1 Samwil 11:5 - Hanunuu

⁵ Tunda katpung mag-uli yi si Saul ginan sa kay tanman kaibahan kay manga baka. Pagka nadnugan niya ti warawawan, nagpaingana siya magkun, “Hayga magwarawawan ti manga tawu?” Nakan kinmumun ti manga tawu sa kanya ti itinultul manga taga Habis.

1 Samwil 11:5 Iomraidhean Croise

Gimpuunan 21:17

Taynguna, nasaydan Diyus ti maglumi anak. Nakan magkun ti anghil Diyus ginan sa tungud atabug sa kan Hagar, “Hintay ti magpaaburidu sa kanmu naisipan Hagar? Danga kawu magkadala; nasaydan Diyus ti maglumi nimu anak.

1 Hari 19:19

Nighit ati si Ilyas ag nakitan niya si Ilisyu kay anak ni Sapat, mag-aradu. May sampulu may usa ka paris baka sa kay unahan niya paggamitun niya manga kaibahan sa mag-aradu, ag pag gamitun waydi niya ti ikasampulu may duwa ka paris baka. Pinmakarani si Ilyas sa kanya, linukas kay kulimpay ag ipinakulimpay sa kan Ilisyu.

Isayas 22:1

Inda ti pagsabihun tungkul sa luung pangakakitun. Hintay ti magpangyari? Hayga kamu magdayik sa manga atup?

Talaghusay 18:23

Pagringgitan nida sida, ag inmaliwliw ti manga lahi ni Dan ag nagpaingana sa kan Mikas, “Unu lugud ti nangyari ag paglagsun niyu kami?”

1 Samwil 9:1

May usa ka mayaman ag kilala pag tawu ginan sa lahi ni Binhamin. Kay ngaran si Kis, anak siya ni Abyil. Si Abyil kay anak ni Sirur, si Sirur kay anak ni Bikurat, si Bikurat kay anak ni Apya ginan sa lahi ni Binhamin.