1 Samwil 10:6 - Hanunuu

⁶ Bag-u suldan kawu Ispiritu Panginuun ag manultul waydi kawu bagaw Diyus kaibahan nida, ag kanmu pagkatawu bumag-u yi waydi.

1 Samwil 10:6 Iomraidhean Croise

Bilang 11:17

Dumugsun aku ag manhampang sa kanmu siyun, bag-u ibahagi niku sa kanda kay iba ka Ispiritu ti ipinakaun niku sa kanmu hampay makaawat sida sa kanmu.

Bilang 11:25

Bag-u nagdugsun ti Panginuun sa panab-anan rurum ag naghampang sa kan Muysis. Ipinakaun Panginuun sa 70 ka paggurangunun kay iba ka Ispiritu ni Muysis. Ag pagka natanggap nida inda, nagbagaw sida ga manga purupita, dapat udyi inda nangyari uman.

Bilang 11:26

Ti duwa sa 70 ka paggurangunun sida ni Ildad ni Midad, napatayak sida sa kampu, balaw nag-ati sa Turda. Dapat natanggap diman nida ti Ispiritu, nagbagaw diman sida parihu sa manga purupita.

Bilang 11:29

Dapat nagsagut si Muysis, “Magkataranta aw lugud kawu nu hintay ti mangyari sa kang magpangulu? Nu sa kangku lang, gustu niku ti tanan nasakupan Panginuun pakan-an niya Ispiritu hampay makabagaw sida parihu sa manga purupita.”

Matiyu 7:22

Sa ati katpung aban pag kaudasan mayamu ti sumabi sa kangku magkun, ‘Panginuun, Panginuun, unman aw sa kanmu ngaran kami nagpurupita? Sa kanmu diman ngaran pag nagpalwas kami manga labang ag nagbuwat kami mayamu makadululaw.’

Talaghusay 14:6

Pinabisug siya Ispiritu Panginuun, ag linuuk niya ti liyun sa panab-anan niya manga kamang ga sa magluuk lang siya anak kambing. Dapat unman niya inda sinabi sa kay manga gurang.

Talaghusay 15:14

Pagka nadara yi si Samsun sa Lihi, sinulang siya manga Pilistiyu maghuruyawan. Pinabisug Ispiritu Panginuun si Samsun, ag pinamuklut niya ti manga magapusan lubid parihu sa matpuk pag bunang.

Talaghusay 3:10

Giniyahan siya Ispiritu Panginuun, ag pinangunahan niya ti Israil. Nakipaglaban siya sa kan Hari Kusan Risataim taga Aram, ag pinanalu siya Panginuun.

1 Samwil 10:10

Pagka rinmas-ug si Saul hanggan kay suruguun sa Gibiya, sinulang siya manga purupita. Bag-u sinuldan Ispiritu Diyus si Saul ag nanultul yi waydi siya bagaw Diyus kaibahan tunda pag manga purupita.

1 Samwil 10:9

Pagka namululagan yi sida ni Saul, binag-u yi Diyus kay pagkatawu ni Saul. Ati katpung pag sirang nangyari diman ngani tunda pag manga tanda kay ipinaalam ni Samwil sa kanya.

1 Samwil 11:6

Pagka nadnugan ni Saul tunda, inudyukan siya Ispiritu Diyus ag masyadu gid siya nangisug.

1 Samwil 16:13

Nakan bin-ul ni Samwil ti lana ulibu ag pinayidan niya sa ulu si Dabid sa atubangan niya manga patar-ari. Tunda ginan pag sirang, pag-ulianan yi banal Ispiritu Panginuun si Dabid. Bag-u nuli waydi sa Rama si Samwil.

1 Samwil 19:20

Nakan namadara siya manga tawuhan hampay dakpun si Dabid. Dapat igu ati, nakitan nida ti manga purupita magtultul Bagaw Diyus pagpangunahan ni Samwil. Bag-u sinuldan diman Ispiritu Diyus ti manga tawuhan ni Saul ag sida hanggan nagtultul diman tultulanun ginan sa Diyus.