1 Samwil 19:21 - Hanunuu

²¹ Pagka nasaydan ni Saul ti nangyari, namadara maan gid siya manga tawuhan hampay dakpun si Dabid. Dapat igu ati sida, katida diman hanggan kanda binwat, nagtultul diman sida Bagaw Diyus. Namadara maan gid si Saul kay manga tawuhan sa ikatlu bisis dapat katida diman gid ti nangyari sa kanda.

1 Samwil 19:21 Iomraidhean Croise

Kabagawan 27:22

Una waya bayuhun nimu ga paray ti unman may intindi pag tawu, balaw gid nimu mab-ul kay pagkabuang-buang.

Hirimyas 13:23

Mailisan aw tawu mabiru kay kulay niya lukub? Mab-ul aw liyupardu kay riruk sa kay bilug? Unman gid! Katunda diman kamu pag manga taga Hirusalim, balaw kamu makabuwat mayad dahil ugali yi niyu ti magbuwat daut.

Huwil 2:28

“Bag-u ipakaun niku kang Ispiritu sa tanan tawu. Kanyu manga anak lalaki hanggan babayi manpadakit kang manga bagaw. Kanyu manga gurangun lalaki managin-up, ag kanyu manga kan-akan makakit manga pangakakitun.

1 Samwil 19:20

Nakan namadara siya manga tawuhan hampay dakpun si Dabid. Dapat igu ati, nakitan nida ti manga purupita magtultul Bagaw Diyus pagpangunahan ni Samwil. Bag-u sinuldan diman Ispiritu Diyus ti manga tawuhan ni Saul ag sida hanggan nagtultul diman tultulanun ginan sa Diyus.

1 Samwil 19:22

Pagka sa uryan, si Saul yi mismu ti nag-atag sa Rama. Pagka rinmas-ug siya ati sa may daka tiripunan danum sa Siku, namaingana siya nu naan sida ni Samwil ni Dabid. Sinabi sa kanya kuntay ati sida sa Nayut.