1 Samwil 19:5 - Hanunuu

⁵ Ipinaun niya kay sadili katpung sa kay pagmatay sa Pilistiyu sa kan Gulyat ag pinanalu Panginuun ti buu Israil. Nakitan nimu inda ag nakabaya kawu. Bati hayga nimu pagkaibgan matyun ti usa ka tawu ud may nabwat salan parihu kan Dabid sa unman may dahilan?”

1 Samwil 19:5 Iomraidhean Croise

2 Samwil 23:10

dapat napatayak siya ag pinanmatay niya ti manga Pilistiyu tugka sa ginasa yi kay kamang ag nan-ganit sa kahiyaput baladaw. Daka pag karibrihan ti binwat Panginuun sa tunda katpung pag sirang. Ti nalagiw pag manga Israilita binmalik atabug sa kan Iliyasar agud mam-ul lang manga armas manga nagkaramatay.

1 Krunika 11:14

dapat si Iliyasar ag si Dabid napatayak di ati sa karaw-an taranuman, ag minatay nida ti manga Pilistiyu. Pinakan-an Panginuun daka pagka panalu sida.

1 Krunika 11:18

Nakan nagsulud sa lihim ti tulu ka maisug pag manga tawu sa kampu manga Pilistiyu ag nagbuul sida danum sa bubun arani sa sabian Bitlihim ag dinara kan Dabid. Dapat unman nanginum si Dabid; bagkus ngap ibinuhus niya inda bilang handug sa Panginuun.

Kanta 109:5

Pagbalusan nida aku daut sa kang mayad pagbuwatun sa kanda, ag pagbalusan nida aku pangagalit sa kang magmahal sa kanda.

Kanta 119:109

Una waya asan aku pirmi sa alangan pag kamatayan, unman gid niku pagkalimtan kanmu kasuguan. dapat balaw aku namugya sa kanmu manga surundanun.

Kanta 25:3

Ti magsarig sa kanmu balaw mangay-a, dapat ti maradaya mangay-a ngap.

Kanta 69:4

Mayamu ti maglaban ag magkaibug mumatay sa kangku sa balaw may kadahilanan. Mas mayamu waya sida sa kang buhuk. Pagpilitun nida aku ulian ti manga bagay balaw niku tinakaw.

Kanta 94:21

Nagkausa sida sa paglaban sa manga matadlung ag pagsintinsiyahan nida kamatayan ti manga balaw may kasalanan.

Pag-ighit 14:13

Sinmagut si Muysis sa manga tawu, “Danga kamu magkadala. Pagpakarig-un kamu ag makitan niyu ti pagribri Panginuun sa kanyu sa inda pag sirang. Ti manga mag-akitan niyu pag Ihipsiyu taynguna balaw yi niyu makitan uman.

Hirimyas 26:15

Dapat tandai niyu inda: nu matyun niyu aku, may saragtun kamu hanggan ti nasakupan sa inda pag banwa dahil sa pagmatay niyu sa tawu unman may kasalanan. Dahil tutuu aku ungud sinugu Panginuun hampay sabihun sa kanyu ti tanan nadnugan niyu taynguna.”

Matiyu 27:24

Pagka naintindihan ni Pilatu udyi siya may mabuwat, bagay lalu ngap magulu ti manga tawu, namab-ul siya danum, nangugas kay kamang sa atubangan manga tawu magkun, “Unman aku may saragtun sa kay kamatayan inda pag tawu. Bahala duy kamu.”

Matiyu 27:4

Sinabi ni Hudas sa kanda, “Nagkasala gid aku. Itinudlu niku sa kalaban ti tawu hampay siya matyun madi unman may kasalanan.” Magkun sida, “Hintay kanmi labut, bahala kawu asan.”

Huwan 15:25

Dapat nakan katida ti nangyari hampay matupad ti bagaw isinurat sa kanda Kasuguan, magkun, ‘Kinagalitan nida aku madi unman may ikasabi.’

Binwat 20:24

Dapat unman pagpahalgaan niku kang buhi, nu matupad lang niku kang katungkulan ag nu matapus lang ti buruwatun kay ipinakaun Panginuun Hisus sa kangku, kang pagtudlu ngani Mayad pag Barita tungkul sa kay mayad nabubut-un Diyus.”

Pilipus 2:30

Arani yi lang siya sa kamatayun, dahil unman inirangan niya kay budlay sa kay buruwatun kay tinanggap ginan sa kan Kiristu. Inawatan niya aku pinarargu niya kanyu iinawat sa kangku tugka sa kanyu makaya.

Hibriyu 2:3

Kabitay kita dayu parusahan gid nu unman intindihun nita ti barita tungkul sa inda pag mahalaga pag karibrihan. Pagka sa kabag-u, Panginuun gid ti nagpaalam bag-u ti manga nakadnug sa kanya nagtultul maan sa kanta, pinatutuuhanan nida ti karibrihan.

Talaghusay 12:3

Pagka naalaman niku balaw kamu mangawat, ibinuhis niku kang buhi sa labanan. Ag pinanalu aku Panginuun. Taynguna, hayga baga gustu niyu lumaban sa kangku?”

Talaghusay 9:17

Alalahana niyu nanlaban kang ama hampay iribri kamu sa manga Midyanita. Ipinasubu niya kay buhi para sa kanyu.

1 Samwil 11:13

Dapat magkun si Saul, “Unman kailangan may matyun taynguna pag sirang, dahil taynguna irinibri Panginuun ti Israil.”

1 Samwil 14:45

Dapat magkun ti manga tawu sa kan Saul, “Si Hunatan duy ti nagpanalu sa kanta, dapat taynguna, matyun nita siya? Balaw duy mahimu! Magsumpa kami sa Panginuun buhi, unman gid una di usa kay buhuk niya ti maragdag sa daga, dahil Diyus duy ti nag-awat sa kanya sa kay binwat taynguna pag sirang.” Nakan balaw ngani minatay si Hunatan dahil irinibri siya manga Israilita.

1 Samwil 19:6

Pinakidnugan ni Saul si Hunatan ag nanaratu siya sa ngaran Panginuun buhi balaw yi niya ipamatay si Dabid.

1 Samwil 20:32

Nagpaingana si Hunatan, “Hayga lugud kailangan siya matyun? Hintay lugud kay nabwat niya?”

1 Samwil 22:14

Sinmagut si Ahimilik, “Balaw aw lugud kabay si Dabid kanmu manugang ag tapat gid nimu pag suruguun? Bukud waya siti, siya duy ti takinan manga guwardiya niyu ag paggalangun siya niyu magtal-anakan.

1 Samwil 28:21

Pinakaranyan babayi si Saul. Pagka nakitan babayi masyadu magkadala si Saul, magkun siya, “Mahal Hari, tinupad yi duy niku kanmu pag-isugu sa kangku una alam niku sa alangan kang buhi.