1 Samwil 17:51 - Hanunuu

⁵¹ Palagiw siya atag sa kan Gulyat, ginabut kay baladaw ag pinlud niya kay liug. Pagka nakitan manga Pilistiyu namatay yi kanda mahusay maggira, nagpinalagiw sida atag sa arayu.

1 Samwil 17:51 Iomraidhean Croise

2 Samwil 23:21

Bukud waya siyun, minatay diman niya ti usa ka daka gid pag Ihipsiyu may armas bangkaw, dapat kanya pamakul lang kay armas. Inagaw niya ti bangkaw sa Ihipsiyu ag tunda yi ngap waydi kay iminatay siyun.

Istir 7:10

Nakan binitay ngani nida si Haman ati sa kay ipinabwat matarum pag kayu para mana sa kan Murdukyu. Bag-u nadura ti pangagalit hari.

Hibriyu 11:34

Madi sida libunun mana baladaw nakaribri di. Madi naglumuy sida pinabisug maan hampay maglaban sa gira ag hampay pumaurung sa manga gurupu sundalu taga iba daga.

Hibriyu 2:14

Tawu ngani tunda kay pagkumnun manga anak, nakan si Hisus nabilug diman tawu may nayi may dugu ga kanda diman may nayi may dugu. Nakan katida kay binwat, hampay sa kay pagkamatay mamapas siya sa diyablu, sa may kapangyarihan sa kamatayan,

1 Samwil 17:50

Nakan tinalu ni Dabid si Gulyat sa panab-anan lang paglampitaw usa ka batu. Namatay niya si Gulyat una unman may dara baladaw.

1 Samwil 21:10

Nakan nalagiw si Dabid sa kan Saul, nag-ati siya sa kan Hari Akis taga Gat.

1 Samwil 21:9

Sinmagut ti manughandug, “Indaay duy ti baladaw ni Gulyat taga Pilistiya kanmu minatay sa may ratag Ila. Masaputan inda sa rutay sa mag-aday-an ipud manga manughandug. Bul-a nimu nu kanmu pagkaibgan dahil unman yi may tuhay waya pag armas atay.” Magkun si Dabid, “Haytag lugud. Unman yi may parihu sitay pag baladaw.”

1 Samwil 31:9

Bin-ul nida ti manga armas ni Saul ag pinlud kay ulu. Bag-u nagpadara sida manga manugbarita sa buu daga manga Pilistiyu hampay ibarita ati sa kanda balay manga diyus-diyusan hanggan sa kanda manga kasimanwa kuntay namatay yi si Saul.