1 Samwil 15:1 - Hanunuu

¹ Sinabi ni Samwil sa kan Saul, “Sinugu aku kaybi Panginuun payidan kawu lana ulibu hampay ipakakit sa nasakupan Israil kawu kay pinili hari. Pakidnugi nimu ti pagsabihun Panginuun.

1 Samwil 15:1 Iomraidhean Croise

2 Hari 7:1

Sinmagut si Ilisyu, “Patingihi nimu ti pagsabihun Panginuun: ‘Aldaw, sa kainda diman pag udas, mura ti bililyun sa bililihan sa Samarya. Ti halaga tulu ka pulak arina, usa lang ka pulud pilak, ag katunda diman ti halaga unum ka pulak sibada.’ ”

1 Samwil 10:1

Bag-u nagbuul si Samwil usa ka sukadan may sukad lana ulibu, ibinuhus niya sa ulu ni Saul, bag-u kay hinagkung ag magkun, “Ti Panginuun imaw ti nagpili sa kanmu hampay pumanguna sa kay magkaapu pag nasakupan.

1 Samwil 12:14

Kailangan kamu paggalang sa Panginuun, pagsirbi sa kanya ag pagpatingi kamu sa kay pagsabihun. Danga maglapastangan sa kay bilin Panginuun. Mayad nu katunda kamu hanggan kanyu hari pagmasurundun sa Panginuun niyu Diyus, hampay unman may kadautan rumas-ug sa kanyu.

1 Samwil 13:13

Sinabi ni Samwil sa kan Saul magkun, “Balaw mayad kanmu binwat! Unman inisip nimu mayad sa kanmu sadili nakan ngani kawu sinmalan. Unman nimu tinupad ti pagsabihun Panginuun nimu Diyus sa kanmu. Nu abi kawu nagsunud lang mana, parig-unun di Panginuun kanmu maghari sa Israil hanggan kanmu manga lahi hanggan waya aban.

1 Samwil 9:15

Sa usa di waya ka sirang bag-u di rumas-ug si Saul, sinabi yi Panginuun sa kan Samwil magkun,

1 Samwil 9:16

“Aldaw sa kainda diman pag udas, paasantagun niku sa kanmu ti usa ka tawu ginan sa rugar Binhamin. Payidi nimu siya lana ulibu sa kay ulu bilang palatandaan siya yi ngani kang pinili pag takinan niku nasakupan Israilita. Iribri niya kang manga nasakupan ginan sa kamang manga Pilistiyu dahil nakitan niku kanda kakurian, nadnugan niku kanda magdangup sa kangku.”