1 Samwil 1:22 - Hanunuu

²² Dapat unman kinmuyug si Hana. Magkun siya sa kay asawa, “Nu bumul-iw yi ti lapsag sa pagsusu sa kangku darahun niku siya sa Turda Taragbuan Panginuun hampay ihandug sa kanya. Ati yi siya pag muli sa buu niya buhi.”

1 Samwil 1:22 Iomraidhean Croise

Kanta 110:4

Nanumpa ti Panginuun, balaw gid mauman kay naisipan, kawu manughandug hanggan aban, parihu sa pagkamanughandug ni Milkisidik.

Kanta 23:6

Pihu gid pumarargu sa kangku kanmu kaayadan hanggan pagmahal habang buhi aku. Ag mangulian aku sa kanmu balay, Panginuun, hanggan aban.

Kanta 27:4

Usa ka bagay kang paghagadun sa Panginuun, inda kang gid pagkaibgan: ti makaulian aku sa kay Balay habang buhi aku, agud makitan niku kay kadayawan, ag hilingun sa kanya giyahan niya aku.

Pag-ighit 21:6

daran-un siya niya amu sa atubangan Diyus. Ag ati sa may sabian ngatay bakalan pag tuhuan niya amu kay tuli, bag-u suruguun yi siya niya amu sa buu niya buhi.

Isayas 9:7

Unman may katapusan kay pagdumara mayad ag may kahusayan. Siya ti mumana kay kaharian ni Dabid. Parig-unun niya inda ag humari ti katadlungan ag ti katuwiran hanggan aban. Siguraduhun Panginuun Makamaskihan matupad inda.

Libitiku 25:23

Balaw mahimu ipabili ti daga sa balaw yi matubus niyu, dahil kangku tunda pag daga; pagpatahanan ag pagpatanmanan lang niku tunda sa kanyu.

Lukas 2:22

Pagka nakalawuy ti manga sirang, nagras-ug ti sirang manhandug si Marya si Husi angay sa Kasuguan ni Muysis hampay ipakilala sida malumpiyu yi. Nakan nag-ati sida sa Hirusalim, ag binaba nida si Hisus hampay ipaatubang siya sa Panginuun.

Diyuturunumiyu 16:16

“Kada timpu, ti tanan niyu lalaki kailangan magluwang sa inda pag tulu ka pista: ti Pista sa Tinapay Unman may Pamadaka, ti Pista Tig-arani, ag ti Pista sa Pagbuwat manga Payag. Ti kada usa sa kanda pag-atag sa atubangan Panginuun niyu Diyus ati sa rugar kay piliun, ag kailangan magdara sida manga handug sa Panginuun sa kanda makayahan, angay sa ipinakaun pag papalad Panginuun niyu Diyus sa kanda.

Huswi 4:7

tultulan niyu sida kuntay inmapas kay magbulus ti Sapa Hurdan pagka idinipay ti Kaban Kasunduan Panginuun. Inda pag batu usa ka alaala para sa nasakupan Israil tugka aban.”

1 Samwil 1:11

Nantaratu si Hana sa Panginuun magkun, “Panginuun Makamaskihan, bantayi duy nimu kang kakurian. Alalahana duy nimu aku kanmu suruguun ag danga pagkalimti. Nu pakan-an nimu aku usa ka anak lalaki, ihandug niku siya sa kanmu hampay sumirbi siya sa kanmu sa buu niya buhi. Ag balaw niku ipauguy kay buhuk, bilang tanda sa kay pagsirbi sa kanmu.”

1 Samwil 1:28

Nakan taynguna ihandug niku siya sa Panginuun. Manirbi siya sa Panginuun sa buu niya buhi.” Bag-u nagsamba sida sa Panginuun.

1 Samwil 13:13

Sinabi ni Samwil sa kan Saul magkun, “Balaw mayad kanmu binwat! Unman inisip nimu mayad sa kanmu sadili nakan ngani kawu sinmalan. Unman nimu tinupad ti pagsabihun Panginuun nimu Diyus sa kanmu. Nu abi kawu nagsunud lang mana, parig-unun di Panginuun kanmu maghari sa Israil hanggan kanmu manga lahi hanggan waya aban.

1 Samwil 2:11

Siyun ginan, nuli si Ilkana hanggan kay magtal-anakan atabug sa Rama. Dapat si Samwil kay di tinayakan hampay mansirbi sa Panginuun sa karampatan ni Ili, imaw ti manughandug Balay Diyus.

1 Samwil 2:18

Taynguna, si Samwil pag anak parargu magsirbi sa Panginuun. May sulung siya ipud human sa linu.

1 Samwil 28:2

Magkun si Dabid, “Mayad duy! Taynguna makitan nimu nu hintay kang mabwat, kanmu suruguun.” Sinmagut si Akis, “Mayad gid! Buwatun niku kawu kang alalay hanggan aban.”

1 Samwil 3:1

Ati katpung magsirbi si Samwil sa Panginuun sa karampatan ni Ili, balaw yi pirmi maghampang ti Panginuun ag pira wadi ti manga pangakakitun.