1 Samwil 14:6 - Hanunuu

⁶ Magkun si Hunatan sa tagadara niya armas, “Atagun nita ti kampu manga tawu balaw magsarig sa Diyus. Barang awatan kita Panginuun, dahil unman may umampara nu kagustuhan niya manalu kita, una mayamu ngatay pira-pira kita.”

1 Samwil 14:6 Iomraidhean Croise

2 Samwil 1:20

Danga inda pagpaalaman sa Gat, ngatay sa manga baklayan Askalun, dahil barang ikabaya inda manga kababayihan Pilistiyu manga unman magsarig sa Diyus.

2 Samwil 16:12

Barang makitan Panginuun kang magkakurian, ag balusan niya kaayadan kang magkalakawan kakurian taynguna.”

2 Hari 19:4

Sinugu hari Asirya kay kumandir hampay puyaan ti buhi pag Diyus. Barang nasaydan Panginuun, nimu Diyus, ti pagsabihun kumandir ag parusahan siya sa kay manga binagaw. Nakan idarangin nimu ti manga nasawad sa kanta.’ ”

2 Krunika 14:10

Nighit diman si Asa hampay lumaban kan Sira. Napauli sida sa Karatagan Sipata arani sa Marisa.

2 Krunika 14:11

Pagkatapus, nandarangin si Asa sa Panginuun sa kay Diyus, “Panginuun, unman yi may iba waya makaawat sa manga tawu unman may kaya lumaban sa manga makapangyarihan nu unman kawu lang. Awati nimu kami, Panginuun kanmi Diyus, dahil magsarig kami sa kanmu, ag sa kanmu ngaran nag-ataytag kami laban sa siyun pag mayamu manga sundalu. Panginuun, kawu kanmi Diyus; danga pagpahintuluti manalu ti tawu laban sa kanmu.”

Kanta 135:6

Pagbuwatun Panginuun ti una unu ti pagkaibgan niya sa langit, sa daga, sa dagat, ag sa kaabasad-basadan inda.

Hirimyas 9:23

Magkun waya gid ti Panginuun, “Balaw kailangan pag ipadayaw madunung kay kadunungan, ngatay mabisug kay kabisugan, aw ngatay ti mayaman kay kayamanan.

Hirimyas 9:25

Magkun waya ti Panginuun, “Rumas-ug ti sirang parusahan niku ti nasyun Ihiptu, Idum, Amun, Muab, hanggan ti tanan mag-uli sa pangawakawaan sa arayu pag manga rugar. Ti manga mag-uli siyun pag nasyun manga tinuri, dapat unman sida magdayaw sa kangku. Ag parihu sida sa manga taga Huda. Kanyu bilug tinuri, dapat kanyu tagipusuun unman magbag-u.”

Amus 5:15

Amani niyu ti daut, buwata ti mayad, bag-u pagsintinsiya kamu matadlung sa hurusayan. Barang abi maawa ti Panginuun Diyus Makamaskihan sa nasawad pag manga lahi ni Husi.

Sipanyas 2:3

Kamu waydi pag manga mapinakumbabaun ag masurundun sa manga sugu Panginuun, pagpakarani kamu sa kanya. Pagparargu kamu sa pagbuwat matadlung ag pagpakumbaba kamu. Barang abi alagaan kamu Panginuun sa sirang ibuhus niya kay pangagalit.”

Sakaryas 4:6

Sinabi niya sa kangku, “Bag-u niku sagtun kanmu paingana, patingihi inda ti pagsabihun Panginuun Makamaskihan tultulan nimu kan Surubabil: “Surubabil, matapus nimu ti pagpatindug sa Balay Diyus bukun sa panab-anan kabisugan ngatay kakayahan tawu nu unman sa panab-anan niku Ispiritu.

Bilang 10:32

Nu kumuyug kawu sa kanmi, pakan-an di nimi kawu tanan papalad ipakaun Panginuun.”

Bilang 31:4

Ti kada lahi pagpadara tig 1,000 tawu sa girahan.”

Matiyu 19:26

Tinurun sida ni Hisus bag-u kay sinabi magkun, “Dayu ngani inda mabuwat tawu, dapat mabuwat di Diyus ti tanan kabagayan.”

Ruma 8:31

Taynguna, nu isipun nita inda pag manga bagay, masabi nita magbaliwa sa kanta ti Diyus, ag dahil sitay, unman may manalu laban sa kanta.

Diyuturunumiyu 32:30

Kabitay lugud mabukad usa ka tawu ti 1,000 Israilita? Kabitay matalu duwa ka tawu ti 10,000 sa kanda? Purya lang nu ipinahintulut sida Panginuun kanda palalan-iban pag batu.

Pilipus 3:3

Kabay kita yi ngap ti tutuu manga tinuri. Dahil magsamba kita sa Diyus angay sa udyuk Ispiritu Banal. Magbaya kita sa kanta pakiusa sa kan Kiristu Hisus ag unman may pagsarigan kita sa kanta sadili bilug.

Huswi 14:12

Nakan mahimu yi aw ipakaun sa kangku inda pag kabantudan ti itinaratu sa kangku kaybi Panginuun. Kawu yi ngap ti nakadnug kaybi, ti manga lahi ni Anak mag-uli ati ag marig-un kanda manga banwa may manga alad batu. Dapat sa awat Panginuun palayasun niku sida sa tunda pag daga angay sa itinaratu niya sa kangku.”

Talaghusay 15:18

Inuwaw gid si Samsun. Nakan nagtawag siya sa Panginuun. Magkun siya, “Pinanalu nimu aku, dapat kainda ga mamatay aku sa uwaw ag mabihag manga Pilistiyu balaw magkilala sa kanmu.”

1 Samwil 14:5

Kay usa sa may salatan masranguhan sa Mikmas, kay usa sa may kanaway waydi masranguhan sa Gibiya.

1 Samwil 14:7

Magkun sa kanya kay tagadara niya armas, “Buwata duy nimu una hintay kanmu pagkaibgan. Kaibahan nimu aku una hintay ti mangyari.”

1 Samwil 17:26

Namaingana si Dabid sa manga tawu matindugan sa kay arani, “Si unu pag Pilistiyu tida, unman magsarig sa Diyus, mag-akat sa manga sundalu buhi pag Diyus? Unu ti matanggap tawu makamatay sa kanya para mapigil kay magpakay-a niya sa Israil?”

1 Samwil 17:36

Imaw tunda kang pagbuwatun sa liyun ag usu, katunda diman kang buwatun sa tunda pag Pilistiyu unman magsarig sa Diyus, dahil kay pag akatun ti manga sundalu buhi pag Diyus.

1 Samwil 17:46

Taynguna pag sirang ipakaun kawu Panginuun sa kangku. Matyun ag puldun niku kanmu liug. Taynguna diman pag sirang, ti manga bangkay nimu manga kaibahan Pilistiyu ipakaun niku sa manga manuk hanggan sa maraisug pag hayup, bag-u maalaman sa buu kalibutan may Diyus ti Israil.

1 Samwil 17:47

Ti tanan atay umalam kuntay pag-iribri Panginuun kay nasakupan una unman may baladaw ngatay bangkaw, dahil ti Panginuun gid ngap ti maglaban, ipahintulut niya kamu tanan sa kanmi.”

1 Samwil 31:4

Magkun si Saul sa kay tagadara armas, “Gabuta kanmu baladaw ag matya aku, dahil nu unman, sida pag manga unman magsarig sa Diyus imaw ti mumatay sa kangku, surugun nida aku ag pakurianan.” Dapat magkadala manmatay sa kanya kay tagadara armas, nakan bin-ul ni Saul kanya mismu pag baladaw, ag binunu kay sadili.