1 Samwil 18:1 - Hanunuu

¹ Pagka natapus ti harampangan nida ni Saul ni Dabid, daka gid kay magbaya ni Hunatan sa kay tagipusuun sa kan Dabid. Pagmahalun gid ni Hunatan si Dabid parihu sa kay sadili.

1 Samwil 18:1 Iomraidhean Croise

Gimpuunan 44:30

“Nakan ti buhi nimi ama kasugpun nimi kap-usan pag patar-ari. Nu muli kami balaw nimi siya kaibahan,

2 Samwil 1:26

Magpanruku aku sa kanmu, Hunatan, patar-ari niku! Mahal gid kawu niku; kanmu pagmahal sa kangku mas subra waya sa pagmahal manga babayi.

1 Krunika 12:17

Linmuwang si Dabid sa pagsulang sa kanda ag magkun, “Nu nangataytag kamu sitay sa pag-awat sa kangku bilang manga mahal pagkakilala, pagtanggapun niku kamu kumuyug sa kanmi. Dapat nu nag-ataytag kamu agud itudlu aku sa kang manga kalaban una unman aku may binwat daut sa kanyu, mana makitan inda Diyus nita manga ginurang ag parusahan niya kamu.”

Kanta 86:11

Panginuun, tudluan sa kangku kanmu kagustuhan, ag tupadun niku tunda may katapatan sa kanmu. Buwata aku masurundun sa kang maggalang sa kanmu.

Kabagawan 18:24

May magkakilala unman magdugay, dapat may magkakilala diman mas higit waya kaysa magtar-arian.

Diyuturunumiyu 13:6

“Abi kanmu patar-ari ngatay anak, ngatay kanmu pinakamahal pag asawa ngatay kanmu suud kakilala, maggarya sa kanmu sa lihim ag sumabi, ‘Manimba kita sa tuhay pag diyus’ (manga diyus unman nimu magkakilala una sa kanmu manga ginurang),

Kulusas 2:2

Nakan katida kang pagbuwatun hampay rumig-un kanda tagipusuun ag hampay sida paminsanun sa pagmahal. Nu katida may kang-ud sida pag-intindi sa katutuuhanan bag-u kilalan-un nida si Kiristu, imaw ti madalum pag katutuuhanan kaybi ginan udwaya ipinaburayhaw Diyus.

Talaghusay 20:11

Nakan nagkausa ti manga lalaki Israil sa paggira sa Gibiya.

1 Samwil 14:45

Dapat magkun ti manga tawu sa kan Saul, “Si Hunatan duy ti nagpanalu sa kanta, dapat taynguna, matyun nita siya? Balaw duy mahimu! Magsumpa kami sa Panginuun buhi, unman gid una di usa kay buhuk niya ti maragdag sa daga, dahil Diyus duy ti nag-awat sa kanya sa kay binwat taynguna pag sirang.” Nakan balaw ngani minatay si Hunatan dahil irinibri siya manga Israilita.

1 Samwil 18:3

Nagbuwat kasunduan si Hunatan sa kan Dabid kuntay mag-ampud sida hanggan aban dahil mahal niya si Dabid parihu sa kay pagmahal sa kay sadili.

1 Samwil 19:1

Taynguna, magkun si Saul sa kan Hunatan hanggan sa tanan niya manugsirbi kuntay matya si Dabid. Dapat mahal gid ni Hunatan si Dabid,

1 Samwil 19:2

nakan kay pinaandaman siya. Magkun siya, “Maghanap paraan kang ama hampay matyun kawu, nakan pag-aman kawu. Aldaw paghanap kawu paratag-an sa may tanman ag danga kawu mag-ighit ati ginan.

1 Samwil 20:17

Ag ipinataratu maan ni Hunatan si Dabid sa kay pagmahal sa kanya, dahil pagmahalun gid niya si Dabid parihu sa kay pagmahal sa kay sadili.

1 Samwil 20:8

Nakan nu mahimu, awati nimu aku, buwata nimu sa kangku inda pag kaayadan, angay sa kanta kasunduan sa atubangan Panginuun. Dapat nu nagsalan gid waydi aku, kawu yi ti pagmatay sa kangku. Hayga waya aku nimu ipakaun sa kanmu ama?”

1 Samwil 22:8

Tunda aw ngani kay dahilan nu hayga kamu napakampi sa kanya laban sa kangku? Unman gid una di usa sa kanyu ti nagsabi sa kangku kuntay nagbuwat kasunduan kang anak sa kan Dabid. Unman yi lang kamu magkataranta para sa kangku, dahil unman niyu sinabi sa kangku inudyukan niku anak kang suruguun si Dabid kuntay matyun aku parihu sa kay gayak taynguna.”

1 Samwil 23:18

Nagbuwat kasunduan sida duwa sa atubangan Panginuun. Bag-u nuli yi si Hunatan dapat napatayak di si Dabid sa Huris.