1 Samwil 12:9 - Hanunuu

⁹ Dapat kinalimtan nida ti Panginuun nida Diyus, nakan ngani pagka ti manga Israilita linabanan ni Sisara, imaw ti kumandir manga sundalu Hasur, hanggan manga Pilistiyu ag hari Muab, pinabay-anan sida Panginuun. Tinalu lang ti manga Israilita.

1 Samwil 12:9 Iomraidhean Croise

2 Samwil 7:11

ginan sa kang nagpauli manga takinan sa kang manga nasakupan Israilita. May kahusayan kanmu maghari ag unman yi may manga kalaban man-gira sa kanmu. Aku, ti Panginuun, magkumun sa kanmu pirmi humari ti usa sa kanmu manga linahi.

Kanta 106:21

Nalimtan nida ti Diyus imaw ti nagribri sa kanda ag nagbuwat makadululaw hanggan lilingutan pag buwat ati sa Ihiptu, ti daga manga linahi ni Kam ati sa Marara pag Dagat.

Isayas 63:10

Lang madi katida, naglaban sida ag pinaruku nida ti Banal Ispiritu. Nakan ngani, linabanan sida Panginuun, ag kalaban yi ngap niya sida.

Hirimyas 2:32

“Malimtan aw usa ka daraga kay manga ugsung aw ngatay ti rutay niya pankasal? Dapat kamu kang manga nasakupan, dugay yi niyu aku kinalimtan.

Diyuturunumiyu 32:18

Linimtan nida ti Diyus ti palalan-iban nida pag batu imaw ti naglalang sa kanda.

Diyuturunumiyu 32:30

Kabitay lugud mabukad usa ka tawu ti 1,000 Israilita? Kabitay matalu duwa ka tawu ti 10,000 sa kanda? Purya lang nu ipinahintulut sida Panginuun kanda palalan-iban pag batu.

Talaghusay 10:7

Dahil siyun, nagalit ti Panginuun ag ipinasakup niya sida sa manga Amunita ag manga Pilistiyu.

Talaghusay 13:1

Nagbuwat maan kadautan ti manga Israilita sa magbantay Panginuun, nakan ipinasakup sida Panginuun sa manga Pilistiyu sa sulud upatpulu ka timpu.

Talaghusay 2:14

Dahil sa pangagalit Panginuun sa Israil, pinabay-anan niya sida girahun manga mananakaw hampay bul-un kanda manga kasiyunan. Pinabay-anan diman sida Panginuun matalu nida manga kalaban sa kanda sangput ag balaw yi nida kaya panindugan kanda sadili.

Talaghusay 3:12

Nagbuwat maan kadautan ti manga Israilita sa magbantay Panginuun. Dahil siyun, ipinasakup sida Panginuun sa kan Hari Iglun taga Muab.

Talaghusay 3:31

Ti dinmasun sa kan Ihud bilang takinan si Samgar kay anak ni Anat. Irinibri niya ti Israil sa manga Pilistiyu. Manga 600 Pilistiyu kay minatay sa panab-anan niya sugkud paggamitun pantabug baka.

Talaghusay 4:2

Nakan ipinasakup maan sida Panginuun sa kan Hari Habin taga Hasur, usa ka hari manga Kananiyu. Ti takinan manga sundalu ni Habin si Sisara mag-uli sa Harusit Haguyim.

1 Samwil 12:15

Dapat nu unman patingihan niyu kay pagsabihun Panginuun, ag nu maglapastangan sa kay manga bilin, bumaliw kalaban niyu siya parihu sa kaybi sa kanyu manga ginurang.