1 Samwil 13:9 - Hanunuu

⁹ Nakan sinabi ni Saul magkun, “Daran-a sitay tag sa kangku ti manga hayup sunugun handug sa Panginuun hanggan ti manga handug sa Panginuun para sa mayad pag pakiusa.” Bag-u sinunug ngani kay ihinandug ni Saul sa Panginuun ti manga hayup.

1 Samwil 13:9 Iomraidhean Croise

2 Samwil 24:25

Bag-u nagbuwat siya ati harandugan para sa Panginuun ag naghandug manga handug pagsunugun hanggan manga handug para sa mayad pag pakiusa. Dinungug Panginuun kay darangin ni Dabid para sa Israil, ag inmapas ti sarut.

1 Hari 3:4

Usa ka sirang, nag-atag si Hari Sulumun sa Gibyun hampay manhandug, dahil ati ti pinaka bantug pag simbahan sa abwat pag rugar. Nanhandug siya sa harandugan 1,000 manga handug pagsunugun.

Kanta 37:7

Pagpakabuut kawu sa atubangan Panginuun ag pag-alagad mainagwantahun sa kay buwatun. Danga kawu magkasamuk sa manga tawu may kaabundahan, marapanalu sa kanda daut pag manga gayak.

Kabagawan 15:8

Pagkadat-an Panginuun ti manga handug manga daut pag tawu, dapat magbaya siya sa manga darangin manga matadlung.

Kabagawan 20:22

Danga kawu magbalus. Pagsarig kawu sa Panginuun, ag awatan niya kawu.

Kabagawan 21:27

Pagkadat-an Panginuun ti handug manga daut pag tawu, lalu waya gid nu pag-isagda nida inda may gayak daut.

Kabagawan 21:3

Pag-ikabaya gid Panginuun nu magbuwat mayad ag matadlung ti usa ka tawu kaysa manhandug siya manga handug.

Isayas 66:3

Dapat ay kaindaay kang kundisyun sa manga tawu magsunud sa kanda sadili kagustuhan ag magbaya sa kanda pagbuwatun subra daut laban sa kangku: Nu manmatay sida baka hampay ihandug, kilalan-un niku sida ga nakamatay tawu. Nu manhandug sida karanidu kilalan-un niku sida ga nakamatay idu. Nu mangayaw sida handug bilang pakaun, kilalan-un niku ga nanagda sida dugu babuy. Ag nu magtuub sida kamangyan bilang pag-alaala sa kangku, kilalan-un niku magdayaw sida sa diyus-diyusan.

Diyuturunumiyu 12:5

bagkus ngap pagdangup kamu sa Panginuun niyu Diyus ag dayawa niyu siya sa piliun niya pag rugar ginan sa tanan sakup manga linahi Israil. Ati niyu pag sambaha ti Panginuun, dahil imaw tunda kay pinili pag rugar nu naan siya pagdayawun.

Diyuturunumiyu 12:6

Ati niyu pag darahun kanyu manga handug pagsunugun ag iba waya pag manga handug, ti manga ikasampulu niyu, ti manga ipinablag niyu pag pamakaun, ti manga itinaratu niyu ihandug, ti buluntad niyu pag manga handug, hanggan ti panganay niyu pag manga hayup.

1 Samwil 14:18

Magkun si Saul sa kan Ahiyas, “Daraha ataytag ti Kaban Diyus.” (Tunda katpung, ti Kaban Kasunduan ati sa manga Israilita.)