1 Pidru 5:3 - Hanunuu

³ Danga waydi kamu ga usa ka amu niyu manga nasakupan. Lalu ngap kailangan kamu ti mayad pag mustara sa manada niyu.

1 Pidru 5:3 Iomraidhean Croise

Kanta 33:12

Mapalad ti nasyun kay Diyus imaw ti Panginuun. Mapalad ti pinili Panginuun bumaliw kanya pag nasakupan.

Kanta 74:2

Diyus, alalahana kanmu nasakupan pinili nimu sa kabag-u bumaliw kanmu ag irinibri nimu hampay kanmu apuun. Alalahana ti Bantud Siun kanmu ulian.

Isikil 34:4

Unman niyu pagpabaskugun ti manga malumuy sa kanda. Unman niyu pagbulungun ti manga may sakit ngatay pagbugkusan ti manga may bari. Unman niyu paghanapun ti manga nagtalang ngatay ti manga nadura. Bagkus ngap, inunu-unu waya niyu sida.

Mikas 7:14

Magdarangin ti manga Israilita magkun, “Panginuun, bantayan nimu kami kanmu manga nasakupan parihu sa magbantay manug-alaga sa kay manga karanidu. Ti manga daga sa kanmi palibut may marinu pag pasturan, dapat kami magkabuhi sa pangawakawaan kami-kami lang. Padakaa maan nimu kanmi magkaakupahan daga tugka sa Basan ag sa Gilyad parihu ga kaybi.

Bilang 18:7

Dapat kawu lang hanggan kanmu manga anak ti makasirbi bilang manga manughandug. Kamu lang ti makabuwat manga buruwatun may kalabutan sa harandugan ag sa Pinakabanal pag Sulud-sulud. Pakaun niku sa kanyu ti pagkamanughandug niyu. Una si unu ti bumuwat inda balaw manughandug kailangan matyun.”

Huwan 13:15

Dahil kamu kang pinakakitan usa ka mustara hampay kanyu buwatun sa usa kag sa usa parihu diman ga kang binwat sa kanyu taynguna.

Binwat 20:28

Ingatan duy niyu kanyu sadili hanggan ti iglisya dahil sida iinintirga Ispiritu Banal sa kanyu. Pangalagaan niyu ti iglisya Diyus kay sinakup niya pagka ibinuhus ti dugu niya Anak sa kay kamatayan.

1 Kurintu 11:11

Katunda diman dahil sa kanta pakiusa sa Panginuun ti babayi may kailangan kaawat lalaki ag ti lalaki may kailangan kaawat babayi.

1 Kurintu 3:5

Hintay nguna si Apulus, hintay nguna si Pablu? Kami parihu diman suruguun lang Diyus. Dahil sa kanmi tudlu kamu nagsarig sa kan Kiristu. Parihu kami magtupad sa buruwatun kay inintirga Panginuun sa kanmi.

1 Kurintu 3:9

Dahil kami hanggan ti Diyus minsan sa buruwatun. Ag kamu ti ga tanman Diyus. Kamu ti pagbalayun Diyus.

2 Kurintu 1:24

Balaw duy kanmi gustu kamu giyahan waya nimi sa kanyu pagsarig, dahil marig-un yi waydi kamu sa kanyu pagsarig. Magkaibug kami umawat hampay masulung kamu sa kanyu buhi sa kan Kiristu.

2 Kurintu 4:5

Si Hisu-Kiristu kanta Panginuun ti kanmi pag-itudlu, balaw kanmi sadili. Kami kanyu manga panawuhun dahil ngani sa kan Hisus.

Diyuturunumiyu 32:9

Dahil pinili Panginuun ti manga linahi ni Hakub bilang kay manga nasakupan.

Pilipus 3:17

Manga patar-ari, kamu tanan-tanan paghuwad sa kangku. Bantayan niyu ti manga magtupad sa kanmi mustara sa kanyu.

Pilipus 4:9

Tupada niyu una hintay kang itinudlu ag ipinadakit sa kanyu. Sunda gid niyu ti kanyu nadnugan ag nakitan sa kangku. Nu katunda kamu, mangulian sa kanyu ti Diyus ti gimpuunan nita kahusayan.

1 Tisalunika 1:7

Nakan kamu yi ti mustara sa manga patar-ari ati sa daga Masidunya hanggan Akaya.

2 Tisalunika 3:9

Nu sa ungud mana kami may karampatan mag-asa sa kanyu awat dapat ay kami nagtarabahu di hampay kamu pakan-an mustara kailangan niyu sundan.

1 Timutiyu 4:12

Danga pasnuan nimu nu magpuya diman sida sa kanmu dahil anak waya kawu baliwa. Bagkus pagpakasipag kawu hampay kawu ti mustara sa manga magsarig sa kan Kiristu, sa kanmu pamagawan, sa kanmu ugali, sa kanmu pagmahal, sa kanmu pagsarig hanggan sa kanmu unman may huput daut una di.

Titu 2:7

Sa tanan nimu buruwatun pag may makitan sida marinu pag mustara. Pagmatinupadun kawu sa kanmu magtudlu, danga isipun manga iba kuntay hakut lang ti kanmu pagsabihun.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.