1 Samwil 1:20 - Hanunuu

²⁰ Rinmas-ug ti panahun namuduy si Hana, nanganak usa ka lalaki. Iningarnan niya inda Samwil, dahil magkun siya, “Hinagad niku siya sa Panginuun.”

1 Samwil 1:20 Iomraidhean Croise

Gimpuunan 16:11

Magkun waya ti anghil sa kanya, “Magbuduy yi kawu ag balaw dumugay manganak kawu lalaki. Paingarnan nimu siya Ismail, dahil pinatingihan Panginuun kanmu paghagadun.

Gimpuunan 30:22

Unman diman kinalimtan Diyus si Rakil. Dinungug niya kay darangin magkaanak siya hanggan.

Gimpuunan 4:25

Nag-ulid maan si Adam sa kan Iba, ag nanganak si Iba usa ka lalaki. Magkun siya, “Pinakan-an maan aku Diyus anak lalaki bilang ilis sa kan Abil, ti minatay ni Kain, nakan ingarnan niku siya Sit.”

Gimpuunan 5:29

Magkun siya, “Inda kang anak makaawat sa kanta sa manga kakurian nita sa magtarabahu sa sinaadan Panginuun pag daga, nakan ingarnan niku siya Nuwi.”

1 Krunika 4:10

Nandarangin si Habis sa Diyus Israil, “Papaladan duy nimu aku ag padakaun kang magkasakupan. Ibahi aku ag pakarayuan sa manga kadamhakan hampay balaw aku masaktan.” Ag dinungug Diyus kay paghagadun.

Kanta 120:1

Sa kang kakurian, nagdangup aku sa Panginuun ag sinagut niya aku.

Pag-ighit 2:10

Pagka udyi magsusu ti anak, dinara siya niya ina sa anak babayi hari Ihiptu, ag inaku anak babayi hari Ihiptu ti anak ga kay sadili anak. Nakan pinaingarnan anak babayi hari Ihiptu ti anak Muysis, dahil magkun siya, “Bin-ul niku siya ginan sa danum.”

Pag-ighit 2:22

Si Sipura namuduy ag nanganak usa ka lalaki. Pinaingarnan ni Muysis Girsum, dahil magkun siya, “Day-uhan aku sa inda pag daga.”

Matiyu 1:21

Siya manganak anak lalaki aban. Kay ngaran kanmu ipaingaran si Hisus. Dahil iribri niya kay nasyun sa kanda manga kasalanan.”

Hibriyu 11:32

Kabitay waya pag masabi niku, dahil udyi aku may rugar tumultul waya tungkul sa kan Gidyun, sa kan Barak, sa kan Samsun, sa kan Hipti, ag sa kan Dabid, sa kan Samwil hanggan sa manga purupita.