1 Samwil 18:5 - Hanunuu

⁵ Nabwat ni Dabid ti tanan ipinabwat sa kanya ni Saul, nakan binwat siya takinan manga sundalu. Kinaibgan gid tunda tanan manga nasakupan hanggan diman manga manugpamahala ni Saul.

1 Samwil 18:5 Iomraidhean Croise

Gimpuunan 39:23

Unman nag-alinlangan ti manugpamahala pirisuhan sa manga ikinatiwala niya pag butang sa kan Husi, dahil paggiyahan Panginuun si Husi ag pagpapaladan sa tanan pagbuwatun niya.

2 Samwil 5:10

Nag-amat di kay kapangyarihan ni Dabid dahil pag-awatan siya Panginuun Diyus Makamaskihan.

2 Samwil 5:2

Ginan di waya sa kabag-u, una si Saul waya kanmi hari, kawu yi ti magpanguna sa manga Israilita sa girahan. Nagkumun diman ti Panginuun, ‘Giyahan nimu kang manga nasakupan Israilita parihu sa paggiya usa ka manug-alaga sa kay manga karanidu. Kawu ti takinan nida.’ ”

2 Krunika 17:3

Inibahan Panginuun si Husapat dahil sa un-an pag manga timpu niya maghari, sinunud niya ti pangabuhi niya ginurang ni Dabid. Balaw siya nagdangup sa manga histuda ni Baal

Kanta 1:3

Parihu siya sa kayu itinanum sa saruy sapa magburak nu udas tig bururak, ag balaw magkarubay kay manga labung. Ti kainda pag tawu umalwan sa kay manga pagbuwatun.

Kanta 101:2

Mangabuhi aku unman may ikasabi. Kapira kawu pag pumakarani sa kangku? Mangabuhi aku unman may ikasabi sa kang pag ulian,

Matiyu 10:16

Magkun si Hisus, “Pagsuguun niku kamu taynguna parihu ga manga karanidu tabug sa karaw-an manga simarun idu. Pagmadunung kamu parihu ga manga amu, pagmabuut kamu parihu sa kalampati.

Binwat 7:10

Binawi di niya si Husi ginan sa tanan niya kakurian ag pinakan-an siya kadunungan hanggan mabuut pag ugali sa atubangan ni Paraun, hari manga taga Ihiptu. Nakabaya gid si Paraun sa kan Husi, nakan pinili niya si Husi hampay gubirnadur siya sa Ihiptu hanggan sa tanan niya kasiyunan hari.

Ipisu 5:17

Pagmabut-anin kamu. Intindiha niyu nu hintay ti kagustuhan Panginuun.

Kulusas 4:5

Pagmadunung kamu sa kanyu pakiusa sa manga unman may sarig sa kan Kiristu. Danga ipalawuy niyu nu may rugar tumultul sa kanda.

Talaghusay 1:19

Inawatan Panginuun ti lahi ni Huda. Sinakup nida ti manga kabantudan, dapat unman nida natalu ti manga mag-uli sa manga karatagan dahil tunda pag manga tawu may manga kalisa baul.

1 Samwil 13:2

Nagpili si Saul tulu ka libu lalaki sa Israil hampay manlaban sa manga Pilistiyu. Kay duwa ka libu kaibahan niya sa Mikmas ag kabantudan Bitil. Bag-u kay usa ka libu kaibahan waydi niya anak ni Hunatan sa daga Gibiya sakup manga Binhaminita. Kay sinmubra pag manga tawu ipinauli ni Saul tag sa kanda manga ulian.

1 Samwil 14:52

Sa buu panahun maghari ni Saul, masyadu gid ti labanan manga Israilita hanggan manga Pilistiyu. Nu may mag-akitan si Saul mabaskug ag maisug pag lalaki, pagbuwatun niya inda sundalu niya.

1 Samwil 18:16

Dapat lalu di ngap pagbayaun buu Israil hanggan Huda si Dabid, dahil pagpangunahan niya sida sa manga labanan.

1 Samwil 18:30

Parargu ti maggirirahan manga Pilistiyu hanggan Israilita. Kada girahan, magpanalu si Dabid higit sa iba manga may kangaranan ni Saul. Nakan nibantug gid si Dabid.

1 Samwil 18:4

Ag bilang patutuu niya taratu, inuba niya kay kulimpay ag ipinakaun sa kan Dabid, kaibahan kay balukas, baladaw, pamana hanggan hawud.

1 Samwil 18:6

Pagka nuli yi ti manga Israilita ginan sa kay nakamatay ni Dabid sa kan Gulyat, sinulang si Saul manga babayi ginan tanan banwa sa Israil. Magsayaw-sayaw sida magkanta may pamakaransing hanggan alpa.

1 Samwil 3:19

Parargu paggiyahan Panginuun si Samwil habang siya magdaka. Pinahintulutan Panginuun matupad ti tanan sinabi ni Samwil.