1 Pidru 5:7 - Hanunuu

⁷ Intirgahan niyu sa Diyus ti tanan kakurian niyu, dahil siya madunung mag-alaga sa kanyu.

1 Pidru 5:7 Iomraidhean Croise

Kanta 34:15

Pagbantayan Panginuun ti manga matadlung, ag pagpatingihan niya kanda magtawag.

Kanta 37:5

Pakan-an sa Panginuun ti buu buhi nimu; pagsarig kawu sa kanya ag awatan niya kawu.

Kanta 40:17

Nu tungkul sa kangku, makuri ag pugri aku. Mana alalahanun nimu aku, Panginuun. Kawu kang manug-awat ag manugribri. Diyus niku, awati aku rargu.

Kanta 55:22

Katiwalaan sa Panginuun kanmu manga kaaburiduhan, dahil alagaan niya kawu. Balaw niya pabay-anan maunu magkatalinduwa ti manga matadlung tugka aban.

Kabagawan 16:3

Intirgahan sa Panginuun ti tanan nimu pagbuwatun, ag manalu kawu sa tanan nimu gayakun.

Matiyu 6:27

Si unu lugud sa kanyu makapaaba kanyu buhi una ngalay lang sa panab-anan arimputu naisipan?

Matiyu 6:28

“Hayga kamu magkaarimputu tungkul sa kanyu manga rutay? Isipa dapu nu kabitay ti ilamnun magbusang sa padang. Unman sida magtarabahu, unman waydi maghabul.

Matiyu 6:31

Nakan danga kamu magkaarimputu sa kanyu kan-un, sa kanyu danum una sa kanyu panrutay.

Markus 4:38

Si Hisus bay maturugan di sa duunduun sa ulin baliwa, sa kay sangdayan di kay ulu. Bag-u pinulaw nida siya magkun, “Maisturu, unman aw may daut sa kanmu nu mabagbag kita?”

Lukas 12:22

Sinabi ni Hisus sa kay manga tuludluan magkun, “Nakan ngani magkun aku sa kanyu, danga kamu magkaaburidu sa kanyu pangabuhi nu hintay kanyu kan-un, una sa kanyu bilug nu hintay kanyu irutay.

Lukas 12:26

Una diit lang pag bagay nu dayu mabuwat niyu, hayga lugud aburidu kamu sa manga iba bagay?

Huwan 10:13

Ti inupahan magpalagiw dahil magpakiupa lang waydi siya, unman pagpahalgaan niya ti manga karanidu.

Pilipus 4:6

Danga kamu magkaarimputu sa una hintay pag bagay. Bagkus ngap pagdarangin kamu paghagad sa Diyus kanyu kailangan pag may pasalamat diman.

1 Samwil 30:6

Nag-amat di gid ti kakurian ni Dabid dahil magkadaut sa kanya kay manga tawuhan dahil sa pagkabihag nida manga anak, ag naggayak sida bumintuk sa kanya. Dapat pinabaskug siya Panginuun niya Diyus.