1 Samwil 18:10 - Hanunuu

^10-11 Kinaaldawan, sinuldan si Saul daut ispiritu ipinadara Diyus, nagbaliw ga kurang-kurang siya sa sulud nida balay. Magpatunug si Dabid alpa para sa kan Saul parihu sa kay kinaantiguhan pagbuwatun. Magkumun si Saul sa kay sadili habang may hiyaput siya bangkaw, “Bangkawun niku si Dabid hampay mituhug siya sa lingub.” Bag-u binangkaw niya si Dabid kadwa ginan, dapat nakaaman di si Dabid.

1 Samwil 18:10 Iomraidhean Croise

1 Hari 18:29

Pagkalawuy karaw-an sirang, parargu di gid kanda magringgit tugka sa linmawuy yi ti tagka pag udas sa paghandug, dapat unman gid may sinmagut sa kanda.

1 Hari 22:12

Kainda diman ti pagsabihun tanan purupita. Magkun sida, “Hari Akab, giraha ti Ramut Gilyad, ag manalu kamu, dahil ipakaun inda sa kanyu Panginuun.”

Hirimyas 28:11

Ag magkun siya sa manga tawu siyun, “Inda ti pagsabihun Panginuun: Ti manga nasyun nasakup ni Hari Nabukudunusur sa Babilunya ga pinaulian singkaw. Dapat dautun niku tunda pag singkaw sa sulud duwa ka timpu.” Rargu ginminan si Hirimyas.

Binwat 16:16

Pagka kami mag-atag maan sa rugar dararanginan, nasulang kami usa ka babayi suruguun inapuan labang manughula. Daka pag kuwarta ti pagtanggapun niya manga amu dahil sa kay maghula.

2 Tisalunika 2:11

Dahil ngani unman ngap tinanggap nida ti katutuuhanan, nakan pagpahintulutan sida Diyus sa udyi kumilala sida sa tutuu sa pudil.

Talaghusay 16:20

Nagringgit si Dilayla, “Samsun! May manga Pilistiyu rinmas-ug hampay dakpun kawu.” Binmangun si Samsun kay isip makakalpas waya siya parihu sa binwat niya sitay. Dapat unman niya alam balaw yi maaw siya pag-awatan Panginuun.

1 Samwil 16:23

Kada magras-ug sa kan Saul ti daut ispiritu ginan sa Diyus, pag-ipatunug ni Dabid kay alpa. Bag-u mag-ighit ginan sa kan Saul ti daut pag ispiritu ag mag-ayad kay mag-asaydan niya.

1 Samwil 18:9

Nakan tunda di ginan, pagbantayan yi niya ka mayad si Dabid dahil mag-imun siya.

1 Samwil 19:10

mag-isip si Saul kay ituhug si Dabid sa lingub sa panab-anan bangkaw, dapat nakaaman di siya. Igu yabi, linmayas yi siya.

1 Samwil 19:7

Pagka dugay, ipinatawag ni Hunatan si Dabid ag itinultul niya ti tanan hinampangan nida ni Saul. Dinara ni Hunatan si Dabid atabug sa kan Saul, sinirbihan maan ni Dabid si Saul ga sa kabag-u.

1 Samwil 19:9

Pagka sa usa ka sirang, habang matukawan si Saul may bitbit kay bangkaw ati sa kay balay, sinuldan yi maan siya daut ispiritu ipinadara Panginuun. Habang magpatunug kay alpa si Dabid,

1 Samwil 26:19

Mahal Hari, patingihi nimu kang sabihun. Nu ti Panginuun ti nag-udyuk sa kanyu hampay matyun aku, tanggapun mana niya kang handug para sa kapatawadan. Dapat nu ginan lang inda sa tawu, saadan mana sida Panginuun. Dahil pinalayas nida aku sa magkaapu Panginuun pag daga ag sinabihan pagsamba sa iba ka diyus.