1 Samwil 16:12 - Hanunuu

¹² Nakan ipinabuul ni Isai si Dabid ag ipinaati sa kanda. Marinu siya pag lalaki, maragang-ragang kay uyahun ag marinu kay mata. Bag-u magkun ti Panginuun, “Payidi yi siya lana ulibu dahil siya yi ngani kang pinili pag hari.”

1 Samwil 16:12 Iomraidhean Croise

Gimpuunan 39:6

Ikinatiwala ni Putipar ti tanan sa kan Husi ag unman siya may tuhay irintindihun purya wadi sa kay magpili kay kan-un. Makurasug si Husi ag marinu kay bilug.

2 Samwil 23:1

Ipinabantug Kaabwat-abwatan pag Diyus si Dabid kay anak ni Isai. Pinili siya Diyus ni Hakub hampay maghari, ag nanurat siya mararinu pag kanta Israil. Inda kay uryan binagaw:

2 Samwil 7:8

“Sabiha waya nimu sa kan Dabid aku, ti Panginuun Makamaskihan, magkumun, ‘Manug-alaga kawu kaybi manga karanidu, dapat pinili kawu niku hampay manpanguna sa manga nasakupan niku Israilita.

1 Hari 1:34

Nu rumas-ug kamu ati, Saduk hanggan si Natan, kamu ti humaplas lana ulibu sa ulu ni Sulumun sa pagpakakit siya ti pinili pag hari sa Israil. Bag-u patunuga niyu ti budyung pagringgit, ‘Mabuhi si Hari Sulumun!’

Kanta 2:2

Ti manga hari hanggan ti manga takinan sa kalibutan nagmirinsanan, nag-alistu hampay lumaban sa Panginuun hanggan sa kay pinili pag hari.

Kanta 2:6

Magkun siya, “Ipinatukaw yi niku sa Siun, sa kang banal pag bantud, ti pinili niku pag hari.”

Kanta 78:70

Pinili Diyus si Dabid hampay kay manugsirbi. Bin-ul niya siya sa kay tarabahu manug-alaga karanidu ag binwat hari Israil, ti magkaapu niya pag nasakupan. Parihu si Dabid sa usa ka manug-alaga manga karanidu,

Pag-ighit 2:2

Namuduy ti babayi ag nanganak usa ka lalaki. Pagka nakitan niya makurasug ti lapsag, itinagu niya tunda sa sulud tulu ka bulan.

Kanta ni Sulumun 5:10

Kang mahal makurasug ag magkaragang-ragang kay lukub. Sa sampulu ka libu lalaki usa-usa lang siya.

Karukuan 4:7

Kaybi, ti manga takinan sa Hirusalim mayad kay bilug, mabisug, malinis parihu sa burak, malagti parihu sa gatas, ag may kadayawan parihu sa mahalaga pag manga batu.

Sakaryas 4:14

Nakan magkun siya sa kangku, “Kay ibug sabihun tunda ti duwa ka tawu pinili hampay sumirbi sa Panginuun, maghari sa buu kalibutan.”

Binwat 4:27

“Dahil tutuu ngani nagkabuu sida ni Hirudis ni Punsiyu Pilatu hanggan ti manga balaw Hudiyu ag ti nasyun Israil sitay sa banwa Hirusalim hampay labanan nida kanmu mahal pag Suruguun si Hisus, imaw ti kanmu Pinili Manugribri pag Hari.

Binwat 7:20

Ati katpung sa kay taning pag kaudasan iinanak ngap si Muysis. Marinu gid pag anak, pagbayaun Panginuun. Tulu ka bulan kanda inalagaan ti anak siyun di gid sa balay niya gurang.

Hibriyu 11:23

Dahil kay manga gurang ni Muysis nagsarig sa Diyus nakan pagka may anak sida kanda itinagu sa sulud tulu ka bulan, dahil sa kanda magbantay marinu pag anak, ag unman sida nadala sa sugu hari.

1 Samwil 16:18

Sinmagut ti usa sa kay manga suruguun, “Nakitan duy niku ti usa sa manga anak ni Isai taga Bitlihim, madunung gid siya magtugtug alpa. Bukud waya siti, maisug duy siya ag madunung sa labanan, marinu pag lalaki, madunung siya nu magbagaw, ag pag-awatan siya Panginuun.”

1 Samwil 17:42

Pagka nakitan niya hanukud kan-akan si Dabid, marinu pag lalaki ag marara waya kay pingi, pinuyaan niya tunda.

1 Samwil 17:55

Ati katpung pagka nakitan ni Saul si Dabid magpakarani sa kan Gulyat hampay lumaban, pinaingana ni Saul si Abnir imaw ti kumandir manga sundalu, “Kantapu duy pag anak kan-akan tunda?” Sinmagut si Abnir, “Unman niku alam, Mahal Hari.”

1 Samwil 9:17

Pagka nakitan ni Samwil si Saul, sinabi Panginuun sa kan Samwil magkun, “Tunda yi ngani pag tawu kang pagkumnun sa kanmu, siya yi ngani ti humari sa kang nasakupan.”