1 Samwil 16:7 - Hanunuu

⁷ Dapat magkun ti Panginuun sa kan Samwil, “Danga kawu magbantay sa kay abwat ngatay sa kay rinu dahil balaw siya kang pinili. Kangku pag pamantay balaw parihu sa pamantay tawu. Ti tawu kay pagbantayan kay lang panluwas pag rinu, dapat aku sa tagipusuun di gid tawu pag magbantay.”

1 Samwil 16:7 Iomraidhean Croise

Gimpuunan 4:5

dapat balaw siya nakabaya sa kan Kain hanggan sa kay handug. Dahil siyun, nagalit gid si Kain, unman may mapatuladan kay uyahun.

2 Samwil 14:25

Unman yi may humigit waya sa kay karinuan ni Absalum sa buu Israil nakan ti tanan maghanga gid sa kanya. Unman may ikasabi sa kanya ginan ulu tugka sa raprapa.

2 Samwil 7:20

Hintay waya nguna kang masabi sa kanmu, Panginuun Diyus? Dahil kilala nimu nu si unu ungud aku kanmu manugsirbi.

1 Hari 8:39

patingihi sida asan sa kanmu ulian sa langit. Patawada nimu sida, ag buwata sa kanda ti angay sa kanda manga binwat, dahil alam nimu ti kada tagipusuun nida. Tutuu kawu lang ti may alam tagipusuun tanan tawu.

1 Krunika 17:18

hintay waya lugud kang masabi sa kanmu tungkul sa kanmu pagkilala sa kangku? Dahil alam di waydi nimu nu si unu gid aku kanmu manugsirbi.

1 Krunika 28:9

“Ag kawu, Sulumun anak niku, kilalan-a ag sirbihi ti Diyus ga kanmu ama sa buu nimu tagipusuun ag kaisipan, dahil mag-akitan Panginuun ti kada tagipusuun ag alam niya kanta gayak ag pag-isipun. Nu magdangup kawu sa kanya, awatan kawu niya; dapat nu mamugya kawu sa kanya, dayuun kawu niya tugka aban.

2 Krunika 16:9

Dahil magbantay gid ti Panginuun sa buu kalibutan hampay pabaskugun ti manga tawu matinupadun sa kanya. Kabuangan kanmu binwat! Nakan kainda ginan pirmi yi kawu manlaban.”

2 Krunika 6:30

patingihi sida asan sa kanmu ulian sa langit. Patawada nimu sida ag buwata sa kada usa sa kanda ti angay sa kanda manga buwat, dahil alam nimu nu hintay ti asan sa kanda tagipusuun. Ungud duy, kawu lang gid ti may alam tagipusuun tanan tawu.

Hub 10:4

Kanmu pamantay parihu aw lugud sa pamantay tawu?

Hub 35:5

Pagtangda kawu sa langit ag bantayi kaayad nu kabitay kaabwat ti manga rurum.

Kanta 139:2

Alam nimu nu matukawan aku ngatay matindugan. Una asan kawu sa arayu alam nimu ti tanan niku pag-isip-isipun.

Kanta 7:9

Amparaha ti pagbuwatun kadautan manga tawu, ag papaladi ti manga matadlung, dahil matadlung kawu pag Diyus, ag pag-usisaun nimu kanmi manga naisipan hanggan tagipusuun.

Kabagawan 15:11

Nu magkaalaman Panginuun ti magpangyari sa rugar manga namatay, mas lalu yi gid magkaalaman niya ti asan sa tagipusuun tawu.

Kabagawan 16:2

Kanta hantup kang-ud yi gid ti tanan nita pagbuwatun, dapat ti Panginuun lang ti makapihu nu hintay kanta paghingabtun.

Kabagawan 24:12

Mahimu sumabi kawu unman may alam sa nangyari, dapat alam di Diyus nu magsabi kawu kay tutuu ngatay unman, dahil pagbantayan niya kawu ag alam niya ti asan sa kanmu tagipusuun. Balusan niya kawu angay sa kanmu binwat.

Kabagawan 31:30

Ti makagararya makadaya, ag ti karinuan maglawuy lang. Dapat ti babayi maggalang sa Panginuun imaw ti mahimu dayawun.

Hirimyas 11:20

Dapat nandarangin aku, “Panginuun Makamaskihan, matadlung duy kawu nu magsintinsiya. Magkaalaman duy nimu ti isip hanggan ti tagipusuun tawu. Pakakitan duy nimu sa kangku kanmu pagbalus sa kanda, dahil ipinabahala niku sa kanmu kang riklamu.”

Hirimyas 17:10

Aku, ti Panginuun, mag-usisa sa tagipusuun ag isip tawu. Balusan niku ti kada usa angay sa kay pag-ugaliun ag manga buwat.

Hirimyas 20:12

Panginuun Makamaskihan, magkaalaman duy nimu nu si unu ti matadlung dahil alam nimu ti tagipusuun ag isip tawu. Ipakakit duy nimu sa kangku kanmu pagbalus sa kanda dahil ipinabahala yi duy niku sa kanmu inda pagharampangan.

Lukas 16:15

Dapat sinabi ni Hisus sa kanda magkun, “Kamu magpabalhinguun lang sa atubangan manga tawu, dapat alam di gid Diyus kanyu manga tagipusuun. Dahil ti pagpahalagahan manga tawu, pagbugyahan sa kay magbantay Diyus.

Huwan 7:24

Danga yi pagpihua niyu ti daut ti mayad angay lang sa kanyu makitan sa mata. Pihua niyu ti daut ti mayad angay sa katutuuhanan.”

Huwan 8:15

Pagpihuun niyu ti daut ti mayad angay lang sa ugali tawu naisipan. Aku balaw magsintinsiya una sa kantapu.

Binwat 1:24

Nandarangin sida magkun, “Panginuun, kawu ngani ti makaalam tagipusuun tanan manga tawu. Ipakilala nimu sa kanmi nu naan sa duwa inda ti kanmu pinili,

2 Kurintu 10:10

Magkun ti iba, “Kay surat lang ti mahigpit. Nu sa atubangan padi ay madala pag tawu, una sa kay pinamagawan balaw may mayad.”

2 Kurintu 10:7

Kanyu pagbantayan lang ti manga bagay mag-akitan sa mata. Nu may tawu magpaniwala kuntay siya sa kan Kiristu, isipa niya kami hanggan parihu ga kanya, sa kan Kiristu diman.

Hibriyu 4:13

Unman may milihim sa Diyus. Ti tanan nabulwat ag niburayhaw sa kay magbantay, ag sa kanya kita may saragtun.

1 Pidru 2:4

Pagpakarani kamu sa kan Kiristu. Siya yi ngani ti ga batu may buhi, dinayu manga tawu, dapat pinili ngap Diyus, kay yi pagpahalagahan.

1 Pidru 3:4

Lalu ngap isipun niyu mahalaga ti rinu mataguan sa basad niyu tagipusuun. Tunda pag rinu unman magpud-as, ginan sa mahuway ag maalumanay pag naisipan, ungud lubus mahalaga sa kay magbantay Diyus.

Ipinakakit 2:23

Matyun aban niku hanggan kay manga anak agud maalaman tanan manga iglisya aku lang ti makasuyasid sa tawu isip ag tagipusuun. Ti kada usa sa kanyu pakan-an niku angay sa kanyu manga binwat.

1 Samwil 2:3

Unman may una si unu sa kanyu ti mahimu makapalabi-labi ngatay makapadayaw-dayaw dahil alam Panginuun Diyus ti tanan pag bagay, ag pagpihuun niya ti manga buwat tawu.

1 Samwil 9:2

Si Kis may anak lalaki kay ngaran si Saul. Anak waya si Saul; marinu gid siya pag lalaki, unman may makaparihu sa kanya ti manga taga Israil. Abwat man siya sa tanan Israilita, ti iba tugka lang sa kay labay.