadwa manga namatay. Subra gid kay kasalanan sa Panginuun, pag-ikagalit inda Panginuun.

Kanta 51:4

Sa kanmu lang gid aku nagsalan. Binwat niku ti manga bagay daut sa kanmu magbantay. Nakan tama kawu sa kanmu manga pagbagawun laban sa kangku. Balaw kawu nagsalan sa kanmu pagsintinsiya sa kangku.

Isayas 3:8

Pihu yi mawayak ti Hirusalim ag Huda, dahil paglabagun nida ti Panginuun sa kanda manga bagaw ag buwat. Paglabagun nida ti kadayawan Panginuun.

Malakyas 2:13

“Inda waya gid kanyu pagbuwatun: Magpakalumi kamu mabaskug sa harandugan Panginuun dahil balaw yi niya pagpansinun ngatay pagbayaun kanyu manga handug.

Matiyu 18:7

Masyadu makuri ti kahamtangan sitay sa babaw daga dahil sa paturun sa manga tawu tag sa kasalanan. Balaw madura hanggan aban ti manga tawu paturun tag sa kasalanan dapat madala gid masyadu kay patabgan tawu nu siya ti nagpaturun atag sa kasalanan.

1 Samwil 2:16

Nu sumabi ti manughandug kuntay alagda yi lang tugka sa masunug ti taba bag-u di mahimu bum-ul una kabitay kay kayamu kay kailangan, kumumun ti suruguun, “Balaw duy mahimu! Kailangan ipakaun gid nimu sa kangku kainda yi, dahil nu balaw nimu iayaw, agawun niku tunda.”

1 Samwil 3:13

Magkun aku sa kanya, ‘Parusahan niku sa unman may katapusan kanmu magtal-anakan, dahil pinabay-anan nimu kanmu manga anak sa paglapastangan sa kangku una alam diman nimu.’