1 Pidru 5:5 - Hanunuu

⁵ Kamu duy pag manga udwaya masyadu kanyu idad, kailangan pagpasakup kamu sa manga manug-asiwa iglisya. Pagparasakpan kamu tanan magsirirbihan kamu sa usa kag sa usa. Angay sa isinurat sa Banal Kasuratan magkun, “Ti Diyus lumaban sa mayabang-yabang, dapat pakan-an niya kaayadan ti mapinakumbabaun kay naisipan.”

1 Pidru 5:5 Iomraidhean Croise

2 Krunika 6:41

“Taynguna, Panginuun Diyus, pag-atag yi duy kawu sa kanmu Balay, sa rugar nimu paraharyan, nu naan pag maulian ti Kaban Kasunduan, tanda sa kanmu kamaskihan. Mana malakawan nimu manga manughandug kanmu pagribri sa kanda. Mana makabaya kanmu matinupadun pag manga nasakupan sa kanmu kaayadan.

Hub 22:29

Nu may imaw tawu magpanlumuy, ag nu idarangin nimu siya sa Diyus kuntay pabisuga siya, awatan niya tunda pag tawu.

Hub 29:14

Pagbuwatun niku pirmi ti matadlung ag kang-ud; ga rutay hanggan pantaung inda kang pag-isulung.

Kanta 132:16

Pirmi niku iribri kay manga manughandug Balay Diyus, ag kay matinupadun pag manga nasakupan manganta pirmi sa kabayaan.

Kanta 132:9

Mana mangabuhi pirmi may matadlung kanmu manga manughandug ag manganta sa kabayaan kanmu tapat pag nasakupan.

Kanta 138:6

Panginuun, una labaw kawu sa tanan, magpasunaid kawu sa manga makuri kay kahamtangan; dapat magpakarayu kawu sa manga tawu marapadayaw-dayaw.

Kabagawan 25:7

Mayad nu ti hari ti magsabi pagtukaw kawu siyun kaysa sabihan kawu niya danga siyun, ag mangay-a kawu sa atubangan paggalangun pag manga tawu.

Kabagawan 3:34

Pagpuyaan niya ti magpuya, dapat pagkaawaan niya ti mapinakumbabaun.

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Isayas 61:10

Magbaya aku sa kang Panginuun Diyus, dahil aku ga kay pinasulungan karibrihan hanggan kapanaluhan. Parihu aku sa lalaki ikasal may sulung rutay marinu panmanughandug, ngatay parihu sa babayi ikasal may pamarinu.

Isayas 66:2

Unman aw aku ti nagbuwat sa tanan bagay. Aku ti Panginuun ti magsabi inda. “Pagpahalgaan niku ti manga tawu mapinakumbabaun, marapatawad, ag magkadala sa kang manga bagaw.

Isikil 26:16

Ti manga takinan manga rugar arani sa dagat dumugsun sa kanda tukawan hari bag-u man uba kanda panrutayun hari hanggan kanda pansulud pag rutay marinu. Ag manukawan sida sa daga, pagtakigan sa kadalaan dahil sa kanyu nadangtan.

Danyil 11:12

Sa kay pagpanalu, manpayabang siya ag mayamu waya gid kay panmatyun, dapat unman dumugay kay pagkamarapanalu.

Libitiku 19:32

Galanga niyu ti manga gurangun, galanga diman niyu aku kanyu Diyus. Aku ti Panginuun.

Lukas 22:26

Dapat nu sa kanyu balaw katida. Bagkus ngap ti lalu mataas sa kanyu kailangan lalu magpakumbaba. Ti pinunu kailangan parihu sa manugsirbi.

Ruma 12:10

Pagmalahalan kamu ga suud magtar-ari. Nu kabitay ti manga iba kanda pagpahalaga sa kanyu, paglalu waya daka kanyu magpahalga sa kanda.

Ruma 13:14

Ipasakup niyu kanyu sadili sa Panginuun Hisu-Kiristu hampay siya ti humari sa kanyu buhi ag danga pakan-an rugar ti sadili naisipan hampay dayu pasibut-an lang ti sadili kagustuhan.

Ipisu 5:21

Pagparasakupan kamu sa usa kag sa usa, tanda sa kanyu paggalang sa kan Kiristu.

Pilipus 2:3

Danga makasadili lang kanyu turunu gayak, danga sa ikadayaw lang sa kanyu sadili. Bagkus ngap lubus pagparakumbabaan kamu sa usa kag sa usa, isipa niyu ti manga iba lalu mayad man sa kanyu sadili bilug.

Kulusas 3:12

Kamu manga sakup sa Diyus, kay pinili niya kamu, kay yi gid pagmahalun. Nakan ngani kailangan kamu pagmaawaun, pagmayad kanyu nabubut-un, pagmapinakumbabaun, pagmabuut hanggan matiniisun.

1 Timutiyu 5:1

Danga nimu pagkaransaha sa hampang ti manga lalaki gurangun man sa kanmu. Hampangun nimu sida may galang parihu sa kanmu maggalang sa kanmu ama. Isipa nimu pinagkapatar-ari ti manga kalay-awan lalaki.

Hibriyu 13:17

Pagsunud kamu ag pagpasakup sa kanyu manga manug-asiwa iglisya, dahil sida ti may panagutan sa atubangan Diyus tungkul sa kanyu. Mag-alaga sida sa kanyu, dahil sida may panagutan sa atubangan Diyus tungkul sa kanyu. Nu kanyu sundun sida, masulung sida sa kanda magtupad sa buruwatun. Dapat nu unman, manruku sida ag balaw inda ikamayad niyu.

Santiyagu 4:6

Dapat masyadu diman marig-un kay awat Diyus sa kanta. Dahil magkun ti Banal Kasuratan, “Ti Diyus lumaban sa manga mayabang, dapat mag-awat sa manga mapinakumbabaun.”

1 Pidru 3:8

Inda waya kang sabi sa kanyu tanan, pag may pagkarausa kamu, pagparasunaidan kamu, pagmalahalan kamu sa usa kag sa usa kamu manga magtar-arian. Pagmatugway kamu pagmapinakumbabaun kanyu naisipan.

1 Pidru 4:1

Nag-agwanta si Kiristu sa kakurian sa kay buhi sitay sa babaw daga, nakan ngani una kamu pag-alistu sa kanyu naisipan hampay mag-agwanta waydi. Dahil ti tawu nu mag-agwanta sa kakurian sa kay buhi sitay sa babaw daga, napatlikud yi siya ginan sa kasalanan.

1 Pidru 4:5

Dapat may kapanagutan sida sa Diyus. Handa yi sumintinsiya ti Diyus una sa manga buhi waya una sa manga namatay yi.