1 Samwil 1:26 - Hanunuu

²⁶ Magkun si Hana sa kan Ili, “Nu magkaimatun-an duy nimu aku pag babayi, imaw ti matindugan sitaay kaybi magdarangin sa Panginuun.

1 Samwil 1:26 Iomraidhean Croise

Gimpuunan 42:15

Dapat subukan niku kamu nu ungud tutuu kanyu pagsabihun. Pag-isumpa niku sa ngaran hari Ihiptu balaw kamu makaighit sitay ginan tugka sa unman niyu pag-ikuyug ataytag kanyu kap-usan pag patar-ari.

2 Samwil 11:11

Magkun si Uryas, “Ti Kaban Kasunduan Diyus hanggan ti manga sundalu Israil ag Huda ati duy sa manga kampu sa karatagan, ag ati diman kanmi kumandir si Huab hanggan ti manga may kangaranan niya. Maagwanta aw lugud niku muli sa kanmi agud mangaun, manginum ag mangulid sa kang asawa? Pag-itaratu niku sa kanmu balaw niku tunda mabwat!”

2 Samwil 14:19

Nagpaingana ti hari, “Si Huab aw ti nagtudlu inda sa kanmu?” Sinmagut ti babayi, “Unman duy niku kaya magpudil sa kanmu, Mahal Hari. Si Huab ngani duy ti nagsugu sa kangku kuntay inda ti buwata niku ag siya diman ti nagtudlu sa kangku nu hintay kang manga dapat sabihun.

2 Hari 2:2

Magkun si Ilyas sa kan Ilisyu, “Sitay lang kawu, dahil pagpaatihun aku Panginuun sa Bitil.” Dapat magkun si Ilisyu, “Magsumpa aku sa buhi pag Panginuun hanggan sa kanmu, dayu gid duy aku bumulag sa kanmu.” Nakan nag-ati sida sa Bitil.

2 Hari 2:4

Bag-u magkun si Ilyas sa kan Ilisyu, “Sitay lang kawu, dahil pagpaatihun aku Panginuun sa Hiriku.” Nagsagut si Ilisyu, “Magsumpa aku sa buhi pag Panginuun hanggan sa kanmu, dayu gid aku bumulag sa kanmu.” Nakan naglakaw sida atag sa Hiriku.

2 Hari 2:6

Bag-u magkun si Ilyas sa kan Ilisyu, “Sitay lang kawu, dahil pagpaatihun aku Panginuun sa Sapa Hurdan.” Nagsagut si Ilisyu, “Magsumpa aku sa buhi pag Panginuun hanggan sa kanmu, dayu gid duy aku bumulag sa kanmu.” Nakan nagparargu sida duwa sa paglakaw.

2 Hari 4:30

Dapat magsabi kay ina anak sa kan Ilisyu, “Magsumpa aku sa buhi pag Panginuun hanggan sa kanmu, unman gid aku muli nu dayu kawu magkuyug sa kangku.” Nakan linmakaw si Ilisyu kaibahan niya.

1 Krunika 4:10

Nandarangin si Habis sa Diyus Israil, “Papaladan duy nimu aku ag padakaun kang magkasakupan. Ibahi aku ag pakarayuan sa manga kadamhakan hampay balaw aku masaktan.” Ag dinungug Diyus kay paghagadun.

1 Samwil 17:55

Ati katpung pagka nakitan ni Saul si Dabid magpakarani sa kan Gulyat hampay lumaban, pinaingana ni Saul si Abnir imaw ti kumandir manga sundalu, “Kantapu duy pag anak kan-akan tunda?” Sinmagut si Abnir, “Unman niku alam, Mahal Hari.”

1 Samwil 20:3

Dapat magkun si Dabid, “Alam gid nimu ama mayad kanmu magtaratu sa kangku, nakan balaw yi niya pag-ipaalam sa kanmu kay gayak niya pagmatay sa kangku, dahil barang rumuku lang kawu. Dapat pag pihuun niku sa kanmu, hanggan sa atubangan Panginuun buhi, dilikadu kang buhi taynguna.”

1 Samwil 25:26

“Taynguna duy, ipinahintulut Panginuun balaw mitarus kanmu pag ganti hanggan pagmatay. Pag-isumpa niku sa Panginuun buhi hanggan sa kanmu, mana kanmu manga kalaban hanggan ti tanan magkaibug bumalus sa kanmu bumaliw parihu sa nadangatan ni Nabal.