1 Samwil 10:16 - Hanunuu

¹⁶ Sinmagut si Saul, “Sinabi niya sa kanmi nakitan yi kunu ti manga asnu.” Dapat unman itinultul ni Saul sa kay bapa kay binagaw ni Samwil tungkul sa kay paghari aban.

1 Samwil 10:16 Iomraidhean Croise

Pag-ighit 4:18

Nagbalik si Muysis sa kay manugang sa kan Hitru, magkun siya, “Pasnui niyu aku bumalik sa kang manga kasimanwa ati sa Ihiptu hampay duawan ngatay buhi waya sida.” Magkun si Hitru, “Hu, pag may kahusayan mana kanmu lakaw.”

Kabagawan 12:23

Ti madunung pag tawu unman magpadayaw sa kay kadunungan, dapat ti kurang kay intindi pag tawu pag-ipakakit gid niya kay kalukuhan.

Kabagawan 29:11

Ti kurang kay intindi pag tawu unman makapigil sa kay pangagalit, dapat ti madunung pag tawu makapigil di sa kay sadili.

Manugtudlu 3:7

may udas sa paggisi ag may udas diman sa pagtahi, may udas sa unman mag-ingay ag may udas diman sa pagbagaw,

Talaghusay 14:6

Pinabisug siya Ispiritu Panginuun, ag linuuk niya ti liyun sa panab-anan niya manga kamang ga sa magluuk lang siya anak kambing. Dapat unman niya inda sinabi sa kay manga gurang.

Talaghusay 14:9

Kinmuut siya daykut ag kinaun habang maglakaw. Pagka nakitan niya kay manga gurang, pinakan-an niya sida daykut, ag kinaun diman nida inda. Dapat balaw niya sida sinabihan kuntay bin-ul niya inda sa bilug namatay liyun.

1 Samwil 10:15

Magkun maan kay bapa sa kan Saul, “Hintay kay sinabi ni Samwil sa kanmu?”

1 Samwil 9:20

Nu bay tungkul waydi sa manga asnu nadura nakatlu waya pag sirang, danga yi nimu pag-alalahana, dahil nakitan yi tunda. Dapat taynguna, sabihun niku sa kanmu kawu duy hanggan kanmu ama buu magtal-anakan imaw gid ti pagsarigan manga Israilita.”

1 Samwil 9:27

Pagka sida arani yi sa katugkaan banwa, sinabi ni Samwil sa kan Saul magkun, “Sabihi duy nimu kanmu suruguun, pag-una siya sa kanta.” Nakan inmuna ngani ti suruguun. Bag-u magkun si Samwil, “Danga dap kawu maglakaw, kang ipadnug sa kanmu ti pagsabihun Diyus.”