1 Samwil 2:10 - Hanunuu

¹⁰ Rurisun niya ti manga maglapastangan sa kanya. Pakurarugun niya ti langit laban sa kanda. Ti Panginuun ti sumintinsiya sa buu kalibutan. Sa panab-anan niya, bumaliw makapangyarihan ag marapanalu kay pinili pag hari.”

1 Samwil 2:10 Iomraidhean Croise

2 Samwil 22:14

Kanmu busis Panginuun, Kaabwat-abwatan pag Diyus, magkurarug ginan sa langit.

2 Samwil 7:13

Siya ti pumatindug Balay Diyus para sa kang kadayawan, ag pihuun niku kay linahi ti humari hanggan aban.

2 Samwil 7:8

“Sabiha waya nimu sa kan Dabid aku, ti Panginuun Makamaskihan, magkumun, ‘Manug-alaga kawu kaybi manga karanidu, dapat pinili kawu niku hampay manpanguna sa manga nasakupan niku Israilita.

Hub 40:9

Makapangyarihan aw lugud kawu parihu sa kangku? Mangurarug aw lugud kanmu busis parihu sa kangku?

Kanta 132:17

Ipahari niku sa Siun ti hari ginan sa linahi ni Dabid, ag buwatun niku siya ga sulul-an maggiya sa manga tawu.

Kanta 148:14

Pagpabisugun niya ag pagkilal-anun kay matinupadun pag nasakupan, ti Israil pagmahalun gid niya. Dayawun ti Panginuun!

Kanta 2:2

Ti manga hari hanggan ti manga takinan sa kalibutan nagmirinsanan, nag-alistu hampay lumaban sa Panginuun hanggan sa kay pinili pag hari.

Kanta 2:6

Magkun siya, “Ipinatukaw yi niku sa Siun, sa kang banal pag bantud, ti pinili niku pag hari.”

Kanta 2:9

Panguluhan nimu sida, ag balaw gid may makaampara sa kanmu magpangulu. Bumaliw lang sida ga anglit kanmu runutun.’ ”

Kanta 20:6

Taynguna alam niku pagpanaluhun Panginuun kay pinili pag hari. Pagsagtun niya kay darangin ginan sa banal pag langit, pirmi niya siya pagpanaluhun sa panab-anan niya kamaskihan.

Kanta 20:7

Ti iba magsarig sa kanda manga kalisa, ti iba sa kanda manga kabayu, dapat kami magsarig sa Panginuun nimi Diyus.

Kanta 21:1

Panginuun, magbaya kanmu pinili pag hari, dahil pinakan-an nimu siya kabisugan. Masyadu kay kabayaan dahil pinapanalu nimu siya.

Kanta 28:8

Kawu, Panginuun, ti magpakaun kabisugan sa kanmu nasakupan. Kawu ti marig-un pag darangpan ag manugribri nimu pinili pag hari ngatay nasakupan.

Kanta 45:7

Magkaibug kawu sa matadlung, dapat magkadaut kawu sa kadautan. Nakan pinili kawu Diyus, nimu Diyus, ag pinakan-an kabayaan labaw man kaysa ipinakaun niya sa kanmu manga kaibahan.

Kanta 89:17

Kawu ti ipagpadayaw nimi dahil kawu kanmi kabisugan; dahil sa kanmu kaayadan manalu kami.

Kanta 89:24

Pagmahalun niku siya ag ibahan. Ag sa panab-anan niku kamaskihan manalu siya.

Kanta 89:25

Pahariun niku siya ginan sa Dagat Miditiranyu tugka sa Sapa Iyupratis.

Kanta 96:13

sa atubangan Panginuun. Dahil pihu yi rumas-ug siya agud intindihun ti manga tawu sa kalibutan. Intindihun niya sida may katadlungan ag angay sa kay katutuuhanan.

Kanta 98:9

Pagmasulung sida sa atubangan Panginuun dahil rumas-ug siya agud sintinsiyahan ti manga tawu sa kalibutan. Sintinsiyahan niya sida may katadlungan, balaw siya may pagkampihan.

Pag-ighit 15:6

Panginuun, lubus gid kanmu kamaskihan; sa panab-anan inda, rinunut nimu ti manga kalaban.

Manugtudlu 11:9

Kamu pag kalay-awan, pagbaya kamu habang anak waya. Buwata niyu kanyu pagkaibgan buwatun, dapat alalahana niyu parusahan kamu Diyus angay sa kanyu binwat.

Manugtudlu 12:14

Dahil sintinsiyahan Diyus ti tanan nita pagbuwatun, mayad aw ngatay daut, hanggan ti manga pagbuwatun nita sa lihim.

Isayas 29:6

Ti Hirusalim alalahanun niku, ag aku, ti Panginuun Makamaskihan, rumas-ug may linti, may linug, may ingay, may buhawi, may bagyu, ag maglabdaban pag apuy.

Isayas 32:1

May usa ka hari humari may katadlungan, kay manga takinan mandumara may kahusayan.

Isayas 45:24

Sumabi sida, ‘Sa panab-anan lang Panginuun ti tawu magkaimaw kabisugan hanggan panalu may katuwiran.’ ” Ti tanan magkagalit sa Panginuun pumakarani sa kanya ag mangay-a.

Isikil 29:21

“Isikil, sa udas mangyari yi inda, pabaskugun maan niku ti Israil, bag-u maalaman manga Israilita tutuu kanmu manga sinabi. Bag-u maalaman nida aku ti Panginuun.”

Matiyu 25:34

Kumumun ti Hari sa manga tawu sa sikun baliwa, ‘Abala duy kamu, kamu pinapaladan niku Ama. Manaha yi niyu ti kaharian inalistu para sa kanyu ginan waya sa kabag-u pagkalalang kalibutan.

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Lukas 1:69

Sinugu niya ti makamaskihan pag Manugribri sa kanta ginan sa linahi niya suruguun ni Hari Dabid.

Lukas 19:27

Nu bay kang manga kalaban tunda, daran-a niyu sitay tag sa kangku matya sa kang atubangan dahil sa dayu sida aku makahari sa kanda.’ ”

Binwat 10:38

Naalaman yi waydi niyu inda pag Hisus taga Nasarit, ti pinili Diyus, nakan ipinakaun Diyus sa kanya ti Ispiritu Banal hanggan ti kapangyarihan. Namalibutan siya una naan tag, nagbuwat siya mayad. Ti tanan tawu inapuan diyablu kay diman pinaayad, dahil sa kanya gid ti Diyus.

Binwat 4:27

“Dahil tutuu ngani nagkabuu sida ni Hirudis ni Punsiyu Pilatu hanggan ti manga balaw Hudiyu ag ti nasyun Israil sitay sa banwa Hirusalim hampay labanan nida kanmu mahal pag Suruguun si Hisus, imaw ti kanmu Pinili Manugribri pag Hari.

2 Kurintu 5:10

Dahil ngani ti kada usa sa kanta umatubang sa kan Kiristu hampay kay suyasidun kita bag-u kay pakan-an kita pirimyu angay sa kanta binwat, ngatay mayad ngatay daut kanta waya sa babaw daga.

Talaghusay 5:31

“Nakan Panginuun, mana maruris ti tanan nimu manga kalaban. Dapat mana ti manga magmahal sa kanmu bumaliw parihu sa init magsinggit marayaw gid.” Ag may kahusayan sa Israil sa sulud upatpulu ka timpu.

1 Samwil 12:13

Taynguna inda yi ngani ti hari kanyu pinili hanggan kanyu hinagad, ag ipinakaun inda Panginuun sa kanyu.

1 Samwil 12:17

Unman aw taynguna udas yi tig-arani ag unman mag-uran? Dapat dumarangin aku sa Panginuun hampay pumadara siya linti hanggan uran. Bag-u masalman niyu nu kabitay kay ka daut kanyu binwat sa magbantay Panginuun sa kanyu magpakahagad hari.”

1 Samwil 12:18

Nandarangin ngani si Samwil sa Panginuun. Tunda diman pag sirang nagpadara yi ngani linti hanggan uran ti Panginuun. Bag-u ti buu nasyun nadala gid ungud sa Panginuun hanggan sa kan Samwil.

1 Samwil 12:3

Atay aku taynguna sa kanyu atubangan. Nu may nabwat aku daut sa kanyu, sabiha lang niyu sa kangku sa atubangan Panginuun hanggan sa kay pinili pag hari. May inapu aw aku baka ngatay asnu? May dinaya aw aku ngatay ginipit? Nagtanggap aw aku suhul hampay bul-an halaga ti kasalanan nabwat usa ka tawu? Nu mapatutuuhanan niyu nabwat niku inda pag manga bagay, iuli di niku inda.”

1 Samwil 15:28

Magkun si Samwil sa kanya, “Kainda diman ti mangyari sa kanmu: Bul-un yi Panginuun taynguna pag sirang ginan sa kanmu ti kaharian Israil, bag-u ipakaun sa kanmu kaparihu Israilita mas mayad man kaysa kanmu.

1 Samwil 16:1

Ati katpung, magkun ti Panginuun sa kan Samwil, “Tugka kapira kawu pag manrukuan para sa kan Saul? Binugyahan yi niku siya bilang hari Israil. Taynguna, pun-a lana ulibu kanmu sungay pag sukadan, bag-u pag ati kawu sa kan Isai sa Bitlihim. Pinili niku ti usa sa kay manga anak hampay humari.”

1 Samwil 7:10

Maghandug di waya si Samwil handug pagsunugun, nagras-ug yi ti manga Pilistiyu hampay labanan yi ti manga Israilita. Dapat tunda ngap katpung ti Panginuun nagpadara linti matnug gid nakan nangras ti manga Pilistiyu, ag natalu sida manga Israilita.