1 Samwil 1:15 - Hanunuu

¹⁵ Sinmagut si Hana, “Balaw duy aku langu, unman aku nakainum una hintay pag kalasi intus. Pag-iampu lang niku sa Panginuun kang mag-asaydan kakurian.

1 Samwil 1:15 Iomraidhean Croise

Hub 30:16

Ag kainda ga mamatay yi aku; unman may apas kang pag-agwanta.

Kanta 143:6

Ipinaabwat niku kang manga kamang sa kanmu sa kang magdarangin; magkauwaw aku sa kanmu parihu sa mamara pag daga magkauwaw sa danum.

Kanta 42:4

Mag-alangan kang buut nu magkaimatun-an niku kaybi pagpangunahan niku ti mayamu pag manga tawu atag sa kanmu Balay. ag magdaus kami may huruyawan sa kabayaan ag pagpasalamat sa kanmu.

Kanta 62:8

Kamu pag manga nasakupan Diyus, pagsarig kamu sa kanya sa tanan pag udas! Tultulan sa kanya ti tanan niyu kaaburiduhan dahil siya ti mag-alaga sa kanta.

Kanta 62:9

Ti manga tawu, kilala man ngatay unman, balaw masarigan. Parihu lang sida unman may pulus; magaan waya sida sa durus.

Kabagawan 14:10

Ti kada tawu lang ti may alam nu kabitay siya kasulung ngatay karuku.

Kabagawan 15:1

Ti maalumanay pag sagut makabuul galit, dapat ti masakit pag bagaw lalu ngap ikagalit.

Kabagawan 25:15

Ti marapasunaid ag ti maalumanay magbagaw makapabaya sa manga takinan ag una sa manga maganit kay tagipusuun.

Karukuan 2:19

Pagbangun kamu sa yabi ag paghagad awat sa Panginuun. Ipadnug ti tanan niyu kabuyatan sa kanya, ga sa magbulus kamu danum. Ipaabwat kanyu manga kamang sa darangin para sa buhi niyu manga anak magkalipung sa lun-us sa manga karsada.

1 Samwil 1:16

Danga duy nimu pag-isipa daut aku pag babayi. Magdarangin duy aku sitaay dahil sa subra niku pag karukuan.”

1 Samwil 7:6

Pagka sida nagtipun yi ngani sa Mispa, nanaas sida danum bag-u kanda ibinuhus sa atubangan Panginuun. Balaw sida naghandum karan-unun ati katpung pag sirang, inaku nida kanda kasalanan magkun, “Kami nagkasala laban sa Panginuun.” Pinanguluhan ni Samwil ti manga Israilita ati sa Mispa.