1 Samwil 13:6 - Hanunuu

⁶ Pagka nakitan manga Israilita alangan kanda kahamtangan, napatagu sida sa lukib, sa manga basad mailamnun, sa manga batuhan, sa manga ukang hanggan sa tiripunan danum.

1 Samwil 13:6 Iomraidhean Croise

2 Samwil 24:14

Nagsagut si Dabid sa kan Gad, “Magkakurian gid aku magpili. Mayad waya ti Panginuun yi lang ti pumarusa sa kangku kaysa ti manga tawu, dahil maawaun gid ti Panginuun.”

Isayas 42:22

Dapat taynguna kay manga nasakupan tinakawan, inagawan kasiyunan, ilinagpak sa kali ngatay ipinaslud sa pirisuhan, ag ud may nanribri sa kanda.

Hirimyas 41:9

Ti bubun linagpakan ni Ismail manga bangkay manga tawu kay minatay, hanggan yi kay bangkay ni Gidalyas magkaapu ni Hari Asa. Ipinakali niya inda katpung ginira sida ni Hari Baasa sa Israil. Inda pag bubun napnu ni Ismail manga bangkay.

Isikil 33:27

Aku ti Panginuun Diyus buhi, magsumpa kuntay pihu magkaramatay sa girahan tunda pag nasawad buhi sa daut manga banwa. Ti manga nasawad buhi sa manga karatagan kan-un maraisug manga hayup, bag-u ti iba asan sa kanda manga parataguan hanggan sa lukib magkaramatay sa sarut.

Pilipus 1:23

Aku napil-it yi sa duwa ka bagay. Kang gustu aku mamatay hampay kaibahan yi ni Kiristu, dahil pihu gid imaw ti pinakamayad.

Hibriyu 11:38

Sida nagpakapalibut-libut lang sa pangawakawaan, sa manga kabantudan, sa manga lukib hanggan sa lingkaung daga. Balaw angay kanda ulianan inda pag kalibutan dahil sa kanda katadlungan.

Huswi 8:20

Pagka nakaaliwliw ti manga taga Hay, nakitan nida ti magtalimbuuk anus ginan sa banwa. Udyi sida may mapalagiwan, dahil kadaka sida inatubang manga Israilita kanda paglagsun sa pangawakawaan.

Talaghusay 10:9

Nagdipay diman ti manga Amunita sa isalpan Sapa Hurdan ag nanlaban sa manga lahi nida ni Huda, ni Binhamin, ag ni Ipraim. Dahil siyun, masyadu gid nakurian ti Israil.

Talaghusay 20:41

Nakan binmalik ti manga Israilita ag ginira nida ti manga Binhaminita. Nadala ti manga Binhaminita dahil napansin nida arani yi kanda katapusan.

Talaghusay 6:2

Masyadu gid maisug ti manga Midyanita, nakan napilitan ti manga Israilita patagu sa manga bantud, sa manga lukib, ag sa iba waya manga tagu pag rugar.

1 Samwil 13:15

Bag-u nuli yi maan si Samwil ginan sa Gilgal ag inmati siya sa Gibiya sakup manga Binhamin. Binilang ni Saul ti manga nasawad niya pag manga tawuhan — 600 tanan.

1 Samwil 14:11

Pagka nakitan sida duwa ati sa kampuhan manga Pilistiyu, rinminggit ti manga Pilistiyu, “Bantayi niyu ti manga Hibriyu! Magpabulwat yi sida ginan sa kanda paratag-an.”

1 Samwil 14:22

Ti kada mataguan sa kabantudan Ipraim pag manga Israilita pagka nakadnug sida magpalalagiwan ti manga Pilistiyu, inmawat yi waydi sida linmagas.

1 Samwil 23:19

Taynguna, may manga taga Sip nag-ati sa kan Saul sa Gibiya ag magkun, “Magpatagu duy si Dabid ati sa kanmi, ati sa manga paratag-an sa Huris, sa kabantudan Hakila, sa kanaway baliwa Hisimun.

1 Samwil 24:3

Nakaras-ug sida sa tudiran manga karanidu sa saruy dalan, nu naan may lukib ati. Sinmulud si Saul atag ag inmugat. Ati maaw sa kay sulud gid bahagi lukib pag mataguan si Dabid hanggan kay manga tawuhan.

1 Samwil 31:7

Kaybi pag udas may manga Israilita mag-uli sa karatagan Hisriil hanggan sa dipay Sapa Hurdan. Pagka nakitan nida nagpinalalagiw ti manga sundalu Israil ag namatay yi si Saul hanggan kay manga anak, tinayakan nida kanda manga banwa ag nanpalagiw waydi sida. Nakan sinulud manga Pilistiyu inda pag manga banwa ag inulianan.

1 Samwil 7:7

Pagka naalaman manga Pilistiyu nagtipun yi maaw ti manga Israilita ati sa Mispa, nag-alistu yi ngani ti manga hari Pilistiyu hanggan kanda manga sundalu hampay girahun ti manga Israilita. Pagka nabaritaan inda manga Israilita, nagkaradala sida.