1 Samwil 18:12 - Hanunuu

¹² Magkadala si Saul sa kan Dabid dahil paggiyahan siya Panginuun, dapat siya bay pagpabay-anan yi Panginuun.

1 Samwil 18:12 Iomraidhean Croise

2 Samwil 5:10

Nag-amat di kay kapangyarihan ni Dabid dahil pag-awatan siya Panginuun Diyus Makamaskihan.

2 Krunika 17:3

Inibahan Panginuun si Husapat dahil sa un-an pag manga timpu niya maghari, sinunud niya ti pangabuhi niya ginurang ni Dabid. Balaw siya nagdangup sa manga histuda ni Baal

Kanta 51:11

Danga aku pagtulaka sa kanmu atubangan, ag danga pagbul-a kanmu banal pag Ispiritu sa kangku.

Kanta 53:5

Dapat takigan gid sida sa dala udwaya nida nalakawan ginan sa kabag-u, dahil wayakun Diyus kanda manga but-ul. Ti manga maggira sa kanyu, sa manga Israilita pakay-ahun niyu dahil binugyahan sida Diyus.

Husyas 9:12

Una waya magkaanak sida, bul-un di niku sida tanan ag manrukuan kamu. Kaawaawa gid kamu nu pabay-anan yi niku.

Matiyu 25:41

“Kumumun maan ti Hari sa manga tawu sa wala baliwa, ‘Pagpakarayu kamu sa kangku ginan, kamu ti manga sinaadan, pag-ati kamu sa apuy unman magkapsa inalistu para sa diyablu hanggan sa kay manga anghil.

Markus 6:20

Dahil magkadala si Hirudis sa kan Huwan. Alam yi waydi niya si Huwan lalaki matadlung ag lubus sakup sa Diyus. Nakan pinabantayan niya si Huwan. Magbaya magpatingi si Hirudis sa manga bagaw ni Huwan una magkatalinduwa kay isip.

Lukas 8:37

Bag-u ti tanan tawu mag-uli sa daga manga Girasinu nagsabi sa kan Hisus, “Danga yi mana kawu sitay sa kanmi.” Dahil kinulbaan sida, daka kanda kadalaan. Nagsakay si Hisus sa duunduun, nuli yi siya.

Binwat 24:25

Dapat ay pagka nagbagaw si Pablu tungkul sa mag-ugali sa mayad, tungkul sa magpigil sa sadili ag tungkul sa kaudasan kay magsintinsiya Diyus aban sa kalibutan, nadala si Pilik. Magkun siya sa kan Pablu, “Pag-atag dap maan kawu sa pirisuhan. Nu may rugar maan aku ipab-ul maan duy niku kawu.”

Binwat 7:9

“Pagka dugay nainggit kanta manga kaapu-apuhan sa kanda patar-ari sa kan Husi, nakan kanda ipinabili siya hampay panawuhun yi siya ati sa daga Ihiptu. Dapat balaw siya pinabay-anan Diyus.

Talaghusay 1:19

Inawatan Panginuun ti lahi ni Huda. Sinakup nida ti manga kabantudan, dapat unman nida natalu ti manga mag-uli sa manga karatagan dahil tunda pag manga tawu may manga kalisa baul.

Talaghusay 16:20

Nagringgit si Dilayla, “Samsun! May manga Pilistiyu rinmas-ug hampay dakpun kawu.” Binmangun si Samsun kay isip makakalpas waya siya parihu sa binwat niya sitay. Dapat unman niya alam balaw yi maaw siya pag-awatan Panginuun.

1 Samwil 16:18

Sinmagut ti usa sa kay manga suruguun, “Nakitan duy niku ti usa sa manga anak ni Isai taga Bitlihim, madunung gid siya magtugtug alpa. Bukud waya siti, maisug duy siya ag madunung sa labanan, marinu pag lalaki, madunung siya nu magbagaw, ag pag-awatan siya Panginuun.”

1 Samwil 16:4

Sinunud ni Samwil ti pag-isugu Panginuun. Pagka rinmas-ug siya sa Bitlihim, sinulang siya manga manugpamahala banwa dinurnan kadalaan. Nagpaingana sida, “Kahusayan aw kanmu turunu nakan kawu nagsitay?”

1 Samwil 18:15

Pagka naalaman ni Saul nu kabitay magpanalu si Dabid, lalu di siya pagkulbaan.

1 Samwil 18:20

May usa waya ka anak babayi si Saul si Mikul magkaibug gid sa kan Dabid. Pagka naalaman inda ni Saul, magbaya siya.

1 Samwil 18:29

lalu di gid siya magkadala sa kan Dabid. Kalaban di gid ni Saul si Dabid habang buhi siya.

1 Samwil 20:13

Dapat nu may gayak kang ama sa pagmatay sa kanmu, ag nu unman niku inda ipinaalam sa kanmu hampay mana makapalagiw kawu, mana parusahan gid aku Panginuun masyadu. Taynguna, ibahan mana kawu Panginuun ga kay binwat niya kaybi sa kang ama.

1 Samwil 22:13

Magkun si Saul sa kanya, “Hayga kawu nanpakampi sa kan Dabid laban sa kangku? Hayga pinakan-an waya nimu siya karan-unun ag baladaw? Hayga nagpaingana waya kawu sa Diyus para sa kanya? Unman aw lugud nimu alam maglaban siya sa kangku ag paggayakun niya aku matyun?”

1 Samwil 28:15

Magkun si Samwil sa kan Saul, “Hayga nimu aku pagbalagun sa kang magpahari?” Sinmagut si Saul, “May imaw aku daka pag kakurian. Paglabanan aku manga Pilistiyu ag pinatlikudan yi aku Diyus. Unman yi siya magsagut una di sa tagin-up ngatay sa manga purupita. Nakan kang tinawag kawu hampay sabihun nimu sa kangku nu hintay ti mahimu niku buwatun.”

1 Samwil 3:19

Parargu paggiyahan Panginuun si Samwil habang siya magdaka. Pinahintulutan Panginuun matupad ti tanan sinabi ni Samwil.