1 Pidru 5:14 - Hanunuu

¹⁴ Kamu manga magtar-arian sa kan Kiristu, pagparaingan-an kamu pag may pagmahal sa usa kag sa usa. Ti kahusayan pagsa kanyu yi gid tanan, sa manga napasakup sa kan Kiristu.

1 Pidru 5:14 Iomraidhean Croise

Matiyu 5:47

Nu ti magtar-arian lang tigparaingan-an, hintay ti nabuwat niyu balaw lang ga iba? Una ti manga unman magsarig sa Diyus magbuwat diman katida.

Huwan 14:27

“Kahusayan kang ipatayak sa kanyu. Kang kahusayan kang diman gid ipakaun sa kanyu. Kang magpakaun kahusayan sa kanyu balaw parihu sa paraan kalibutan. Danga kamu magkaaburidu sa kanyu tagipusuun ag danga kamu magkadala.

Huwan 16:33

Itinultul niku inda tanan-tanan sa kanyu, hampay may kahusayan kanyu naisipan dahil sa kanyu magpakiusa sa kangku. Sitay sa babaw daga may malakawan kamu kakurian. Dapat pagmatutum duy kanyu naisipan. Tinalu yi niku ti kapangyarihan kalibutan.”

Huwan 20:19

Pagka malambung yi ati pag sirang Duminggu, nagtipun ti manga tuludluan. Tinalakpan inagad nida ti sabian dahil magkadala gid sida sa manga pinunu Hudiyu. Bag-u linmuwang si Hisus, tinmindug siya sa kanda karaw-an bag-u kay sinabi magkun, “Pagmay kahusayan duy kamu.”

Huwan 20:26

Pagka sa usa maan ka sirang duminggu, ati maan ti manga tuludluan sa sulud balay, hanggan si Tumas kaibahan yi nida siyun. Nagluwang si Hisus madi inagad ti manga talakup sabian, nagtindug siya sa kanda karaw-an sinabi niya magkun, “Pagmay kahusayan sa kanyu.”

Ruma 1:7

Inda kang surat tabug sa kanyu tanan sa manga pagmahalun Diyus asan sa banwa Ruma, kamu manga banal. Pagsa kanyu ti papalad hanggan ti kahusayan ginan sa kanta Diyus Ama hanggan ginan sa Panginuun Hisu-Kiristu.

Ruma 16:16

Pagmalahalan kamu pagparaingan-an kamu magtar-ari sa kan Kiristu. Ti tanan manga iglisya ni Kiristu magpaingana nu kabitay nguna kamu asan.

Ruma 8:1

Nakan ngani dayi sintinsiyahan Diyus ti manga magpakiusa sa kan Kiristu Hisus.

1 Kurintu 1:30

Pinausa yi kamu Diyus sa kan Kiristu Hisus. Siya ti binwat Diyus gimpuunan kadunungan nita hanggan katadlungan, ag pinablag para sa kanya. Irinibri yi kita sa kanta manga kasalanan.

1 Kurintu 16:20

Magkamusta ti tanan manga patar-ari sitay magpaingana nu kabitay kamu. Kamu ti magtar-ari sa kan Kiristu, pagkaramustahan waydi kamu ti kada usa sa kanyu asan.

2 Kurintu 13:12

Pagparaingan-an paggalalangan kamu ti manga magtar-arian sa kan Kiristu. Ti tanan manga patar-ari sa iglisya magpaingana nu kabitay kamu asan.

2 Kurintu 5:17

Nakan ngani una si unu ti magpakiusa sa kan Kiristu, siya bag-u yi linalang. Udyi ti daan pagkatawu. Siya bag-u yi gid pag tawu.

Ipisu 6:23

Magdarangin aku hampay ti Diyus Ama ag ti Panginuun Hisu-Kiristu pumakaun sa tanan manga patar-ari kay kahusayan hanggan kay pagmahal may tapil pagsarig.

1 Tisalunika 5:26

Pagparaingan-an kamu pag may pagmahal sa tanan manga patar-ari.

1 Pidru 1:2

Daan di inisip Diyus Ama kay pinili kamu, kay ipinasakup kamu sa Ispiritu hampay kamu masurundun yi sa kan Hisu-Kiristu ag hampay kamu malumpiyu yi sa dugu ni Hisus. Pagsa kanyu ti abunda pag papalad hanggan kahusayan.

3 Huwan 1:14

Magkaibug gid mana aku umasan balaw yi dugay, hampay magharampangan kita aratubangan.