Biblia Todo Logo
Bìoball air-loidhne

- Sanasan -




1 Samwil 18:8 - Hanunuu

8 Pagka nadnugan ni Saul kanda pagkantahun, magkagalit gid siya. Mag-isip siya, “Sinabi nida tig sampu-sampu ka libu ti minatay ni Dabid, dapat ti sa kangku libu-libu lang. Sa sunud siya yi ti kilalan-un hari.”

Faic an caibideil Dèan lethbhreac




1 Samwil 18:8
16 Iomraidhean Croise  

Naghirak kay manga patar-ari ni Husi sa kanya, dapat si Hakub sinadili yi lang niya inda pag manga bagay.


Magkun kay manga patar-ari, “Hintay duy? Humari aw kawu ag manpangulu sa kanmi?” Nakan lalu waya gid sida nagalit sa kan Husi.


Magkun si Hari Sulumun, “Hayga paghilingun gid nimu paasawan-an si Abisag sa kan Aduniyas? Barang sabihun diman nimu pakan-an niku sa kanya kang kaharian, dahil mas gurangun siya sa kangku ag kakampi niya si Manug-asiwa Abyatar ag si Huab kay anak ni Siruya!”


Pagka naalaman ni Haman unman magyuk-ub sa kanya si Murdukyu hampay maggalang, nangisug gid siya.


Sa subra pagpadayaw, may manga tawu unman magpatingi sa patigayun, ag inda pagpun-an kaguluhan. Nu gustu nida dumunung kailangan pagpatingi sida sa patigayun.


Madala ti tawu magkagalit, dapat lalu waya madala ti tawu mag-imun.


Nakitan diman niku ti tawu magpangabudlay ag magbuwat gid sa kay kakayahan dahil maghirak siya sa kay kaparihu. Unman diman inda may pulus; ga parihu lang sa maglagas kawu durus.


Nagriklamu ti manga Israilita sa kan Muysis dahil sa kanda magkalakawan kakurian. Pagka nadnugan inda Panginuun, nangisug siya ag pinauranan niya sida apuy imaw ti nag-irub sa saruy pag kampu.


Magkun si Balaam sa anghil Panginuun, “Nagsalan gid aku! Balaw niku alam matindugan maaw kawu asan sa dalan mag-ampara sa kangku. Taynguna, nu daut kang binwat, para sa kanmu muli yi lang aku.”


Barang kanyu isip unman mahalaga ti nisurat sa Banal Kasuratan magkun, “Magkaibug gid ti Diyus magpakiusa sa manga tawu, dahil kay pinakan-an sida arup.”


Dapat taynguna unman rumargu kanmu paghari. Unman nimu tinupad kay ibinilin Panginuun sa kanmu. Nakan hinmanap siya usa ka lalaki hampay tumupad sa kanya angay sa kagustuhan Panginuun. Iinalistu siya Panginuun hampay maghari sa kay nasyun.”


Magkun si Samwil sa kanya, “Kainda diman ti mangyari sa kanmu: Bul-un yi Panginuun taynguna pag sirang ginan sa kanmu ti kaharian Israil, bag-u ipakaun sa kanmu kaparihu Israilita mas mayad man kaysa kanmu.


Nakan bin-ul ni Samwil ti lana ulibu ag pinayidan niya sa ulu si Dabid sa atubangan niya manga patar-ari. Tunda ginan pag sirang, pag-ulianan yi banal Ispiritu Panginuun si Dabid. Bag-u nuli waydi sa Rama si Samwil.


Nakan tunda di ginan, pagbantayan yi niya ka mayad si Dabid dahil mag-imun siya.


Taynguna, magkun si Saul sa kan Hunatan hanggan sa tanan niya manugsirbi kuntay matya si Dabid. Dapat mahal gid ni Hunatan si Dabid,


Mintaras buhi si Dabid kay anak ni Isai, unman kawu mahimu hari. Nakan bul-a nimu siya taynguna, ag daran-a sa kangku, kailangan siya matyun.”


Lean sinn:

Sanasan


Sanasan