1 Samwil 12:11 - Hanunuu

¹¹ Nakan sinugu Panginuun sida ni Gidyun, ni Barak, ni Hipti hanggan aku; ag irinibri nimi kamu sa kanyu manga kalaban sa tanan rugar. Nakan nangulian kamu udyi may pagkadalaan.

1 Samwil 12:11 Iomraidhean Croise

2 Hari 13:5

Pinakan-an sida Panginuun takinan ti nagribri sa kanda sa manga taga Aram. Nakan nangulian maan sa mahusay ti manga taga Israil parihu sa kaybi.

1 Krunika 7:17

Kay anak lalaki ni Ulam si Bidan. Imaw inda sida kay manga lahi ni Gilyad anak ni Makir ag umput ni Manasis.

Talaghusay 4:6

Sa usa ka sirang, ipinatawag ni Dibura si Barak anak ni Abinuam taga Kadis sakup lahi ni Niptali. Pagras-ug ni Barak, magkun si Dibura sa kanya, “Ti Panginuun, ti Diyus Israil, magsugu sa kanmu pagbuul kawu 10,000 lalaki sa manga lahi ni Niptali ag ni Sabulun ag daran-a sida sa Bantud Tabur.

Talaghusay 6:14

Bag-u magkun ti Panginuun sa kan Gidyun, “Hinan yi, ag gamita kanmu buu kabisugan sa pagribri sa Israil ginan sa manga Midyanita. Aku gid ti magsugu sa kanmu.”

Talaghusay 6:31

Nagsagut si Huas sa manga tawu magkagalit masangputan sa kanya, “Mag-aratwan aw lugud kamu para sa kan Baal? Pagkampihan gid aw lugud niyu siya? Ti magkampi sa kan Baal imaw ti dapat matyun sa inda pag daga. Nu si Baal tutuu gid pag Diyus, dapat iribri niya kay sadili sa nagdaut sa kay harandugan.”

Talaghusay 6:32

Siyun ginan iningarnan si Gidyun “Hirubaal” kay ibug sabihun, “Pabay-ani idipinsa ni Baal kay sadili,” dahil dinaut niya ti harandugan ni Baal.

Talaghusay 7:1

Surip waya gid, naglakaw si Hirubaal (imaw diman si Gidyun) kaibahan kay manga tawuhan. Kinmampu sida ati sa may bulbugan Harud. Ti manga Midyanita kinmampu waydi sa kanaway baliwa nida sa karatagan arani sa Bantud Muri.

Talaghusay 8:29

Nuli si Gidyun sa kay sadili pag balay ag ati pag nangulian.

Talaghusay 8:35

Unman gid sida nagpakakit kaayadan sa magtal-anakan ni Hirubaal (si Gidyun diman) sa tanan binwat niya pag manga bagay sa Israil.

1 Samwil 3:20

Nakan kinilala purupita Panginuun si Samwil ginan sa Dan tugka sa Biirsiba.

1 Samwil 7:13

Nakan natalu ti manga Pilistiyu ag balaw yi gid sida inmuman naglaban sa manga Israilita habang buhi waya si Samwil, dahil Panginuun gid ti naglaban sa manga Pilistiyu.