1 Samwil 16:1 - Hanunuu

¹ Ati katpung, magkun ti Panginuun sa kan Samwil, “Tugka kapira kawu pag manrukuan para sa kan Saul? Binugyahan yi niku siya bilang hari Israil. Taynguna, pun-a lana ulibu kanmu sungay pag sukadan, bag-u pag ati kawu sa kan Isai sa Bitlihim. Pinili niku ti usa sa kay manga anak hampay humari.”

1 Samwil 16:1 Iomraidhean Croise

1 Hari 8:16

‘Ginan sa panahun ipinalwas niku kang nasakupan manga Israilita sa Ihiptu, unman aku nagpili banwa sa una naan pag linahi Israil hampay patindugan Balay Diyus para sa kang kadayawan. Dapat, pinili niku si Dabid hampay mamahala sa manga nasakupan niku Israilita.’

2 Hari 9:1

Ipinatawag ni Ilisyu ti usa ka kaibahan sa gurupu manga purupita ag sinabihan, “Pag-alistu kawu sa pag-ati sa Ramut Gilyad, ag daraha inda pag sukadan lana ulibu.

2 Hari 9:3

Bul-un nimu ti lana ag buhusi kay ulu bag-u sabiha, ‘Inda ti pagsabihun Panginuun: Pinili niku kawu humari sa Israil.’ Bag-u pagluwas kawu sa sabian ag palagiw madaldali.”

2 Hari 9:6

Tinmidug rargu si Hihu ag napaslud sa balay. Binuhusan siya rargu purupita lana ulibu sa ulu, ag sinabihan, “Inda ti pagsabihun Panginuun, ti Diyus Israil: ‘Pinili niku kawu humari sa kang nasakupan Israil.

1 Krunika 11:3

Nakan ati sa Hibrun, nagbuwat si Dabid kasunduan sa manga manugpamahala sa Israil sa atubangan Panginuun, ag pinayidan nida lana kay ulu ni Dabid sa pagpakakit kuntay siya yi ti hari Israil, angay sa itinaratu Panginuun sa panab-anan ni Samwil.

1 Krunika 28:4

Dapat una katida, pinili aku Panginuun, ti Diyus Israil, ginan sa buu nimi magtal-anakan bumaliw hari sa Israil tugka aban. Pinili niya ti lahi ni Huda bilang takinan pag linahi. Ginan sa inda pag linahi, pinili niya kang magtal-anakan, ginan sa kang magtal-anakan ikinabaya niya ti pagpili sa kangku bilang hari sa buu Israil.

Isayas 11:1

Ti makahari pag linahi ni Dabid ga puun pinlud. Dapat nu kabitay ti tuud magsalingsing, rumas-ug diman ti usa ka bag-u pag hari ginan sa linahi ni Dabid.

Isayas 11:10

Rumas-ug ti sirang, ianak ti bag-u pag hari ginan sa linahi ni Dabid imaw ti bumaliw pasandam sa manga nasyun hampay tumipun sida. Tumiripun sida sa kanya, bumaliw may kadayawan ti pag-ulian niya pag rugar.

Isayas 55:4

Pinili niku siya takinan manga nasyun, sa panab-anan niya ipinakakit niku kang kamaskihan sa kanda.

Hirimyas 11:14

“Nakan Hirimyas, danga yi kawu magdarangin para sa inda pag manga tawu. Danga yi kawu magpaawa-awa sa kangku para sa kanda, dahil balaw niku sida sagtun nu manawag sida sa kangku sa udas nida kakurian.

Hirimyas 15:1

Magkun sa kangku ti Panginuun, “Una sida ni Muysis ni Samwil waya ti mamakiawa sa kangku para sa inda pag manga tawu, balaw gid niku sida kaawaan. Nakan pakarayuan nimu sida sa kangku. Paighita nimu sida!

Hirimyas 6:30

Ingarnan sida, ‘Dinayu pag Galang’ dahil dinayu niku sida.”

Hirimyas 7:16

“Nakan ngani Hirimyas, danga kawu magdarangin para sa inda pag manga tawu. Danga kawu magkaawa ngatay maghagad sa kangku para sa kanda, dahil balaw kawu patingihan niku.

Sakaryas 4:14

Nakan magkun siya sa kangku, “Kay ibug sabihun tunda ti duwa ka tawu pinili hampay sumirbi sa Panginuun, maghari sa buu kalibutan.”

Ruma 15:12

Idinugang waya ni Isayas magkun, “Rumas-ug ti usa ka linahi ni Isai, ipinakaun siya Diyus hampay magpamahala sa manga balaw Hudiyu. Siya ti sarigan nida.”

Hibriyu 11:32

Kabitay waya pag masabi niku, dahil udyi aku may rugar tumultul waya tungkul sa kan Gidyun, sa kan Barak, sa kan Samsun, sa kan Hipti, ag sa kan Dabid, sa kan Samwil hanggan sa manga purupita.

1 Huwan 5:16

Nu may maghiling sa kay patar-ari magbuwat kasalanan unman ikamatay, idarangin niya tunda pag patar-ari bag-u pakan-an siya Diyus buhi. Inda tungkul lang sa manga magkasala unman sa ikamatay. Dahil may kasalanan diman sa ikamatay. Balaw kang pagsabihun idarangin niya ti manga mag-buwat kasalanan sa ikamatay.

1 Samwil 10:1

Bag-u nagbuul si Samwil usa ka sukadan may sukad lana ulibu, ibinuhus niya sa ulu ni Saul, bag-u kay hinagkung ag magkun, “Ti Panginuun imaw ti nagpili sa kanmu hampay pumanguna sa kay magkaapu pag nasakupan.

1 Samwil 15:11

“Magsisi gid aku binwat niku hari si Saul, dahil nagpatlikud siya sa kangku ag balaw nagsunud sa kang sugu.” Pagka nasaydan inda ni Samwil, nangisug gid siya, ag nandarangin siya buu yabi sa Panginuun.

1 Samwil 15:23

Ti paglapastangan sa Panginuun ga maghiri kay ka daut ag ti kaganitan ulu ga magsamba sa diyus-diyusan kay ka daut. Dahil sa kanmu pagbugya sa bagaw Panginuun, binugyahan diman niya kawu bilang hari.”

1 Samwil 15:26

Dapat magkun si Samwil, “Balaw aku mangiba sa kanmu. Dahil sa kanmu paglapastangan sa Panginuun, pagbugyahan yi niya kawu bilang hari Israil.”

1 Samwil 15:35

Siyun ginan, unman yi napakabta si Samwil sa kan Saul tugka sa namatay si Samwil. Dapat nanruku siya para sa kan Saul. Naruku ti Panginuun sa pagpili niya hari Israil si Saul.

1 Samwil 16:15

Magkun kay manga suruguun ni Saul sa kanya, “Pihu gid pagpakurianan kawu daut ispiritu pag ipadara Diyus.

1 Samwil 16:23

Kada magras-ug sa kan Saul ti daut ispiritu ginan sa Diyus, pag-ipatunug ni Dabid kay alpa. Bag-u mag-ighit ginan sa kan Saul ti daut pag ispiritu ag mag-ayad kay mag-asaydan niya.

1 Samwil 17:12

Taynguna, may anak si Isai kay ngaran si Dabid. Taga Bitlihim si Isai, ginan sa lahi ni Ipraim sa daga Huda. Gurangun yi si Isai tunda katpung. May walu siya ka anak lalaki.

1 Samwil 9:16

“Aldaw sa kainda diman pag udas, paasantagun niku sa kanmu ti usa ka tawu ginan sa rugar Binhamin. Payidi nimu siya lana ulibu sa kay ulu bilang palatandaan siya yi ngani kang pinili pag takinan niku nasakupan Israilita. Iribri niya kang manga nasakupan ginan sa kamang manga Pilistiyu dahil nakitan niku kanda kakurian, nadnugan niku kanda magdangup sa kangku.”