1 Pidru 5:8 - Hanunuu

⁸ Pagmapininsarun kamu, pag-aman. Si Satanas ngani kanyu kalaban parihu sa liyun kay mag-ungal, magpalibut-libut maghanap kay siribaun.

1 Pidru 5:8 Iomraidhean Croise

Istir 7:6

Sinmagut si Istir, “Ti maglaban sa kanmi ag kanmi kalaban si Haman yi ngani, daut gid.” Magkadala yi gid masyadu si Haman sa atubangan hari ag ni rayna.

Hub 2:2

Magkun ti Panginuun sa kan Satanas, “Naan ginan kawu?” Sinmagut si Satanas, “Mapalibutan sa buu kalibutan.”

Kanta 104:21

Mag-ngurub ti manga liyun habang magligaw kanda karan-unun ipinakaun nimu sa kanda.

Kanta 109:6

Magkumun sida, “Manhanap kita daut pag tawu kumalaban ag mandimanda sa kanya sa hurusayan.

Kabagawan 19:12

Ti pangagalit hari parihu sa ngurub liyun, dapat kay kaayadan parihu sa tun-ug magpakaun danum sa manga halaman.

Kabagawan 20:2

Nu magkaisug ti hari parihu siya sa mag-ngurub liyun. Nakan nu galitun nimu siya, matyun gid niya kawu.

Kabagawan 28:15

Ti daut pag tawu magpanguna sa manga pugri bilang wadi mag-ngurub liyun ngatay usu maghanap kay turukbun.

Isayas 50:8

Arani sa kangku ti Diyus magpatutuu kuntay unman aku may kasalanan. Malu, si unu ti pumanghas manhabla sa kangku? Pagluwang siya, saranguha aku!

Hirimyas 2:15

Kay manga kalaban ga manga liyun mag-ngurub sa kanya. Dinaut nida kay daga, inirub kay manga banwa ag balaw yi inda pag-ulian.

Hirimyas 51:38

Ti manga taga Babilunya man-ngurub ga manga liyun.

Isikil 19:7

Pinandaut niya ti matibay pag manga rugar manga kalaban ag ipinadamhak kanda manga banwa. Magkadala ti manga mag-ulian siyun nu mag-adnugan nida kay mag-ngurub.

Isikil 22:25

Kanda manga takinan maggayak daut. Parihu sida sa mag-ngurub liyun magduksul sa kay bulay. Magpanmatay sida manga tawu, magbuul kayamanan hanggan mahalaga pag manga bagay, bag-u mayamu pag manga babayi ti nabalu dahil sa kanda pagpanmatay.

Danyil 6:24

Nakan nagsugu ti hari kuntay ti tanan nagbangdan sa kan Danyil yamtan sa may liyun kali hanggan kanda manga asawa ag manga anak. Udwaya sida mag-idna sa sirung dinuksulan yi sida manga liyun ag pinanwayak.

Husyas 11:10

“Sumunud kamu sa kangku sa udas man-ngurub aku, ti Panginuun, ga liyun. Pihu gid man-ngurub aku, ag mandaldali kamu muli ginan sa isalpan.

Huwil 3:16

Man-ngurub ga liyun ti Panginuun ginan sa Siun; mangurarug kay busis ginan sa Hirusalim. Nakan matandug ti daga hanggan ti langit. Dapat ti Panginuun ti mapag-un pag darangpan manga Israilita, kay nasakupan.

Amus 1:2

Magkun si Amus, “Mag-ngurub ti Panginuun ginan sa Siun; kay busis magkurarug ginan sa Hirusalim. Dahil siyun nagkaralayung ti manga paraharaban manga manug-alaga karanidu hanggan ti manga halaman sa katayungtungan Bantud Karmilu.”

Amus 3:4

Mag-ngurub aw nguna ti liyun sa katalunan nu unman siya may turukbun? Man-ngurub aw siya sa kay paratag-an nu unman siya may nablay?

Amus 3:8

Si unu lugud ti balaw magkadala nu mag-ngurub yi ti liyun? Si unu lugud ti unman makatultul bagaw Panginuun Diyus nu ti Panginuun Diyus yi ti magbagaw sa kanya?

Sakaryas 11:3

Maglumi ti manga manug-alaga karanidu dahil nagkaradaut kanda malangba pag manga paraharaban. Mag-ngurub ti manga liyun dahil nadaut ti katalunan Hurdan kanda pag-ulian.

Sakaryas 3:1

Ipinakakit sa kangku Panginuun ti pangulu manughandug si Huswi matindugan sa atubangan anghil Panginuun. Matindugan sa kay sikun baliwa si Satanas hampay bangdanan siya.

Matiyu 13:39

Tunda ngani pag kalaban ti nagsabug manga ilamnun imaw yi ti diyablu. Ti udas tig-arani imaw yi ti katapusan kalibutan. Ti manga anghil ti umani.

Matiyu 24:42

Nakan pag daan kamu alistu, dahil unman niyu alam ti sirang ngatay udas pagras-ug niyu Panginuun.

Matiyu 25:41

“Kumumun maan ti Hari sa manga tawu sa wala baliwa, ‘Pagpakarayu kamu sa kangku ginan, kamu ti manga sinaadan, pag-ati kamu sa apuy unman magkapsa inalistu para sa diyablu hanggan sa kay manga anghil.

Matiyu 4:1

Bag-u dinara Ispiritu Banal si Hisus atabug sa pangawakawaan hampay tuksuhun siya diyablu.

Matiyu 4:11

Bag-u tinayakan diyablu si Hisus bag-u nagras-ug ti manga anghil kanda inalagaan siya.

Markus 4:15

Tunda yi ngani manga sa saruy dalan imaw ti manga manugpatingi. Pagka ipinamgas ti Bagaw sa kanda manga tagipusuun ag kanda napatingihan, kadaka nagras-ug si Satanas, pagpalimutun niya ti Bagaw Diyus ipinamgas sa kanda manga tagipusuun.

Lukas 21:34

“Dapat pag-aman kamu barang magumun kamu sa kasulungan hanggan sa maglangu ngatay sa subra pag irisipun tungkul sa kanyu kahamtangan sitay sa babaw daga. Barang bigla rumas-ug sa kanyu tunda pag kaudasan ga suduk kamu unman alistu.

Lukas 21:36

Pagmaimatahan gid kamu. Pagdarangin pirmi hampay una kamu lumakaw sa tunda pag kakurian, lumapus di kamu ag makatindug sa atubangan niku, sa Anak Tawu.”

Lukas 22:31

Sinabi ni Hisus, “Malu duy Simun, hinagad kamu ni Satanas sa Diyus hampay subukan niya kamu taphun ga paray ipayag kay upa.

Huwan 8:44

Parihu kamu sa kanyu ama, sa diyablu. Gustu diman niyu buwatun ti kagustuhan niyu ama. Kaybi ginan waya sa kabag-u usa ka manlilibun tawu tunda. Unman gid siya magpakampi baliwa sa katutuuhanan dahil unman may makitan katutuuhanan sa kanya. Nu magbagaw siya kapudilan, tida kay yi gid ugali. Dahil tutuu gid pudilun siya. Sa kanya ngap ginan ti gimpuunan kapudilan.

2 Kurintu 2:11

Hampay kita dayu madaya ni Satanas. Alam di waydi ngap nita kay turunu.

Ipisu 4:27

Ag danga pagpakan-i niyu rugar ti diyablu.

Ipisu 6:11

Isulung niyu ti panangga kay ipinakaun Diyus sa kanyu, hampay may panlaban kamu sa kay manga paraan diyablu.

1 Timutiyu 2:15

Dapat ingatan di Panginuun ti manga babayi sa kanda katpung magpanganak, nu magpakumbaba sida kay ugali sa pagsarig, sa pagmahal ag sa lubus magpasakup sa Panginuun.

1 Timutiyu 2:9

Katunda diman kang gustu ti manga babayi danga magsulung mayamu kalasi pag parinu, danga may padayaw-dayaw, danga masyadu malus-ay ti buhuk, danga magbisti mayamu bulawan masinglaw.

1 Timutiyu 3:11

Kailangan hanggan kanda manga asawa mabuut, danga sida magkutsu-kutsu. Kailangan sida manga mayad gid, matinupadun sa tanan bagay.

1 Timutiyu 3:2

Ti manug-asiwa sa iglisya kailangan unman may masabi sa kanya, usa lang kay asawa, madahan, madunung waydi magtiis sa kay sadili, maginalangun, marapasaka sa bag-u ras-ug ag mayad siya magtudlu.

2 Timutiyu 4:17

Dapat balaw aku pinabay-anan Panginuun. Pinakan-an aku kabisugan hampay lubus mipaliwanag niku ti Mayad pag Barita sa tanan manga balaw Hudiyu. Naribri di aku madi kanda mana ibahug sa manga liyun.

Titu 1:8

ag balaw waydi mag-irang kay balay. Kailangan siya maraibgun sa mayad, mapinigilun sa kay sadili, matinupadun sa kay kaparihu tawu, masurundun sa Diyus, mapinasunaidun sa kay sadili.

Titu 2:12

Inda pag pangaawa ti magbutung sa kanta hampay tayakan ti daut pag ugali hanggan ti irisipun makasadili angay sa ugali kalibutan. Bag-u makaugali kita mahusay, matadlung ag angay sa kagustuhan Diyus sitay sa kalibutan.

Titu 2:2

Pagkumun kawu sa manga gurangun pag lalaki, pagmapinigilun sida, pagmahusay, pagmaalumanay kanda manga pag-iisip. Pag-ugali sida sa maayus angay sa kanda pagsarig, pag mapagmahal sida, pagmatiniisun.

Titu 2:4

Kailangan kanda tudluan ti manga babayi udwaya may idad dugay hampay sida magmahal sa kanda asawa hanggan sa kanda manga anak.

Titu 2:6

Paanyui waydi nimu ti manga lalaki udwaya may idad dugay. Pagmapinigilun sida sa kanda sadili.

Santiyagu 4:7

Nakan ngani pagpasakup kamu sa Diyus. Labani niyu ti diyablu, bag-u pumakarayu yi siya ginan sa kanyu.

1 Pidru 1:13

Nakan ngani ialistu niyu kanyu naisipan. Pagmapinigilun kamu. Ilubus niyu kanyu pagsarig sa kay itinaratu Diyus pag kaayadan kanyu patabgan nu makitan yi aban si Hisu-Kiristu.

1 Pidru 4:7

Arani yi ti katapusan tanan manga bagay, nakan pag-isip kaayad nu hintay ti dapat niyu buwatun hampay mayad kanyu magdarangin.

Ipinakakit 12:10

Bag-u nadnugan niku may magbagaw daka sa langit magkun, “Taynguna niburayhaw yi kay pagribri nita Diyus sa manga tawu, hanggan kay kapangyarihan hanggan kay maghari. Niburayhaw yi waydi ti karampatan niya Pinili Manugribri pag Hari. Dahil iyinmut yi ginan sa langit ti manugsumbung, imaw tigpakasumbung sirang yabi sa kanta manga patar-ari sa atubangan nita Diyus.

Ipinakakit 12:12

Nakan kawu duy pag langit pagbaya, hanggan ti tanan mag-uli asan sa langit pagbaya. Dapat ay kamu pag daga hanggan dagat, mahigpit pag kakurian kanyu malakawan. Dahil masyadu pag galit ti idugsak diyablu sa kanyu. Alam yi niya diit wadi pag udas ti kay magkasawad.”

Ipinakakit 12:9

Ti laun pag daragun imaw yi ti pagkumnun gurangun pag ulay, kay ngaran diyablu, imaw ti pagkumnun si Satanas, imaw tigdaya sa bilug kalibutan. Ayinmut siya atag sa daga hanggan kay manga kakampi pag manga anghil ayinmut waydi.

Ipinakakit 20:10

Bag-u ti diyablu ti nagdaya sa kanda iyinmut tag sa malabdaban danaw apuy asupri. Ati diman pag iyinmut ti hayup malangas hanggan ti pudilun pag purupita. Mirinsan sida pakurian sirang yabi hanggan waya aban unman may katapusan.

Ipinakakit 20:2

Dinuksulan niya ti daragun, imaw ti gurangun pag ulay, siya diman hanggan ti pagkumnun diyablu, kay usa ka ngaran si Satanas. Ginapus siya anghil sa sulud usa ka libu ka timpu.

Talaghusay 14:5

Nag-atag si Samsun sa Timna kaibahan kay manga gurang. Pagka atag si Samsun sa manga taranuman ubas sa Timna, kadaka siya sinulang usa ka anak liyun mag-ngurub.