1 Samwil 14:12 - Hanunuu

¹² Ag rininggitan nida si Hunatan hanggan kay tagadara niya armas, “Pagpakarani kamu sitaay, hampay tudluan nimi kamu.” Magkun si Hunatan sa tagadara niya armas, “Abala, pagdasun sa kangku dahil awatan kita Panginuun taluhun sida Israil.”

1 Samwil 14:12 Iomraidhean Croise

Gimpuunan 24:42

“Nakan pagras-ug niku kis-ab sa bubun, nandrangin aku. Magkun aku, ‘Panginuun, Diyus niku amu, ni Abraham, mana mitarus duy kang gayak ataytag.

Gimpuunan 24:48

Susun nagluhud aku nagsamba sa Panginuun. Nagdayaw aku sa Panginuun, ti Diyus niku amu, ni Abraham. Siya ti naggiya sa kangku sa hustu pag rugar, nu naan pag nakitan niku ti anak katawuhan niku amu hampay maasawa niya anak.

2 Samwil 5:24

Nu masaydan niyu ga may magdaguldul manga sundalu sa tungud baliwa kayu balsam, pagdalidali kamu salakay dahil tunda ti tanda pagpangunahan niku kamu sa kanyu paggira sa manga Pilistiyu.”

2 Hari 14:8

Usa ka sirang, nagpadara si Amasiyas manga manugbarita tabug sa hari Israil sa kan Hihuas kay anak ni Hihuahas laki ni Hihu. Ginarya niya si Hihuas kuntay manlalabanan sida.

Talaghusay 4:14

Magkun si Dibura sa kan Barak, “Alistu, lakaw yi, dahil imaw yi inda pag sirang papanaluhun kawu Panginuun laban sa kan Sisara. Pangunahan gid kawu Panginuun.” Nakan linmus-ug si Barak sa Bantud Tabur kaibahan kay 10,000 sundalu.

Talaghusay 7:14

Sinmagut ti usa, “Inda udyi may iba waya nu unman kay baladaw ni Gidyun, usa ka Israilita kay anak ni Huas. Papanaluhun siya Diyus laban sa manga Midyanita ag sa kanta tanan.”

Talaghusay 7:15

Pagka nadnugan ni Gidyun ti tagin-up ag kay kahulugan inda, nagdayaw siya sa Panginuun. Bag-u binmalik siya sa kampu manga Israilita ag sinabihan niya kay manga kaibahan, “Pag-alistu yi kamu, dahil papanaluhun kita Panginuun laban sa manga Midyanita.”

Talaghusay 9:54

Rargu niya tinawag ti tagadara niya armas ag sinabihan, “Gabuta kanmu baladaw ag matya aku hampay balaw sida sumabi kuntay usa lang ka babayi ti nakamatay sa kangku.” Nakan binunu siya niya suruguun ag namatay siya.

1 Samwil 14:10

Dapat nu sabihun nida, kita ti pagpakarani, tumukad kita dahil tunda ti tanda ipatalu sida Panginuun sa kanta.”

1 Samwil 14:13

Nakan yinmapang si Hunatan, ag dinmasun ti tagadara niya armas. Pinanmatay ni Hunatan ti manga Pilistiyu, katunda diman ti binwat niya tagadara armas.