1 Samwil 16:11 - Hanunuu

¹¹ Nagpaingana si Samwil sa kan Isai magkun, “Sida lang aw duy tanan kanmu anak?” Sinmagut si Isai, “May imaw waya duy, kay arian, dapat mag-alaga di siya manga karanidu.” Magkun si Samwil, “Pabul-an duy nimu siya. Balaw kita makaparargu sa kanta buruwatun tugka sa unman siya magras-ug.”

1 Samwil 16:11 Iomraidhean Croise

2 Samwil 13:3

May kakilala mahangal-hangal si Amnun kay ngaran si Hunadab. Anak siya patar-ari ni Dabid si Simya.

2 Samwil 7:8

“Sabiha waya nimu sa kan Dabid aku, ti Panginuun Makamaskihan, magkumun, ‘Manug-alaga kawu kaybi manga karanidu, dapat pinili kawu niku hampay manpanguna sa manga nasakupan niku Israilita.

1 Krunika 17:7

“Sabihi waya gid si Dabid kuntay aku, ti Panginuun Makamaskihan, magkumun, ‘Sa kabag-u manugbantay kawu sa manga karanidu, dapat pinili niku kawu manugpanguna sa kang nasakupan manga Israilita.

Pag-ighit 3:1

Usa ka sirang, pag-alagaan ni Muysis ti manga hayup niya manugang si Hitru ti manughandug sa Midyan. Dinara niya ti manga hayup sa arani pangawakawaan ag nakaras-ug siya sa Hurib, ti bantud Diyus.

1 Samwil 16:10

Pinaatag ni Isai kay pitu ka anak lalaki sa kan Samwil, dapat magkun si Samwil, “Unman gid may napili una di usa sa kanda ti Panginuun.”

1 Samwil 17:28

Pagka nadnugan ni Ilyab (kay aka ni Dabid) maghampang si Dabid sa manga tawu, nangisug gid siya. Sinabi niya sa kan Dabid, “Hayga kawu nagsitaytag? Si unu kanmu ipinabantay sa kanta manga karanidu sa pangawakawaan pira-pira wadi ngani ka bilug? Kanmu isip ga si unu yi gid kawu. Alam niku nu kabitay kawu kayabang. Nagsitaytag lang kawu hampay manuud labanan.”