1 Samwil 17:12 - Hanunuu

¹² Taynguna, may anak si Isai kay ngaran si Dabid. Taga Bitlihim si Isai, ginan sa lahi ni Ipraim sa daga Huda. Gurangun yi si Isai tunda katpung. May walu siya ka anak lalaki.

1 Samwil 17:12 Iomraidhean Croise

Gimpuunan 35:19

Namatay si Rakil ag ilinbung sa saruy dalan atabug sa Iprata (pag-ingarnan taynguna Bitlihim).

2 Samwil 23:1

Ipinabantug Kaabwat-abwatan pag Diyus si Dabid kay anak ni Isai. Pinili siya Diyus ni Hakub hampay maghari, ag nanurat siya mararinu pag kanta Israil. Inda kay uryan binagaw:

Kanta 132:6

Pagka ati kami sa Iprata nakadnug kami nu naan ti Kaban Kasunduan, ag nakitan nimi inda sa karatagan Haar.

Mikas 5:2

Magkun ti Panginuun, “Bitlihim Iprata, una usa kawu sa pinakadiit pag banwa Huda, ginan sa kanmu pag tawu ti sumirbi sa kangku bilang takinan sa Israil. Kay manga kaumputan bantug kaybi sa un-an pag panahun.”

Matiyu 1:6

Kay anak ni Isai si Hari Dabid. Kay anak ni Hari Dabid si Sulumun sa kay asawa ni Uryas.

Matiyu 2:1

Pagka nilusad yi si Hisus sa banwa Bitlihim sa daga Hudiya katpung hari si Hirudis, may manga madunung pag tawu nagras-ug sa Hirusalim ginan sa butlakan init.

Matiyu 2:6

‘Kawu, Bitlihim, sa daga Huda, balaw kawu uryan sa manga un-an pag manga banwa sa Huda; dahil lumuwang aban ginan sa kanmu ti usa ka takinan. Siya yi ti mangalaga sa kang nasyun Israil.’”

Rut 4:17

Magkun kay manga kamalay babayi ni Nuymi, “May idu yi lalaki si Nuymi!” Iningarnan nida ti anak Ubid. Pagka daka yi si Ubid, nagkaimaw siya anak, si Isai kay ngaran. Ag si Isai kay ama ni Dabid.

Rut 4:22

si Ubid kay ama ni Isai, ag si Isai kay ama ni Dabid.

1 Samwil 1:1

May usa ka lalaki ginan sa lahi ni Sup kay ngaran si Ilkana. Sa Rama siya pag mag-uli sa kabantudan Ipraim. Anak siya ni Hiruham anak ni Ilihu. Si Ilihu kay anak waydi ni Tuhu, anak ni Sup, ginan sa lahi ni Ipraim.

1 Samwil 16:1

Ati katpung, magkun ti Panginuun sa kan Samwil, “Tugka kapira kawu pag manrukuan para sa kan Saul? Binugyahan yi niku siya bilang hari Israil. Taynguna, pun-a lana ulibu kanmu sungay pag sukadan, bag-u pag ati kawu sa kan Isai sa Bitlihim. Pinili niku ti usa sa kay manga anak hampay humari.”

1 Samwil 16:18

Sinmagut ti usa sa kay manga suruguun, “Nakitan duy niku ti usa sa manga anak ni Isai taga Bitlihim, madunung gid siya magtugtug alpa. Bukud waya siti, maisug duy siya ag madunung sa labanan, marinu pag lalaki, madunung siya nu magbagaw, ag pag-awatan siya Panginuun.”

1 Samwil 17:11

Igu nasaydan inda ni Saul hanggan manga Israilita, nadala gid sida.

1 Samwil 17:58

Pinaingana siya ni Saul, “Kantapu kawu pag anak?” Nagsagut si Dabid, “Anak duy aku nimu suruguun ni Isai taga Bitlihim.”