1 Samwil 11:6 - Hanunuu

⁶ Pagka nadnugan ni Saul tunda, inudyukan siya Ispiritu Diyus ag masyadu gid siya nangisug.

1 Samwil 11:6 Iomraidhean Croise

Pag-ighit 32:19

Pagka arani yi si Muysis sa kampu, nakitan niya ti diyus-diyusan baka hanggan ti magtararukan manga tawu, nakan nangisug siya masyadu. Iyinamut niya sa sugkad bantud kay dara malapad pag manga batu, ag nabka gid tunda.

Bilang 12:3

(Si Muysis mapinakumbabaun gid higit sa tanan tawu sa kalibutan.)

Markus 3:5

Namarantayun si Hisus magkagalit sa kanda dahil pag-iruku niya ti kaganitan nida tagipusuun. Bag-u sinabi niya sa tawu pilay kay kamang, “Hunatan duy kanmu kamang.” Kay ngani ihinunat kay kamang bag-u nag-ayad yi ngap.

Ipisu 4:26

Nu abi kamu magkagalit, danga subra hampay kamu balaw magkasala. Danga niyu pagpabay-ani danga pagpaaputan malambung kanyu galit.

Talaghusay 11:29

Taynguna, hinarian si Hipti Ispiritu Panginuun. Namalibut siya sa buu Gilyad ag Manasis hampay tipunun ti manga sundalu. Pagkatapus namalik siya sa Mispa sakup Gilyad. Ag siyun ginan, ginira niya ti manga Amunita.

Talaghusay 13:25

Ti Ispiritu Panginuun nag-umpisa nanguna sa kanya habang ati siya sa kampu ni Dan, sa karaw-an Sura ag Istaul.

Talaghusay 14:6

Pinabisug siya Ispiritu Panginuun, ag linuuk niya ti liyun sa panab-anan niya manga kamang ga sa magluuk lang siya anak kambing. Dapat unman niya inda sinabi sa kay manga gurang.

Talaghusay 15:14

Pagka nadara yi si Samsun sa Lihi, sinulang siya manga Pilistiyu maghuruyawan. Pinabisug Ispiritu Panginuun si Samsun, ag pinamuklut niya ti manga magapusan lubid parihu sa matpuk pag bunang.

Talaghusay 3:10

Giniyahan siya Ispiritu Panginuun, ag pinangunahan niya ti Israil. Nakipaglaban siya sa kan Hari Kusan Risataim taga Aram, ag pinanalu siya Panginuun.

Talaghusay 6:34

Giniyahan Ispiritu Diyus si Gidyun ag ipinatunug niya ti budyung hampay tawagan ti manga lahi ni Abisir para sumunud sa kanya.

1 Samwil 10:10

Pagka rinmas-ug si Saul hanggan kay suruguun sa Gibiya, sinulang siya manga purupita. Bag-u sinuldan Ispiritu Diyus si Saul ag nanultul yi waydi siya bagaw Diyus kaibahan tunda pag manga purupita.

1 Samwil 10:6

Bag-u suldan kawu Ispiritu Panginuun ag manultul waydi kawu bagaw Diyus kaibahan nida, ag kanmu pagkatawu bumag-u yi waydi.

1 Samwil 16:13

Nakan bin-ul ni Samwil ti lana ulibu ag pinayidan niya sa ulu si Dabid sa atubangan niya manga patar-ari. Tunda ginan pag sirang, pag-ulianan yi banal Ispiritu Panginuun si Dabid. Bag-u nuli waydi sa Rama si Samwil.

1 Samwil 16:14

Nighit ginan sa kan Saul ti Ispiritu Panginuun, ag pinakurianan siya daut ispiritu ipinadara Panginuun.