1 Samwil 15:11 - Hanunuu

¹¹ “Magsisi gid aku binwat niku hari si Saul, dahil nagpatlikud siya sa kangku ag balaw nagsunud sa kang sugu.” Pagka nasaydan inda ni Samwil, nangisug gid siya, ag nandarangin siya buu yabi sa Panginuun.

1 Samwil 15:11 Iomraidhean Croise

Gimpuunan 6:6

nagsisi siya nu hayga linalang waya niya ti tawu sa kalibutan. Masyadu gid kay karukuan,

Gimpuunan 6:7

nakan magkun siya, “Rurisun niku ti tanan linalang niku pag tawu, hanggan ti tanan hayup sa daga kaibahan ti manga hayup maglayang. Magsisi aku nu hayga linalang waya niku sida.”

2 Samwil 24:16

Pagka matyun yi mana anghil ti manga nasakupan Hirusalim, naawa ti Panginuun sa manga tawu. Nakan magkun siya sa anghil magparusa sa manga tawu, “Kang-ud yi! Danga yi sida pagparusahi.” Sa tunda pag udas, matindugan ti anghil Panginuun sa may giriukan ni Arauna, usa ka Hibusiyu.

1 Hari 11:9

Nagalit ti Panginuun sa kan Sulumun dahil nagpatlikud siya sa Panginuun, ti Diyus Israil, ti nagpakakit sa kanya kadwa ginan.

1 Krunika 10:13

Namatay si Saul dahil balaw siya matinupadun sa Panginuun. Unman niya tinupad ti sugu Panginuun, ag nandangup waya ngani siya sa manga pandaniwan

1 Krunika 21:15

Bag-u nagpadara ti Diyus anghil sa pagruris sa Hirusalim. Dapat habang pagrurisun anghil ti Hirusalim, nagbag-u ti kaisipan Panginuun sa pagparusa sa manga tawu. Nakan magkun siya sa anghil magruris sa manga tawu, “Kang-ud yi! Danga yi sida pagparusahi.” Sa ati pag udas matindugan ti anghil Panginuun sa may giriukan ni Arauna Hibusiyu.

Hub 34:27

Pagbuwatun niya inda dahil nag-apas sida sa pagsunud sa kanya, ag unman nida pagsundun kay manga palakaw.

Kanta 109:4

Una mag-upud aku sa kanda, pagkalabanun nida aku; dapat pag-idarangin niku sida.

Kanta 110:4

Nanumpa ti Panginuun, balaw gid mauman kay naisipan, kawu manughandug hanggan aban, parihu sa pagkamanughandug ni Milkisidik.

Kanta 119:136

Masyadu gid kang maglumi dahil unman pagsundun manga tawu kanmu kasuguan.

Kanta 125:5

Dapat parusahi kaibahan ti manga daut pag tawu kanmu nasakupan, ti magsunud sa balaw mayad pag-ugali. Israil, pagsa kanyu mana ti kahusayan!

Kanta 36:3

Daut ag kapudilan kay pagbagawun. Balaw yi niya pagbuwatun nu unu ti kang-ud ag ti ikamayad.

Kanta 78:41

Paulit-ulit nida pagsubukan ti Diyus; ginalit nida ti Banal pag Diyus Israil.

Kanta 78:57

Nagpakarayu sida ag nagpudil sa Diyus parihu sa kanda manga ginurang. Balaw sida masarigan parihu sa daut pag ugyung.

Pag-ighit 32:11

Dapat nagpaawa-awa si Muysis sa Panginuun sa kay Diyus, “Duy Panginuun, hayga duy pag-ipasamit nimu kanmu isug sa ipinalwas nimu pag nasakupan sa Ihiptu sa panab-anan nimu makadululaw pag kamaskihan?

Pag-ighit 32:14

Nakan balaw yi ipinatarus Panginuun kay gayak rurisun kay manga nasakupan.

Hirimyas 11:10

Hinuwad nida ti manga binwat kasalanan nida manga ginurang balaw gid nagpaniwala sa kang manga bagaw. Nagsamba diman sida sa manga diyus-diyusan. Ti nasakupan Israil hanggan Huda parihu naglabag sa binwat niku kasunduan sa kanda manga ginurang.

Hirimyas 13:17

Dapat nu dayu waya gid mamatingi kamu, manlumi aku sa lihim dahil sa kanyu magpadayaw. Manlumi aku kabisug bumulus kang manga luwa dahil bihagun ti manga pinili Panginuun.

Hirimyas 34:16

Dapat nagbag-u maan kanyu isip ag pinakay-a niyu aku. Binwat maan niyu panawuhun ti manga panawuhun kanyu pinalpasan, linugus maan niyu sida papalpas. niyu sida bumaliw panawuhun.

Hirimyas 9:1

“Nu bubun lang mana danum kang ulu, ag kang manga mata bulbugan luwa, manlumi aku sirang yabi para sa namatay pag manga kasimanwa niku.

Hirimyas 9:18

Kadali gid sida pag-atag hampay lumian kang manga nasakupan tugka sa bumulus kanda luwa.

Isikil 18:24

“Dapat nu ti usa ka matadlung pag tawu manpakarayu sa kay matadlung pag buhi ag bumuwat daut, hanggan bumwat mayagting pag manga bagay pagbuwatun manga daut, parargu aw nguna siya mabuhi? Unman! Kalimtan yi kay matadlung pag manga binwat. Ag dahil sa kay nagdayu sa kangku ag sa manga kasalanan niya nabwat, mamatay siya.

Amus 7:3

Nakan nagbag-u ti kaisipan Panginuun ag magkun siya, “Kanmu nakitan balaw yi mangyari.”

Hunas 3:10

Nakitan Diyus kanda binwat, nu kabitay sida napatlikud sa kanda daut pagpangabuhi. Nakan nagbag-u kay naisipan, balaw yi sida rinuris parihu sa kay sinabi kaybi.

Hunas 4:2

Magkun siya sa Panginuun sa kay magdarangin, “Ungud gid, Panginuun, balaw gid aku nagsalan sa sinabi niku katpung ati di waya aku sa kanmi rugar, kanmu di ngani kaawaan ti manga taga Ninibi nu mansisi sida, dahil alam niku maawaun kawu ag mapinasunaidun pag Diyus. Mapagmahal kawu ag balaw susun magkagalit. Ag alistu magbag-u kanmu isip balaw mamadara parusa. Tunda ngani kay dahilan nu hayga napatagu aku atabug sa Tarsis.

Sipanyas 1:6

Papasun niku ti manga magpatlikud ag unman magdangup sa kangku.

Matiyu 24:13

Dapat tigpakarig-un hanggan tugka sa katapusan imaw ti maribri.

Matiyu 5:44

Dapat kainda maan kang pagsabihun, mahalun niyu kanyu manga kalaban, idarangin gid niyu ti mag-unuunu sa kanyu,

Lukas 6:12

Ati katpung pag sirang, nag-atag si Hisus sa bantud hampay mandarangin. Usa ka yabi sadsad surip nagparargu kay darangin sa Diyus.

Hibriyu 10:38

Dapat ti tawu may buhi di, nu pagkilalan-un niku siya matadlung dahil sa kay pagsarig sa kangku. Nu bay siya umurung, udyi pagbayaun niku siya.”

Huswi 22:16

“Gustu maalaman tanan nasakupan Panginuun nu hayga kamu pinmatlikud sa Diyus Israil. Naglaban kamu sa Panginuun sa pagpatindug niyu harandugan para sa kanyu sadili. Unman yi kamu magsunud sa kanya.

1 Samwil 12:23

“Balaw gid duy aku umapas sa kang magdarangin sa kanyu, dahil nu abi kang apasan tunda ngap kasalanan niku laban sa Panginuun. Bagkus ngap itudlu di niku sa kanyu ti mayad hanggan matadlung pag-ugali.

1 Samwil 13:13

Sinabi ni Samwil sa kan Saul magkun, “Balaw mayad kanmu binwat! Unman inisip nimu mayad sa kanmu sadili nakan ngani kawu sinmalan. Unman nimu tinupad ti pagsabihun Panginuun nimu Diyus sa kanmu. Nu abi kawu nagsunud lang mana, parig-unun di Panginuun kanmu maghari sa Israil hanggan kanmu manga lahi hanggan waya aban.

1 Samwil 15:10

Magkun ti Panginuun sa kan Samwil,

1 Samwil 15:3

Nakan taynguna, giraha niyu ti manga Amalikita. Rurisa niyu lubus ti tanan ati. Matyun niyu sida tanan, manga lalaki, babayi, anak ag manga lapsag, hanggan yi kanda manga baka, karanidu, kambing, kamilyu ag manga asnu.’ ”

1 Samwil 15:35

Siyun ginan, unman yi napakabta si Samwil sa kan Saul tugka sa namatay si Samwil. Dapat nanruku siya para sa kan Saul. Naruku ti Panginuun sa pagpili niya hari Israil si Saul.

1 Samwil 15:9

Balaw diman nida minatay ti pinakamarinu pag manga karanidu hanggan manga baka kaibahan kay manga anak inda. Ti tanan mayad balaw nida minatay, dapat kay unman mapakinabangan kanda gid minatay.

1 Samwil 16:1

Ati katpung, magkun ti Panginuun sa kan Samwil, “Tugka kapira kawu pag manrukuan para sa kan Saul? Binugyahan yi niku siya bilang hari Israil. Taynguna, pun-a lana ulibu kanmu sungay pag sukadan, bag-u pag ati kawu sa kan Isai sa Bitlihim. Pinili niku ti usa sa kay manga anak hampay humari.”

1 Samwil 8:6

Dapat balaw nagbaya si Samwil sa kanda paghagadun, nakan nandarangin si Samwil sa Panginuun.