1 Samwil 10:23 - Hanunuu

²³ Nakan madaldali nida bin-ul si Saul ati ginan. Pagka tinmindug siya sa karaw-an manga tawu, abwat man siya sa tanan. Ti iba tugka lang sa kay labay ni Saul.

1 Samwil 10:23 Iomraidhean Croise

Gimpuunan 3:24

Pagka pinaighit yi ti tawu, ipinabantay sa halamanan Idin sa butlakan baliwa ti manga kirubin pag manga anghil. Nagpauli diman siya baladaw maglabdaban ag magbuyung hampay unman may makapakarani sa puun kayu kabuhian.

1 Samwil 16:7

Dapat magkun ti Panginuun sa kan Samwil, “Danga kawu magbantay sa kay abwat ngatay sa kay rinu dahil balaw siya kang pinili. Kangku pag pamantay balaw parihu sa pamantay tawu. Ti tawu kay pagbantayan kay lang panluwas pag rinu, dapat aku sa tagipusuun di gid tawu pag magbantay.”

1 Samwil 17:4

Kainda, may usa ka anad ag maisug pag manuggira taga Gat kay ngaran si Gulyat. Linmuwas siya sa kampu manga Pilistiyu, bag-u napakarani sa kampu manga Israilita. Kay abwat, may 6 ka luk-an siku.

1 Samwil 9:1

May usa ka mayaman ag kilala pag tawu ginan sa lahi ni Binhamin. Kay ngaran si Kis, anak siya ni Abyil. Si Abyil kay anak ni Sirur, si Sirur kay anak ni Bikurat, si Bikurat kay anak ni Apya ginan sa lahi ni Binhamin.

1 Samwil 9:2

Si Kis may anak lalaki kay ngaran si Saul. Anak waya si Saul; marinu gid siya pag lalaki, unman may makaparihu sa kanya ti manga taga Israil. Abwat man siya sa tanan Israilita, ti iba tugka lang sa kay labay.