1 Samwil 13:7 - Hanunuu

⁷ Ti manga iba nagdipay ngapu sa sapa Hurdan, nag-atag sa daga Gad ag Gilyad. Dapat si Saul ati di sa Gilgal. Kay manga kaibahan niya manga sundalu dinurnan diman dala.

1 Samwil 13:7 Iomraidhean Croise

Libitiku 26:17

Pabay-anan niku kamu hampay matalu kamu niyu manga kalaban ag sida ti mandumara sa kanyu. Dahil sa dala mamalalagiwan kamu una ud may maglagas sa kanyu.

Diyuturunumiyu 20:8

“Sumabi waya gid ti manga takinan, ‘Nu may imaw sa kanyu nadala ngatay pagkulbaan, pag-uli siya barang hanggan kay manga kaibahan makulbaan waydi.’

Diyuturunumiyu 28:25

“Ipatalu kamu Panginuun sa kanyu manga kalaban. Magkarausa kamu man-gira sa kanda, dapat mamululagan kamu malagiw ginan sa kanda. Kadat-an kamu tanan kaharian sa kalibutan.

Diyuturunumiyu 3:12

“Pagka nasakup nita inda pag daga, ipinakaun niku sa manga lahi nida ni Rubin ni Gad ti daga sa kanaway Aruwir arani sa Luung Arnun kaibahan yi ti katunga kabantudan Gilyad hanggan kay manga banwa inda.

Huswi 13:11

Kaibahan diman ti Gilyad ag ti manga daga pag-ulian manga Gisuriyu hanggan manga Maakiyu, ti buu Bantud Hirmun, ag ti buu Basan tugka sa Salika.

Huswi 13:8

Ti lahi ni Rubin, ag ni Gad hanggan ti katunga lahi ni Manasis pinakan-an yi ni Muysis kahuray sa butlakan Hurdan.

Talaghusay 7:3

Nakan paingan-a sida nu si unu tig kadala, mahimu yi mighit sitay ginan sa Bantud Gilyad ag pag-uli yi.” Pagka sinabi inda ni Gidyun, nuli ti 22,000, ag 10,000 wadi ti nasawad.

1 Samwil 13:8

Sa sulud pitu ka sirang nag-alagad si Saul sa kan Samwil, angay sa kay sinabi ni Samwil. Dapat ay si Samwil unman waya nagras-ug ati sa Gilgal. Bag-u kay manga kaibahan ni Saul pag manga sundalu kay iba namululagan yi waydi.

1 Samwil 17:11

Igu nasaydan inda ni Saul hanggan manga Israilita, nadala gid sida.

1 Samwil 31:7

Kaybi pag udas may manga Israilita mag-uli sa karatagan Hisriil hanggan sa dipay Sapa Hurdan. Pagka nakitan nida nagpinalalagiw ti manga sundalu Israil ag namatay yi si Saul hanggan kay manga anak, tinayakan nida kanda manga banwa ag nanpalagiw waydi sida. Nakan sinulud manga Pilistiyu inda pag manga banwa ag inulianan.