1 Samwil 1:21 - Hanunuu

²¹ Rinmas-ug maan ti udas si Ilkana hanggan kay buu magtal-anakan manhandug sa Panginuun ga kaybi diman ga kanda pagbuwatun kada timpu. Inda diman ti udas manhandug siya bilang pagtupad sa kay taratu sa Panginuun.

1 Samwil 1:21 Iomraidhean Croise

Gimpuunan 18:19

Pinili niku siya hampay ipatupad niya sa kay manga anak hanggan sa kay manga linahi kang manga palakaw, hampay bumuwat sida hustu ag matadlung. Sa panab-anan inda, matupad kang itinaratu sa kanya.”

Kanta 101:2

Mangabuhi aku unman may ikasabi. Kapira kawu pag pumakarani sa kangku? Mangabuhi aku unman may ikasabi sa kang pag ulian,

Diyuturunumiyu 12:11

Bag-u darahun niyu kanyu manga handug ati sa piliun Panginuun niyu Diyus pag rugar nu naan pag dayawun siya. Inda pag manga handug ti pag-isugu niku sa kanyu: manga handug pagsunugun ag iba waya pag manga handug, hanggan kanyu ikasampulu, ag ti ipinablag pag manga pakaun, hanggan ti tanan pag pinakamayad pag handug kanyu itinaratu sa Panginuun.

Diyuturunumiyu 12:6

Ati niyu pag darahun kanyu manga handug pagsunugun ag iba waya pag manga handug, ti manga ikasampulu niyu, ti manga ipinablag niyu pag pamakaun, ti manga itinaratu niyu ihandug, ti buluntad niyu pag manga handug, hanggan ti panganay niyu pag manga hayup.

Huswi 24:15

Dapat nu dayu kamu manirbi sa Panginuun, mamili kamu taynguna pag sirang nu si unu kanyu sirbihan. Manirbi aw lugud kamu sa manga diyus pag sirbihan niyu manga ginurang sa baliw dipay Sapa Iyupratis, ngatay sa manga diyus manga Amuriyu kanda daga taynguna kanyu pag-ulian. Dapat aku inda hanggan kang magtal-anakan mansirbi sa Panginuun.”

1 Samwil 1:3

Kada timpu mag-atag si Ilkana hanggan kay magtal-anakan sa Silu hampay mansamba ag manhandug sa Panginuun Makamaskihan. Ti duwa ka anak ni Ili sida ni Hupni ni Piniis imaw ti manga manughandug Panginuun ati sa Silu.

1 Samwil 2:19

Timpu-timpu pagtahian ni Hana pamababaw pag rutay si Samwil, bag-u pagdarahun niya inda sa kan Samwil sa kada maghandug sida mag-asawa kanda tinimpu pag handug.